Автор: Александра ЧакаровскаrnrnКако резултат на различните традиции, навики, култури, постојат различни видови појадоци. Во некои земји тие се богати со разновидни јадења, додека во други појадокот е едноставен и претставува само премин до главното јадење. Запознајте се со најпопуларните појадоци во светот.rnrn
Англиски појадок
rnЕден од најпознатите и со сигурност најобилните појадоци во светот е токму англискиот. Порцијата обично содржи јајца, сланина, колбаси, грав, печурки и парче тост. Англичаните најмногу уживаат да појадуваат со шолја црн чај.
rn
Полски појадок
rnПолскиот појадок е познат како „јајечница“. Се подготвува од изматени пржени јајца и парчиња полска колбаса, која е ставена одозгора. Обично се служи со 2 палачинки од домати.
rn
Појадок во Шпанија
rnЗа разлика од англискиот и полскиот, шпанскиот појадок е далеку поскромен. Познат како Пан ала Каталана, овој појадок е доста вкусен и се подготвува мошне брзо. На парчиња леб се мачка свеж лук и одозгора се нанесуваат зрели домати. Се попрскува со малку сол и маслинов зејтин. Овој појадок може да се збогати со сирење, шунка или колбаси.
rn
Хавајски појадок
rnПоради тоа што Хаваи изобилува со овошје, овој појадок задолжително содржи некое овошно парче. Како додаток, хавајскиот појадок може да се сервира со ѓеврек.
rn
Појадок во Италија
rnИталијанците имаат прилично едноставен појадок. Кроасан со капучино е сосем доволно да ги засити до главниот оброк, во кој со сигурност пицата ќе доминира.
rn
Појадок во Тајланд
rnВо Тајланд, појадокот не се разликува многу од ручекот и вечерата. Се состои од зачинета риба, слатко-зачинето пилешко месо сервирано со ориз. Овој појадок има одличен вкус и е многу здрав.
rn
Руски појадок
rn„Олади“ е јадење кое можете да го пробате во Русија како појадок. Овој појадок е сличен на палачинки кои се меки внатре, а однадвор крцкави. Најдобро се комбинираат со мед, џем, павлака и свежи бобинки.
rn
Појадок во Јапонија
rnПопуларен појадок во Јапонија е „тофу“ сирењето. Обично се служи со ориз и риба. Соја сосот е задолжителен додаток кој го збогатува вкусот на ова јадење.
rn
Унгарски појадок
rnПогачата е традиционален унгарски појадок. Толку е популарна што во нејзина чест преку целата година се организираат фестивали во различни делови на Украина. Рецептите за погачата се разликуваат зависно од тоа во кој регион се подготвуваат.
rn
Појадок во Турција
rnПојадокот во Турција е составен од различни видови јадења и е доста обемен. Обично, за појадок ќе добиете неколку видови сирења, путер, маслинки, јајца, домати, краставички, мармалад, мед и зачинето месо.
rn
Македонски појадок
rnМакедонците се познати по тоа што денот го започнуваат со кафе, кое е најчесто турско. Откако ќе се расонат, појадуваат месени јадења како ѓеврек, банички, лиснато тесто и ги комбинираат со чаша јогурт. Сепак, најпознато и најомилено јадење за појадок е бурекот, кој може да се најде во различни варијанти – бурек со месо, бурек со сирење, бурек со спанаќ.
rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.