КАФЕ ПАУЗА

Tag: тишина

  • Зошто ни се корисни моментите на тишина и осаменост?

    Зошто ни се корисни моментите на тишина и осаменост?

    Постојаната интеракција со другите може да биде навистина исцрпувачка бидејќи треба да инвестираме многу енергија да ги израдуваме другите, да им угодиме, да ги насмееме, да исполниме сè што се очекува од нас! Иако тоа се секојдневни интеракции со нашите родители, пријателите, партнерот или соседите, тие често нè исцрпуваат.rnrnЗошто ни се корисни моментите на тишина и осаменост?rnrnОд друга страна, моментите на тишина и осаменост можат да ни ги наполнат батериите и да го подобрат нашето ментално здравје!rn

    1. Осаменоста го поттикнува процесот на самонабљудување и самоанализирање

    rnПоради постојаниот наплив на туѓи емоции, кои свесно или несвесно ги преземаме, можеме да ја изгубиме врската со сопствените емоции, желби и потреби. Според научниците, кога ќе престанеме да се фокусираме на луѓето и работите околу нас, подготвени сме повеќе да им се посветиме на нашиот ум и на нашите мисли.rn

    2. Осаменоста може да ја поттикне креативноста

    rnВо моментот кога ќе почнеме да уживаме во нашето друштво, имаме нова перспектива на нашите емоции, а резултатот е подлабоко разбирање на самите себе, како и она што нè прави среќни или тажни и полесно управување со сопствените емоции.rn

    3. Не мора да правите компромис

    rnКолку пати сте направиле компромис да уживате во друштвото на другите? На пример, сакавте да одите во кино, но гледавте филм кој не сакавте да го гледате бидејќи на крајот, мнозинството го имаше одлучувачкиот збор. Често го оставаме настрана она во кое најмногу уживаме заради другите, но кога сме сами, можеме да уживаме во она што нè исполнува и нè прави среќни.rnrnОткако прочитавте зошто е корисно понекогаш да се препуштите на осаменоста, можеби ќе сакате да прочитате и што е потребно за среќен и долг живот.rnrnИзвор: sensa.mondo.rs

  • Како тишината влијае врз мозокот?

    Како тишината влијае врз мозокот?

    Сигурно досега сте се запрашале дали и колку е важна тишината во однос на целокупното здравје на човекот. Сите ние сме навикнати на бучавата околу нас иако знаеме дека тоа честопати може да доведе до нервоза, вознемиреност и гнев. Но, и покрај тоа, понекогаш успеваме да најдеме моменти на тишина, дури и кога сме опкружени со „пеколна врева“. Како тишината влијае поволно врз мозокот? Прочитајте во продолжение.rnrnКако тишината влијае врз мозокот? rn

    Тишината го помага развојот на мозочните клетки

    rnВо рамките на истражувањето објавено во списанието Brain, Structure, and Function, бил направен експеримент со глувци чија цел било да се открие како тие реагираат на тишината. Се покажало дека кај глувците кои биле изложени на целосна тишина во времетраење од два часа била забележана појава на нови клетки во хипокампусот на нивниот мозок. Важно е да се спомене дка хипокампусот е дел од мозокот одговорен за обработка на емоциите, учење нови работи и памтење.rn

    Тишината ја поттикнува емпатијата

    rnМногу делови од нашиот мозок се поврзани на некој начин со емоционалните реакции и чувствителноста. Сепак, десниот супрамаргинален гирус е главната мозочна област која помага во развојот на овие особини. Доколку овој дел е со нарушена функција тогаш луѓето нема да можат да носат брзи одлуки, но и би биле помалку емпатични. Токму тишината им помага на овие мозочни делови да се одморат и одново да се активираат.rn

    Тишината поволно делува врз способноста на мозокот да ги процесира информациите

    rnДруго истражување покажало дека нашиот мозок поинаку ги обработува информациите доколку поминуваме одредено време во тишина. Според научниците, мозокот може да ги интегрира внатрешните со надворешните информации доколку не е изложен на нови стимули. Со други зборови, преку тишината можеме да научиме како нашите искуства се интегрираат со надворешните околности, наместо само да реагираме на звуците кои нè прават помалку свесни. Според будистичките и таоистичките гледишта, тивката средина лишена од врева и звуци, може да ја пополни „празнината“ во нашите умови. Тишината е таа што ни овозможува да бидеме повеќе свесни за реалноста и светот околу нас.rn

