Ако викендов баш и не ви се оди по плажи, туку сте решиле малку да ја истражувате оваа наша прекрасна земја, тогаш од сè срце ви го препорачуваме Националниот парк Маврово. Ќе се одморите, ќе уживате и ќе се релаксирате. 
Маврово го обиколуваат планините: Бистра, Кораб, Дешат, Шар Планина и Крчин. Исто така, глетка во која ќе можете да уживате се Мавровските падини, зеленилото, сливот на реката Радика, и секако, сето тоа надополнето со Мавровското Езеро.
Доколку си направите добра агенда, може да посетите водопади, шуми, пештери… Она што ќе ве наполни со свеж воздух е буковата шума. Националниот парк Маврово е најголем национален парк во земјава, каде се наоѓа и највисокиот планински врв, Голем Кораб.
А кога сте веќе во овој национален парк, би било жалсоно да не го посетите манастирот Св. Јован Бигорски. Крстен е по монахот Јован, кој го основал во 1020 година, а додаден е и епитетот „Бигорски“ поради тоа што е изграден од каменот бигор. Доколу патот ве однесе накај Дебар, би можеле да застанете за миг и да уживате во глетката на Дебарското езеро. Ова се места кои ви ја полнат душата со мир и спокој.
rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.