Водењето дневник е одлично за искажување на своите мисли и чувства, забележување на случките во текот на денот, па дури и за пишување поеми или кратки раскази. Без разлика на поводот, еве неколку корисни совети за тоа како да почнете со пишување на дневник.rnrn
rnrn
Пишувајте секој ден
rnСе чини дека ова е најочигледниот совет кога станува збор за водење на дневник. Што и да ви се случува, запишете го во дневникот. Вашите мисли, чувства или сето она што ви привлекува внимание. Така ќе создадете навика за пишување и водењето дневник полека ќе ви прерасне во задоволство. rnrn
Носете го дневникот со себе
rnСекогаш носете го дневникот со себе. Тоа ќе ве потсетува дека треба да пишувате. А доколку се случи да го заборавите, направете си белешки на телефонот и подоцна само убаво разработете ги.rnrn
Направете си потсетник на мобилниот
rnНека мобилниот ви послужи за уште една корисна работа. Направете си потсетник, кој ќе ве потсетува кога треба да пишувате во дневникот. Кога ќе заѕвони, престанете со она што го правите, одвојте неколку минути и пишувајте. Дури и во ова брзо темпо на живот, доколку навистина сакате, ќе успеете да пишувате и да бидете постојани во тоа.rnrn
rnrn
Одберете убава тетратка
rnКолку поубаво изгледа дневникот, толку попривлечна станува идејата да напишете нешто во него. Можете и самите да ги украсите кориците по ваш избор. Исто така, користете и специјално пенкало, што пак пишувањето ќе го направи вистинско уживање.rnrn
Читајте повеќе
rnЧитањето го поттикнува размислувањето, ги шири видиците, го зголемува умствениот капацитет, и сето тоа позитивно се одразува врз самото пишување. Земете ја вашата стара омилена книга или пак некоја нова, што отсекогаш сте сакале да ја прочитате. Доколку немате време, тогаш одлучете се за кратки раскази или поеми. rnrn
Играјте со зборови
rnНаправете листа од зборови, кои припаѓаат на слични категории и видите дали можете да ги поврзете во една целосна мисла. Така ќе почнете да размислувате за самата игра со зборови, што ќе ви ја поттикне креативноста и подоцна ќе ви помогне во пишувањето. rnrn
rnrn
Забележувајте сѐ што се случува околу вас
rnПишувајте за работи од секојдневниот живот. На пример, за убавото дрво кое секогаш го гледате кога одите на работа. Сите тие нешта, на кои обично не обрнуваме особено внимание, подоцна може да станат инспирација за пишување поема или расказ. На овој начин ќе почнете да го забележувате светот околу вас и ќе сфатите колку убав и инспирирачки всушност е.rnrn
Не грижете се за пишувачката блокада
rnПишувачката блокада им се случува дури и на најпознатите писатели. Опуштете се и уживајте во процесот. Пишувањето треба да биде задоволство, а не обврска. Во ред е доколку има и такви денови кога не сте расположени за пишување. Одете на прошетка во паркот или прочитајте добра книга, можеби тоа ќе ви помогне да се вратите во игра.rnrn
Почнете веднаш!
rnПочнете уште веднаш! Сега е најдоброто време да се почне со она што секогаш сте сакале да го направите. Одберете си ја најсоодветната тетратка и почнете. Претходните совети само ќе ви помогнат да ја изградите навиката за пишување и да уживате во водењето дневник.rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.