    Тишината помага при намалување на стресот и чувството на тензичност

    rnНаучни докази укажуваат на фактот дека две минути тишина се доволни за ослободување на телото од напнатоста и стресот. Во текот на неколку истражувања биле мерени промените во респираторните фреквенции, отчукувањата на срцето и нивото на јаглерод диоксид, па било откриено дека неколкуте минути тишина влијаеле врз начинот на кој телото реагирало на околностите. Така, било докажано дека тишината ги активира хормоните кои го намалуваат стресот како серотонин, окситоцин и гама-аминобутерната киселина (GABA) која ја намалува нервната напнатост.rnrnОткако прочитавте како тишината влијае врз мозокот, можеби ќе сакате да прочитате и зошто луѓето се плашат од тишината.rnrnИзвор: earth-scope.com

  • Дали знаете зошто луѓето се плашат од тишината?

    Дали знаете зошто луѓето се плашат од тишината?

    Влегувате во автомобилот и го вклучувате радиото. Кога ќе стигнете дома, го вклучувате телевизорот. Музиката свири на вашиот телефон додека се туширате или миете садови. Дали сте дел од луѓето на овој свет кои се преплашени од тишината и кои ја доживуваат како нешто неприродно, вознемирувачко, па дури и опасно?rnrnДали знаете зошто луѓето се плашат од тишината?rnrnЗапрашајте се кога последен пат сте седеле во целосна тишина, без некаков звук да ви пречи во мислите. За повеќето луѓе, ова е практично невозможно да се постигне и да се одржи бидејќи сме опкружени со звуци врз кои немаме контрола.rnrnНекои не толерираат тишина затоа што тогаш се чувствуваат осамено, додека кај други, недостатокот на звуци предизвикува лавина од вознемирувачки мисли. Полесно им е да вклучат радио или телевизија и со тоа да ги свртат мислите кон нешто друго, отколку да се соочат со сопствените стравови, сомнежи, празнина, осаменост, гнев.rnrnНекои луѓе се чувствуваат непријатно кога сè околу нив е тивко, не затоа што имаат проблем да се соочат со себе, туку затоа што се навикнати на постојани разновидни звуци уште од раѓање. Имено, навикнати сме нешто постојано да ни го одвлекува вниманието и постојано да бидеме преокупирани со некои надворешни стимули.rnrnСепак, колку и да изгледа невообичаено и непријатно, тишината е добра за секого. Тоа е можност да се „сретнете“со вашите сопствени мисли, со вашето внатрешно јас. Молчењето и тишината ни даваат можност да бидеме во контакт со самите себе, да размислуваме во мир за важни работи во животот за да добиеме подобра слика какви одлуки треба да донесеме.rnrnСамосвеста, личниот развој и медитацијата се нешта на кои секој треба да работи. Само вие можете да ја пополните празнината што ја чувствувате, ниту радиото ниту телевизијата нема да го сторат тоа за вас. Само вие можете да го изградите патот до вашите соништа и цели.rn

    Тишината ги смирува и ги поправа мозочните клетки

    rnИако многу постојани звуци не ги слушате затоа што сте навикнати на нив, тие негативно влијаат на вашите мозочни клетки кои всушност никогаш не можат да се одморат од тие дразби. Научниците велат дека седењето во тишина има корисен ефект врз луѓето и ја поправа штетата направена од премногу звуци.rnrnКога владее тишина, мозокот се смирува, а потоа се чувствувате мирни и спокојни. Тишината има голем ефект врз мозокот, ги поправа неговите клетки и го подмладува. Процесот на поправка на оштетувањето на клетките започнува по два часа поминати во тишина.rnrnСо седењето во тишина, станувате посвесни за вашата околина и успевате да слушнете звуци што претходно не сте имале можност да ги слушнете, на пример, бучавата од ветрот, пеењето на птиците, шушкањето на лисјата, крцкањето на гранките итн. Тишината не го подобрува само слухот, туку и сите други сетила.rnrnВо тишина, мозокот има можност да се фокусира на нешто без многу напор и расеаност. На тој начин, фокусирањето е нешто го правите во тишина несвесно и му дозволувате на вашиот ум да талка од една во друга мисла.rnrnПрочитајте зошто тишината може да биде корисна.

