Поминувате низ период кога се чувствувате целосно исцрпено и без волја? Мислите дека не сте способни да се справите со некоја ситуација и вербата дека поседувате способност да излезете на крај со што било, згаснала во вас? Тоа е само период кој треба да го пребродите. Ова се 6 работи кои ќе ви помогнат повторно да се чувствувате храбри и да ја победите несигурноста.rnrn
rn
Погледнете во минатото
rnВо период кога сте изгубиле волја и верба во себе многу полесно би набројале многу работи кои некогаш ви тргнале наопаку или многу нешта за кои мислите дека не ве бива. Но најдете начин да се потсетите на сите оние работи кои сте ги направиле правилно, сетете се на некој период кога сте биле горди на себе, кога сте успеале иако никој не го очекувал тоа од вас, на тежок период кој сте го пребродиле како вистински херои.rnrnТоа може да биде финансиска криза од минатото, загубата на некој близок, раѓањето на вашето дете, губењето на вашето работно место… Сте пребродиле и потешки периоди извлекувајќи „жива глава“. Кој ви вели дека сега не сте толку силни?rn
Не губете верба
rnВерба, надеж, љубов. Што би биле без овие три основни чувства? Потпрете се на вашата верба во религијата или во општата верба дека нештата се случуваат со причина која најверојатно ќе ви биде јасна на крај.rnrnОна што нема да ве убие ве прави посилни. Тешките периоди во животот ни служат за да зајакнеме како личности, да стекнеме искуство и сила. Нештата на крај ќе си дојдат на свое место. Не преоптоварувајте се бидејќи тоа што имате лош период не значи дека имате лош живот.rnrnСè ќе биде во ред. На крај ќе испадне и подобро отколку што сте очекувале.rnrn
rn
Престанете да се споредувате со другите
rnЧесто знаеме да се поистоветуваме со нечиј друг живот, да се споредуваме со личност која според нас подобро се снаоѓа во животот. Споредувајќи се со некого, уште повеќе се уверувате себеси дека не сте ни малку совршени.rnrnУспехот во животот зависи од внатрешната сила на еден човек, а внатрешната сила зависи од самиот човек, а не од некој друг со кого би се споредувал. Да, постојат личности кои полесно ќе излезат на крај со некаква ситуација од вас. Не заборавајте дека важи и обратното. Постојат многу ситуации во кои вие би биле подобри од нив. На крајот на краиштата никој не може со сигурност да каже како му е на некој друг.rnrnНе мерете си ги сопствените способности споредувајќи се со некој друг. Сите сме различни, живееме во различни средини со различни услови и искуства. Како некој друг се снаоѓа или што тој прави не е мерка за вашата способност и квалитет, туку е само различна ситуација од вашата.rnrn
rn
Кои се вашите силни страни?
rnДа, имате негативности, но што е тоа што можете да го направите до совршенство? Можеби сте лоши во комуникација со личности кои прв пат ги среќавате, но дали умеете да сослушате и да дадете добар совет? Сите ние сме различни личности со свои предности и маани. А на светот му е потребна таа разноликост. Доколку ви помага, слободно напишете ги вашите добри страни на лист хартија. Кога ќе подзаборавите на нив, погледнете во листата со позитивности.rn
Соочете се со вашиот страв
rnНајдобар начин да се справите со нешто кое ве плаши е директно да се соочите со тоа. Имате страв од јавен говор? Пријавете се за некаков облик на јавно излагање. Се плашите од тешкотијата и обемноста на некој проект? Пријавете се да го изработите или барем да помогнете во изработката. Ништо не е невозможно. Можеби ќе ви треба повеќе време или труд но не значи дека нема да го направите. Кога сè ќе заврши ќе бидете горди на себе бидејќи сте се соочиле со стравот и ќе видите дека не било толку опасно. Дури и да не биде сè совршено на почетокот, веќе имате искуство и знаете како понатака.rnrnЗапаметете, многумина ја „утнале“ работата пред да ја изработат до перфекција. Нема некој кој не се плаши од нешто, но работата е да умеете да се соочите со вашите стравови и да ги направите да изгледаат помали.rnrn
rn
Листа со нештата кои ви штетат
rnНаправете листа со работи кои ви штетат на каков било начин, ментално или физички. Почнете со нештата во вашата соба. Дали имате навика да оставате храна на бирото или да спиете со вклучен телевизор? Запишете го тоа. Продолжете фокусирајќи се на целото ваше живеалиште, па на работното место, кругот на пријатели и сл. Дали останувате до доцна гледајќи филмови што ви прави потешкотии за да се разбудите порано и да ги завршите обврските? Дали имате навика да бегате од вашите обврски? Дали имате „штетни“ и негативни пријатели кои ве уназадуваат?rnrnОд ден на ден погледнувајќи го списокот фокусирајте се на нештата кои треба да ги оттргнете, исфрлите од вашиот живот или на областите во кои треба да се подобрите. Како што ќе се подобрувате пречкртувајте ја секоја точка во листата. По секое пречкртување ќе се ослободувате себеси и ќе чувствувате дека сте сè поблиску до зајакнување и успех.rn
Одберете да бидете победници наместо губитници
rnВо животот многу работи зависат од нас. Секој е задолжен за сопствената благосостојба. Вие самите одбирате дали ќе станете порано и дали ќе ги завршите предвидените обврски. Вие одлучувате дали ќе продолжите да се борите или ќе се предадете. Вие одлучувате дали ќе се стремите кон подобрување или ќе кренете раце од себе префрлајќи ја вината на некој друг.rnrnВие одлучете да бидете победници. Да се оддалечите од луѓето кои ви штетат, да ги исфрлите нештата кои влијаат негативно на вас, да промените многу лоши навики кои ги имате.rnrnСекој живее според дадени услови и нигде не е сјајно, дури и ако навидум ви изгледа така. Ваша задача е според условите кои ги имате да бидете најдобри што можете и да ги срушите бариерите. Одберете да бидете што подобра верзија од себеси.rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.