КАФЕ ПАУЗА

Tag: визуелизација

За само 60 секунди научете вештина со која полесно ќе помните имиња (но и сè останато!)
Подобро помните лица отколку имиња? Ако е така, припаѓате на поголемиот дел од луѓето во светот. Тоа е така затоа што полесно го помниме она што можеме да го визуализираме, а токму на тоа се базира и тестот од 60 секунди кој ќе ви помогне да ја подобрите вашата меморија.rnrnrnrnЛуѓето сѐ послабо помнат, а тоа е и научно докажано. Виновникот за тоа е технологијата, односно смартфоните во кои можеме да ја пребараме секоја информација. На тој начин им препуштаме на телефоните да помнат наместо нас. Експертите сметат дека доброто помнење е еден од најважните квалитети за успехот во животот, бидејќи без добро помнење не можеме да имаме организациски вештини кои се потребни за напредување.rnrnДобра вест е дека помнењето можеме да го тренираме благодарените на техниката која ја осмислил американскиот академик и лумен за развивање на меморијата, Честер Сантос.rnrnОсновниот принцип на Сантосовата техника е подобрување на помнењето е визуализацијата. Луѓето многу добро го помнат она што го гледаат, па ќе ви помогне доколку нешто што треба да го запомните, прво го претворите во слика во својата глава. Затоа честопати слушаме дека некој помни лица, но не и имиња – името не може да се види, па не постои никакви визуелна референца за тоа. rnrnПрво што морате да направите е да го визуализирате она што сакате да го запомните. Второ, тоа што ќе го видите или доживеете, да го направите некако поразлично за полесно да го внесете во вашата меморија. Ако влезе слон во вашата канцеларија, сигурни сме дека и тоа би го запомниле, зар не?rnrnrnrnЧестер Сантос понудил паметен трик со чија помош засекогаш ќе ги запомните случајно распоредените зборови. Прочитајте ги овие зборови, тргнете го погледот од екранот и проверете колку зборови сте запомниле по точен редослед:rn
1. Мајмун
2. Пегла
3. Јаже
4. Змеј
5. Куќа
6. Хартија
7. Чевел
8. Црв
9. Плик
10. Пенкало
11. Река
12. Дрво
13. Кашкавал
14. Паричка
rnАко сте запомниле половина од зборовите од листата, спаѓате во просечните. Но со помош на приказната која следува, во која сите зборови од листата се поврзани во целина, полесно ќе ја запомните целата листа. Сантос во приказната вклучил и некои необични, апстрактни елементи, па затоа е полесно да ја запомните.rnrnrn

„Визуализирајте мајмун кој танцува и притоа прави звуци кои се типични за мајмуните. Потоа, мајмунот зема огромна пегла која почнува да паѓа, но е прицврстена за јаже (кое е грубо на допир) и кога ќе погледнете нагоре сфаќате дека другиот крај од јажето е прицврстен за змеј кој лебди во воздухот и е надвор од вашиот досег.rnrnЗмејот потоа паѓа на едната страна од вашата куќа и сфаќате дека куќата е целосно прекриена со хартија. Потоа го спуштате погледот и го гледате вашиот чевел, бидејќи сте сфатиле дека мириса многу лошо. Гледате во чевелот и сфаќате од каде доаѓа тој мирис. Мал црв исползува од чевелот, скокнува во пликот и одеднаш се отвора пенкало. Пенкалото започнува да пишува по целиот плик, а потоа скокнува во реката со силно прскање. Реката се прекршува на каменот, а потоа во дрвото. На дрвото расте кашкавал, а секое парче кашкавал исфрла паричка.

rnОбидете се повторно да ја кажете листата со зборови, овој пат без воопшто да ја погледнете! Успеавте да ги погодите сите зборови по истиот редослед? На кратко, трикот е во тоа што доста едноставните слики може да ве присетат на многу поширок концепт. Па, следен пат кога ќе запознаете нова личност, направете си навистина интересна приказна околу нејзиното име и никогаш повторно нема да го заборавите.rnrnКако што спомнавме, помнењето треба да се тренира, а еве како да ја усовршите способноста за помнење.
August 29, 2017
Прекрасна визуелизација на авионските летови од и кон Европа

