Еднаш еден бизнисмен бил до врат во долгови и не можел да најде начин како да излезе од својата ситуација. Тој бил во црвената зона на своите кредитори и доставувачите секојдневно му барале да бидат исплатени.rnrn
rnrnЕден ден тој отишол до паркот за да си го одвлече вниманието од грижите, но сите несреќни мисли останале заглавени во неговата глава. Човекот ја потпрел главата на рацете, пребарувајќи низ својот ум различни идеи што би можеле да го спасат неговиот бизнис од банкрот. Одеднаш, еден стар човек се појавил пред него.rnrn„Можам да забележам дека нешто те мачи“, рекол тој. „Би сакал да ги споделиш твоите мисли со мене?“rnrnБизнисменот му раскажал за своите проблеми, за недостатокот пари и за фактот дека банката одбива да му даде повеќе кредит за да може да го промовира својот бизнис. Стариот човек го ислушал без да го прекине и потоа му рекол:rnrn„Мислам дека можам да ти помогнам.“rnrnТој го побарал името на бизнисменот, напишал чек и го ставил во рацете на изненадениот маж.rnrn„Земи ги парите. Ќе се сретнеме тука за точно една година и тогаш можеш да ми ги вратиш назад.“rnrnБизнисменот немал време да изусти ништо пред стариот човек да се изгуби во гужвата. Брзо го погледнал чекот, и забележал дека тој му напишал чек од 500.000 долари. На крајот од него, било напишано и едно име – Џон Д. Рокефелер. Еден од најбогатите луѓе во светот!rnrnБизнисменот си помислил дека може за секунда да ги среди сите свои проблеми. Но, наместо тоа, решил да ги стави парите во сеф. Самата помисла дека тие постојат му дале доволно сила да може да си го спаси бизнисот. Со обновена волја, тој направил неколку добри зделки и успеал да ги продолжи крајните рокови за исплата. Во текот на наредните неколку месеци, излегол од долговите и почнал повторно да заработува пари. Една година подоцна, се вратил во паркот заедно со чекот.rnrnСтариот човек се појавил точно на време. Бизнисменот бил подготвен да му го врати чекот и да му раскаже за својот успех, кога една медицинска сестра истрчала и го грабнала старецот.rnrn„Многу ми е мило што конечно го фатив“, извикала таа. „Се надевам дека не ви пречеше. Често бега од дома и им вели на луѓето дека е Џон Д. Рокефелер.“rnrnБизнисменот само стоел таму, немо. Во текот на претходната година тој работел напорно како пчела, купувал и продавал, со мислата дека во секој момент му се достапни тие половина милион долари за да го спасат од ситуацијата доколку има потреба.rnrnОдеднаш, сфатил дека не биле парите, вистински или замислени, што го свртеле неговиот живот во друга насока. Токму неговата нова верба во себе му дала доволно сила за да постигне сè што сакал.
Прекрасна кратка парабола за вербата во себе