Пишувањето е терапија на мозокот, ослободување, лично запознавање, допир со најскриените стравови, желби, задоволства. Најпознатата клише слика за човек кој пишува е глетката на компјутерот и шолја кафе, што иако е клише, на магичен начин нè инспирира и ни дава енергија. Без разлика колку или што пишувате, дали објавувате или си пишувате за себе, ова се неколку совети кои само звучат клише.rnrn
rn
Запишувајте во бележник, не во тетратка
rnДоколку имате навика да запишувате белешки и идеи рачно, пробајте наместо во тетратка да фаќате белешки во бележник (каде страниците ги вртите вертикално). Ова придонесува за послободен и поприроден тек на мислите и идеите.rn
Не грижете се за печатните грешки, само пишувајте
rnОва сигурно сте го чуле и претходно, но доколку почнете да го применувате ќе сфатите колку е вистина. Ова не важи само за креативно пишување, општо, дури и за задача за на факултет. Додека ја пишувате работната верзија, не запирајте, не прегледувајте ја секоја реченица или пола реченица. Пуштете слободно да извираат вашите идеи од мозокот. Потоа, кога ќе завршите, ќе се погрижите за проверка, поправка на грешки, фонт и изглед.rnrn
rn
Потхранете ја вашата креативност со музика
rnМожеби звучи како клише, вие да пишувате а во позадина да свири тивка музика, но токму ова ќе ве опушти и ќе ја поттикне вашата креативност. Без разлика колкава е вашата толеранција на бука додека работите, докажано е дека тивката „галама“ е подобра за концентрација од целосната тишина. Само внимавајте музиката да не биде премногу гласна, вознемирувачка или текстот да ви ги оттрга мислите. Откријте ги типот на музика што најмногу ви годи во пишувањето.rn
Не се преоптоварувајте со краен рок
rnДоколку се преоптоварувате со крајниот резултат, со роковите кои мора да ги исполните, со вашата добивка од она што го правите, го попречувате вашиот целосен потенцијал и нема да го дадете најдоброто од себе. Наместо тоа направете пишувањето да ви стане навика, нешто што го правите секојдневно, без притисок, едноставно нешто што е дел од вас. Така за брзо пишувањето ќе ви стане не само навика како миењето заби, туку од обврска ќе се претвори во задоволство.rnrn
rn
Создадете опуштена атмосфера
rnСтавете го вашиот комфор на прво место. Клучно е да се чувствувате пријатно. Пишувајте во широка, секојдневна облека. Не ви треба луксуз, ниту куп светкави предмети кои ќе ви го одвлекуваат вниманието. Дури и да не сте такви по природа, кога пишувате бидете минималисти. Осврнете се кон едноставното и намалете ги вашите очекувања.rnrnЗа крај, сепак, пишувањето е лично искуство и секој различно го доживува. Не плашете се да експериментирате, да наоѓате начини кои ви помагаат да бидете покреативни, да внесете промена, да се обидете со нешто ново. Доколку никогаш ни на крај памет не ви било да пишувате поезија, почнете со стих или два.rnrnСреќно пишување и доколку најдете нови начини кои ви помогнале, споделете ги со нас!rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rnrn