Ова двеминутно видео е изработено од страна на компанијата за авијатички менаџмент НАТС, а на многу сликовит начин прикажува како изгледаат сите летови кои почнуваат или завршуваат во Европа во текот на 24 часа во еден летен ден. Секој авион е претставен со една сина точка со мало опавче, а ги има во неверојатна бројка од околу 300.000. Најголем дел од нив тргнуваат или завршуваат во Лондон, а потоа и Париз, Милано или Амстердам.rnrnrn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 4, 2014
5 работи кои успешните луѓе ги прават до 8 наутро

Денот по утрото се познава. Ако е така, тогаш потрудете се утрото да ви биде што подобро организирано и почетокот на денот да го минете со што помалку стрес. Успешните луѓе практикуваат некои правила секое утро, па доколку веќе не сте во таа група, би можеле да примените неколку нивни трикови. Ова се неколку работи кои успешните луѓе ги прават секое утро.rnrnrn

Вежбање

rnПотрудете се да вежбате секое утро. Нема правило кои вежби треба да ги правите, бидејќи важно е да сте активни. Доколку вашата работа бара од вас постојано да седите, тоа може да ви создаде низа здравствени проблеми. Затоа физичката активност е многу важна. Разбудете се барем 15 минути порано и вежбајте.rn

Направете распоред на обврските

rnВажно е наутро да направите план што и како ќе правите во текот на денот. На овој начин ќе бидете многу подобро организирани и полесно ќе ги извршувате задачите. Внимавајте само да не претерате со планирањето и не заборавајте дека сте човек кому му се потребни паузи и одмор.rn

Здрав појадок

rnСигурно многу пати сте чуле дека појадокот е најважниот оброк во текот на денот. Затоа појадувајте нешто здраво и обезбедете енергија за работниот ден.rnrnrn

Визуелизација

rnНаутро е добро самите да го визуелизирате денот пред вас. Тоа е вештина на ментално програмирање и претставување на целите кои сакаме да ги оствариме.rn

Бидете одлучни и бестрашни

rnНајверојатно секое утро сте свесни дека дента морате да направите некои работи кои ги одлагате и кои баш и не ви се прават. Меѓутоа, секогаш е најдобро веднаш да ги направите работите кои ви се најтешки.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 5, 2013
Погрешните лекции од книгите за самопомош

Потрагата по лична среќа и душевен мир ги тера луѓето да посегнат по најразлични извори на знаење кои можат да им помогнат да се снајдат во борбата со секојдневните предизвици, а во таквиот амбиент расте популарноста на т.н. популарна психологија и книгите за самопомош.rnrnНекои од нив навистина имаат што да понудат, даваат одлични совети и можат да ја сменат перцепцијата на работите, но се продаваат и такви кои ветуваат чуда иако не се научно издржани и само го залажуваат читателот давајќи му ирационален оптимизам и краткотрајно залечување на раните.Согледувајќи ја ваквата состојба, психологот Алис Бојс замолила четворица нејзини колеги да издвојат по нешто од таквите книги со кое не се сложуваат. Еве како тие, според сопственото практично искуство, коментираат некои нешта кои се среќаваат таму.rn
rn

Визуелизација на успехот

rnВо некои книги за самопомош ќе прочитате дека сликовитото замислување на моментот на остварувањето на вашата цел ќе ви помогне што побрзо да стигнете до неа. Скот МекГрил не се сложува со тоа и советува да се замислува само процесот на нејзиното остварување.rn
rn

„Истражувањата откриваат дека замислувањето дека веќе сте ја постигнале целта го намалува мотивот да работите во таа насока, затоа што кога ќе почувствувате дека веќе сте направиле нешто, нормално е потоа да почувствувате и дека нема веќе што да се направи. Од друга страна, замислувањето на процесот кој води до целта може да го засили мотивот,“ вели тој.

