Децата уживаат да подготвуваат оброци, затоа што, за нив, тоа е посебна игра, во која учествуваат заедно со нивните родители.rnrn
rnrnВо времето на нашите баби, тајните за готвење беа пренесувани од генерација на генерација. Тие поминуваа многу часови во учење на децата на оваа вештина. Денес, во време на брза храна, видео игри и густиот распоред на дневните одговорности на родителите и децата, готвењето е запоставено.rn
Зошто е важно да го научиме нашето дете да готви?
rnДецата уживаат да ги подготвуваат своите оброци. За нив, тоа е посебна игра, во која тие учествуваат заедно со нивните родители. Тие мерат, мешаат, сечкаат и се чувствуваат задоволно додека помагаат да се создаде нешто толку важно за целото семејство.rnrnЗачувувањето на семејната традиција е, исто така, значајна причина за вклучување на децата во подготовка на храна (пренесување на „тајните“ рецепти на баба).rnrnПостојат бројни причини да ги научите децата како да готват (меѓу другото, затоа што брзата храна е скапа и нездрава), но што е најважно, со тоа што ги подучувате, тие веројатно ќе пораснат во здрави и одговорни личности. Овозможувајќи му на вашето дете да ја процени свежината на храната и да ги претвори состојките во вкусна храна, му помагате да направи мудар избор за тоа што да јаде.rnrn
rn
Готвењето е активност за сите возрасти
rnДецата треба да бидат вклучени во подготовката на храна од рана возраст, во зависност од нивната вештина и интерес. Важно е да знаеме со што да се започне.rnrn- На возраст од 3 до 6 години, децата можат да го мијат овошјето и зеленчукот, да сервираат, да ја раскренат трпезариска маса, да помогнат во подготовката на храна (додавање состојки, мешање), да ја исчистат работната површина, да стават хартија за печење во тава.rnrn- Децата на возраст од 6 до 10 години ќе ви помогнат со тоа што ќе ви ги прочитаат рецептите, ќе напишат список за пазарување, ќе ви ги додаваат состојките при готвење, ќе матат со електричен миксер, ќе го исчистат овошјето и зеленчукот и слично.rnrn- Кујнски активности за деца на возраст од 10 до 13 години: подготовка на едноставен рецепт – со мала помош, користење микробранова печка и шпорет, рендање и употреба на нож – под надзор.rnrn- Тинејџерите веќе можат сами да испланираат здрав оброк, како и избор на оброци што треба да се сервираат на забава или на специјална вечера. Тие можат да подготват некој рецепт, да направат список од производи за пазарување и да приготват покомплексни оброци – под надзор.rn
Споредни активности во кујната
rnПокрај готвењето, важно е детето да учи да одржува и хигиена во кујната. Во зависност од возраста, научете го да ги мие или брише садовите, да ја исчисти работната површина и слично. Важно е да ја напушти кујната само кога сè ќе биде чисто. Исто така, покрај преземањето на сите мерки на претпазливост, треба да ја направите кујната безбедна и да ги научете вашите деца да бидат внимателни, со тоа што сами ќе се грижат за себе.rnrnМожеби сакате да дознаете и кои се најголемите грешки што ги правите во кујната?