Претходно
Лекции кои можете да ги научите од најпознатите светски милијардери
Датум: 12 сеп 2013
Коментари: 0
Општо е познато дека може многу да се научи од навиките на богатите луѓе. Богатството се стекнува постепено и макотрпно. Нивните постапки и навики можат многу да нè научат, па затоа почнете да учите од нив.
Живот под своите можности
Иако Марк Закерберг, основачот на Фејсбук, одамна има многу финансиски средства, тој реши да купи куќа неодамна. Неговата нова куќа чини 7 милиони долари, што е неспоредливо со неговото богатство од 17,5 милијарди долари. Тој не се расфрла со парите и живее мирен и приземен живот, а тоа е лекција која сите треба да ја научат.
Помагајте
Бил Гејтс последниве години има донирано толку многу пари, што пополека почна да паѓа од листата на најбогати луѓе на Форбс. Не треба да подарувате милиони како што прави тој, затоа што ретко кој ги има, но можете да одвоите малку слободно време за волонтирање или да донирате некој денар за оние на кои навистина им е потребна помош. Запомнете, доброто со добро се враќа.
Размислувајте на долги патеки
Ворен Бафет е познат по своите вложувања кои даваат резултати на долг рок. Крајно време е да почнете да размислувате на долги патеки. Иако, сте млади и рано ви е за пензија, сепак уште сега треба да почнете да размислувате каков живот сакате да живеете кога ќе остарете. Секогаш можете да почнете со вложување во животно осигурување или да штедите. Верувајте, еден ден и тоа како ќе ви се исплати.
Работете го она што го сакате
Во една своја емисија, Опра Винфри изјави:
„Луѓето ја пронаоѓаат среќата во она што го работат. Доколку не го работите она што го сакате, секој ден по малку умирате.“
Важно е да имате кариера во која уживате. Секојдневно многу време поминувате работејќи, а ако работата не ви се допаѓа, почнете барем да работите на правење план како да го промените тоа. Зар би го поминале цел живот во некоја компанија само затоа што неа ја бие „добар глас“, не земајќи предвид колку тоа лошо ви влијае? Преземете ги работите во свои раце. Нема да ви биде лесно и со сигурност ќе ви треба повеќе време отколку што мислите, но најважна е крајната цел – да го работите она што го сакате.
Живејте го животот со полн капацитет
Голем број богати луѓе се водат по принципот „Живеј како да ти е последен ден“. Сара Блејкли, милијардерката која е сопственик на компанијата „Spanx“ ја научила оваа лекција на само шеснаесет години. Имено, нејзината најдобра другарка ја удрило автомобил и им подлегнала на повредите.
„Тогаш сфатив колку животот брзо проаѓа и никогаш не можете да знаете дека деновите ви се одбројани.“
Не плашете се да ризикувате! Живејте го животот до максимум, бидејќи никој не знае што носи утрешниот ден.
Работете напорно на себе
Сите се воодушевуваа на неодоливите презентации на Стив Џобс, но неговиот талент не бил вроден. Тој ги презентираше производите на „Епл“ како да се наоѓа во својата дневна соба пред своите најблиски, а не пред милионски аудиториум. Ова успеал да го достигне со многу вежбање. Чувството на неформалност доаѓа после многу часови исцрпувачко вежбање. Работете напорно и вежбајте.
Верувајте им на инстинктите
Ралф Лорен се потпира на своите инстинкти на кои најмногу им верува:
„Не ми е потребна фокус група за да знам што сакаат луѓето. Јас го чувствувам тоа. Самите знаете што ќе ги допре луѓето, бидејќи тоа ве допрело и вас. Генијалноста на човекот лежи во неговата интуиција, а не во факултетската диплома.“
Не правете работи за да ги задоволите другите. Прво угодете си себеси, а доколку верувате во себе и во своите принципи, успехот нема да изостане.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