rn

Лично унапредување

rnСпоред Гај Винч медиумите и книгите погрешно ги интерпретираат личното унапредување и самосвеста како чувство. Тој тврди дека тоа не се чувствува, туку се однесува на нашето влијание на луѓето околу нас.rn
rn

„Истражувањата покажуваат дека вистинското лично унапредување е процес на преземање дејства кои даваат резултати во реалниот живот,“ вели тој.

rn

Спремност за промени

rnМајкл Формика забележал дека дел од овие книги содржат тврдење дека промените во животот се случуваат тогаш кога сме подготвени за нив. Според неговото 20-годишно искуство, ние не решаваме за случувањето на промените, туку тие се случуваат кога околностите тоа ќе го дозволат и ќе нè натераат на нив.rn
rn

„Сфатив дека подготвеноста, односно клучниот момент за промена, често се случува кога последиците од нашето однесување се со поголема тежина од вредноста на тоа однесување за нас самите. Со други зборови, кога она што сме го вложиле (последиците) станува поголемо од она што го добиваме за возврат (вредноста), околностите нè тераат да смениме нешто кај нас,“ вели д-р Формика.

rn

Моќта на позитивното размислување

rnПсихолозите тврдат дека позитивното размислување може да донесе одредени бенефити при справувањето со одредени ситуации. Но, постојат автори кои тоа го преувеличуваат, па дури тврдат дека позитивното размислување има моќ да лечи болести, без тоа научно да го образложат.rn
rn

„Позитивното размислување може да помогне, но кога не ја зема предвид ситуацијата во која личноста се наоѓа може да наштети. Сум видела каква штета им нанесува на хронично болните. Кога ним постојано им се кажува дека треба само да мислат позитивно и ќе им биде подобро, тие се обвинуваат себеси затоа што тоа не се случува. Тоа го сфаќам како тиранија на позитивното размислување,“ вели психологот Тони Бернхард.

rnТаа советува во таквите ситуации мирот да се бара преку сочувство кон самиот себе, односно прифаќање на работите такви какви што се со помислата дека е направено сè што можело да се направи.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

April 4, 2013
7 начини како да ја подобрите меморијата

Автор: Горана КоневскаrnrnИмате проблем со помнењето? Во ова стресно секојдневие, не е невообичаено човек да биде растроен, но сепак постојат многу едноставни методи, кои можат да ви помогнат да бидете пофокусирани и подобро да помните.rnrnrn

1. Движете се

rnГојазноста претставува голем ризичен фактор за многу болести, меѓу кои се вбројуваат мозочниот удар, Алцхајмеровата болест и многу други. Мозокот зависи од енергијата која ја добива преку постојаното внесување на кислород и хранливи материи преку крвотокот, а кога тие материи нема да пристигнат, способноста на мозокот за извршување на својата функција е отежната. Така, првата работа која треба да ја направите во процесот на подобрување на својата меморија е да станете од столицата и да се движите, да трчате, да возите велосипед или на кој било друг начин да бидете во движење.rn

2. Не прескокнувајте го појадокот

rnГолем број истражувања докажуваат дека прескокнувањето на појадокот негативно влијае врз меморијата. Кога се будиме наутро нашето тело поминало доста часови без консумирање храна и течности. Затоа, потребно е задолжително да внесеме (па макар и мала количина) храна за да го започнеме денот со енергија. Доволно е да изедете една банана, потпечени лепчиња на тост со путер и да испиете еден чај. Ваквиот појадок нема да ве здебели, ниту пак ќе ве прејаде, бидејќи во текот на денот овие калории брзо ќе ги потрошите. Појадокот позитивно ќе влијае врз функцијата на мозокот, врз меморијата и врз вашето расположение.rn

3. Визуелизирајте

rnДали ви е позната изреката: „Сликата вреди илјада зборови“? Претворањето на зборовите во слики ќе ви помогне подобро да ги запомните. Можете да визуелизирате и да запомните цела листа на работи доколку ги поврзете меѓусебно. Да речеме дека треба да ги запомните следните работи: пенкало, цвеќе, фотографија и чанта. Замислете ситуација каде држите чанта, од неа вадите пенкало и се потпишувате на фотографија која ја закачувате на букет цвеќе. Оваа „приказна“ и редоследот на нештата ќе ви помогнат да ги запомните предметите.rnrnrn

