Ако единствениот период кога детално го „зумирате“ вашето тело е додека си ги чупате веѓите или додека си ги лакирате ноктите, тогаш можеби пропуштате некои важни информации за вашето здравје. Едно од најубавите нешта за нашето тело е дека има вградени сензори за различни видови болести и експертите велат дека можете да ги забележите и најраните симптоми доколку обрнете малку повеќе внимание на себе додека се гледате сабајле во огледало. Епа ајде, погледнете подобро…rnrn
rn
Дали гледате темни линии на вашите нокти?
rnГолемите бемки не се единствените знаци кои укажуваат на рак на кожата. Оваа болест може исто така да се развие и под вашите нокти. Жолтеникави, кафени или црни линии се знак дека имате оштетени клетки, најверојатно од меланом – најсмртоносната форма на рак на кожата, според д-р Ариел Остад, дерматолог во Њујорк. Но, доколку болеста е забележана во рана фаза, тогаш во 95% од случаите може да се излечи. Ако се сомневате дека ги имате овие симптоми веднаш посетете дерматолог.rn
Дали имате светло бели линии на вашите нокти?
rnНа сите ни се случува од време на време да добиеме бели точки на нашите нокти (особено ако сме си го удриле прстот во фиока), но ако забележите долги хоризонтални ленти или промена на бојата на површината од вашите нокти и ако се чувствувате необјасниво уморно во последно време, тоа можеби се лоши вести за вашите бубрези. Овие симптоми може да бидат знак дека вашите бубрези не можат да ги филтрираат протеините од вашата урина. Тоа значи дека вашето тело многу брзо губи протеини – а тоа може да доведе до откажување на бубрезите. Доколку ги забележите овие линии, д-р Ариел Остад ви препорачува веднаш да го посетите вашиот доктор.rn
Дали можете да забележите груба или темна кожа под вашите пазуви?
rnАко не сте претерале со кремите за потемнување, можно е да имате дијабетес, според д-р Мајкл Смит, главниот уредник на сајтот „WebMD.“ Преголемо количество на инсулин во вашиот крвоток може да предизвика абнормално мултиплицирање на клетките на кожата, што доведува до насобирање на ткиво и меланин. Ова предизвикува вашата кожа да изгледа потемна и погруба. Најчесто се појавува под пазувите, на вратот или на слабините. Едноставен тест на крвта може да потврди дали навистина ја имате оваа болест.rnrn
rn
Дали имате мали и меки израстоци на вашите очни капаци, колена и лакти кои изгледаат бело или бледо?
rnДобрата вест е што не станува збор за мозолчиња. Лошата вест е дека тие се мали наслаги од холестерол, според Смит. За жал, додека тие се појават, нивото на вашиот холестерол е веќе премногу високо, што е сериозен ризик за појава на срцева болест. Посетете доктор за да го провери вашиот холестерол и прашајте го каква промена на вашиот животен стил ќе може да ви помогне за тие да не се појават повторно.rn
Дали вашата коса премногу ви паѓа?
rnСте забележале ли некогаш за време на бањањето големо количество коса во вашата када? Наглото опаѓање на косата е чест индикатор дека имате проблеми со тироидната жлезда. Кога таа не работи како што треба, може да го наруши балансот на машките и женските хормони, според д-р Сандра Фрајхофер, доктор во приватна пракса во Атланта. Доколку го имате овој симптом, во најбрзо време направете хормонски тест.rn
Дали имате премногу првут?
rnАко одеднаш почне премногу да ви се лупи кожата на вашата глава, тогаш можеби треба подетално да го погледнете вашиот начин на живот. Големото количество стрес предизвикува вашето тело да произведува голема количина од хормонот кортизол. Освен тоа што може да влијае на сушење на кожата на главата, може и да го намали имунолошкиот систем, како и да го наруши метаболизмот. Едноставен шампон против првут може да ви помогне со овој проблем, но ако не сакате до крајот на вашиот живот рамената да ви бидат „бели“, тогаш д-р Ариел Остад ви препорачува да почнете повеќе да спиете, да дишете длабоко и да го олабавите вашиот работен распоред.rnrn
rn
Дали забележувате густа и темна формација од влакна на вашиот стомак?
rnДоколку срамните влакна преминуваат нагоре по вашиот стомак, тогаш тоа може да е знак за полицистични јајници, според д-р Памела Беренс од медицинското училиште на Универзитетот во Тексас. Поради создавање на преголемо количество андрогени хормони, може да се појават нерегуларни и тешки менструални периоди, качување на тежината, акни и појава на густи и темни влакна на стомакот, лицето, градите и грбот. Доколку ги забележувате овие симптоми веднаш посетете го вашиот гинеколог, бидејќи во иднина можат да настанат проблеми како неплодност и срцева болест.rn
Дали имате бели, жолти или портокалови наслаги на вашиот јазик?
rnОвие симптоми укажуваат на проблеми со вашиот желудник. Во нормални ситуации, „вентилот“ кој се наоѓа во долниот дел на хранопроводот не дозволува тоа што ќе го изедете да се враќа наназад. При проблеми со желудникот, тој „вентил“ не работи како што треба и понекогаш спонтано се отвара. На тој начин, дел од храната полека се враќа накај вашето грло, правејќи ви наслаги на јазикот и сериозен случај на „Годзила здив“. Доколку се сомневате дека ги имате овие проблеми, посетете го вашиот доктор кој ќе ви препише лекови за намалување на стомачната киселина.rn
Дали имате кафени кругови под очите кои никако не сакаат да си заминат?
rnИ покрај тоа што спиете доволно и се одморате преку ден, тие сепак никако да исчезнат и поради тоа постојано се криете под неколку слоеви пудра… Според д-р Ариел Остад, ненадејната појава на темни кругови може да биде знак дека патите од алергии. Накратко, кога алергија ќе го нападне вашето тело, тоа како одговор на неа почнува да лачи хистамин. Оваа хемикалија предизвикува отекување на вашите крвни зрнца и други видови течности и поради тоа се појавуваат темни кругови онаму каде што кожата е најтенка. Едноставен тест на кожата може да детерминира дали станува збор за алергии.rnrn
rn
Дали забележувате жолтеникава грутка на вашето око?
rnНе, дефинитивно не сте развиле редок случај на оптичко мозолче. Станува збор за симптом на сосема безопасна болест која се нарекува „pinguecula“. Тоа не е ништо повеќе од преголемо лачење на колаген кое е предизвикано од оштета од сонцето, ветерот или прашината, според Траси Голдстеин. Одржувајте ги вашите очи влажни со лубрикантни капки и заштитувате ги повеќе кога ќе бидете на отворено и набрзо ќе ви биде подобро.rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.