4. Обратете внимание

rnДоволно се само осум секунди за да го фокусирате вниманието врз нешто, со цел да постигнете ефективен трансфер од кратката во долгорочната меморија. Обидете се да останете присутни и максимално фокусирани на определена задача, без разлика дали станува збор за запознавање нови луѓе, учење нови работи, читање или нешто сосема поинакво. За таа цел ќе ви помогне и отстранувањето на работите кои ви го одземаат вниманието во моментот, како на пример музика, телевизија, мобилен телефон и слично.rn

5. Повторување

rnКога се запознавате со некоја личност, поголема е веројатноста да го запомните нејзиното име доколку го повторите на глас. На пример: „Драго ми е што се запознавме, Даниела“. Истражувачите откриле дека луѓето кои го практикуваат ова, имаат за 30% поголеми шанси да го запомнат името на соговорникот, од оние кои воопшто не го изговараат. Исто така, ефикасен начин да запомните определена работа е да повторувате што правите. На пример, додека се движите кон дневната соба повторувајте: „ги ставам очилата на масата… ги ставам очилата на масата…“. Иако ќе се чувствувате чудно додека го правите тоа, сепак ќе бидете многу благодарни кога ќе ви затребаат очилата и кога веднаш ќе се сетите каде сте ги ставиле.rn

6. Метод според место

rnВо древна Грција, поетот Симонидес бил повикан за време на еден бал да рецитира поема. Неколку минути откако тој ја напуштил салата, се случил силен земјотрес. Бидејќи телата на присутните биле непрепознатливи во урнатините, Симонидес помогнал при нивната идентификација со тоа што запомнил кој каде седел додека тој рецитирал. Оттогаш, овој начин на поврзување на личности со одредено место е познат како метод според место.rnrnОвој метод често го користат угостителите, кога треба да запомнат нарачка од десетина различни пијалаци или дузина различни порции. Тие на местото на личноста го замислуваат пијалакот и јадењето, за потоа да можат прецизно и без грешка да ги услужат гостите.rn

7. Користете ја својата околина како потсетник

rnПоставете некој предмет на несекојдневно за вас место, за да ви послужи како потсетник. На пример: прстенот од средниот прст преместете го на палецот за да ве потсети да извршите некоја работа која ќе ја зацртате. Или пак, може на влезната врата од внатрешната страна да ставите мала кесичка да ве потсети да го фрлите ѓубрето. Можете и да залепите ливче на влезната врата и секогаш кога ќе се сетите дека ви недостига нешто дома, да го запишувате на ливчето, па така ќе бидете сигурни дека кога ќе излегувате нема да заборавите да го купите.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

February 20, 2012
Релаксирајте се после напорниот работен ден со визуелизација
Визуелизацијата е многу моќна умствена алатка. Истражувањата покажуваат дека потсвеста не може да направи разлика помеѓу реалниот настан и замислениот т.е. визуелниот. Поради тоа визуелните слики можат да имаат големо влијание врз умот.Ова е една одлична и ефективна техника која ќе ви помогне да ја намалите напнатоста во телото и да го намалите стресот. Преку неколку едноставни чекори помогнете си да се опуштите и да уживате во остатокот од денот.rn.

rnrn
- Најпрво седнете или легнете на вашето најудобно релаксирачко место во вашиот дом или наполнете ја кадата со топла вода и запалете неколку ароматични свеќи. Затворете ги очите и дишете бавно. Дозволете си мир и тишина, непречени од комуникациските апарати.
- Замислете се себеси на некое место што ве прави да се чувствувате спокојно. Тоа може да биде песочна плажа, раззеленета шума или пак пловидба со брод, сѐ е оставено на вашите желби и на фантазијата.
- Задржете ја таа слика и замислете како доживувате бран од позитивни емоции кои ви будат чувства на среќа и исполнетост.
- Останете со мислите далеку се додека не се почувствувате комплетно удобно и потоа пополека вратете се во реалноста.
rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rnrn
September 2, 2010