  • Не плаши се од моите зборови, туку од мојата тишина – мојата тишина е многу поопасна од моите зборови

    Не плаши се од моите зборови, туку од мојата тишина – мојата тишина е многу поопасна од моите зборови

    Мојата тишина може да уништи многу повеќе одошто некогаш би можеле моите зборови…rnrnНе плаши се од моите зборови, туку од мојата тишина - мојата тишина е многу поопасна од моите зборовиrnrnНе грижи се кога ти викам или кога за нешто те обвинувам. Не грижи се кога ќе ти се „истурам“ и пота ти праќам долги есеи во кои ти објаснувам зошто сум лута. Не грижи се кога ќе ти тропнам на врата во сред ноќ, бидејќи сум повредена. Не грижи се кога плачам ноќе за нешто што си ми го кажал.rnrnСѐ ова е излив на љубов, плач за твоето внимание и доказ за тоа колку те сакам. Но, грижи се кога моите пораки содржат само еден збор. Загрижи се кога ќе престанам да се расправам со тебе, кога ќе престанам да ти тропам на вратата и кога ќе престанам да плачам… Кога ќе престанам да зборувам и кога ќе престанам да одговарам.rnrnНе плаши се од моите зборови, туку од мојата тишина - мојата тишина е многу поопасна од моите зборовиrnrnБидејќи тоа значи дека веќе не си вреден за расправии, не си вреден за мојата лутина и твојот пламен што некогаш го користеше за да ја разгориш мојата страст, сега згаснал. Мојата тишина може да уништи многу повеќе од моите зборови.rnrnМоето молчење значи дека ти веќе не си оној кој ги окупира моите мисли, бидејќи не си достоен да бидеш дел од тој мисловен хаос во мојата глава. Знаеш, јас ги сакам зборовите, живеам за зборовите. Можам да пишувам засекогаш, бидејќи зборовите можат да се почувствуваат, бидејќи доаѓаат од срцето. Тие се искрени и ја претставуваат мојата длабочина.rnrnНо, јас ја мразам тишината. Не ми е убаво кога остануваат неизречени зборови, не ми е удобно да живеам со чувства оставени без надзор, запоставувајќи го срцето. Моите зборови се мојата љубов, мојата тишина е моето заминување, тоа е почеток на крајот. Мојата тишина значи дека не ми е гајле, мојата тишина значи дека не ги заслужуваш моите зборови и мојата тишина значи дека се откажувам од тебе.rnrnНе плаши се од моите зборови, туку од мојата тишина - мојата тишина е многу поопасна од моите зборовиrnrnМојата тишина е одговор на твојата тишина. Така јас се разбирам со тебе. Затоа, не плаши се од моите силни аргументи, тие ти се шанса да ме запознаеш. И солзите кои не можам да ги задржам, бидејќи ми значиш премногу. Не плаши се од нив, цени ги, тие се показател дека сакам да останам. Моите солзи покажуваат дека сакам да се расправам со тебе, затоа што сакам да останам со тебе. Сакам да се борам за тебе.rnrnНо, биди загрижен кога сето ова ќе престане. Исплаши се од тивкоста на денот, плаши се од ноќта кога ќе ме повредиш, а јас само ќе се насмевнам, плаши се од ноќта кога ќе ме закачкаш и милуваш, а јас нема да реагирам. Бидејќи тоа ќе значи дека сум подготвена да си одам, тоа значи дека сум подготвена да си заминам, што значи дека сум подготвена да исчезнам.rn

    Автор: Антонина Велјановска

    rn 

  • 10 причини зошто интровертите понекогаш молчат

    10 причини зошто интровертите понекогаш молчат

    Животот на интровертите понекогаш знае да биде навистина тежок, бидејќи нивниот мозок најчесто реагира на 2 начина: Или ќе кажат сѐ што ќе им падне на памет одеднаш или нема да зборуваат ништо. Кога ќе го направат првото, луѓето не им веруваат дека се интровертни. Но, кога ќе го направат второто, другите мислат дека нешто им пречи или дека им е здодевно. Па, што всушност значи тишината на интровертите? Дознајте што се случува во нивната глава кога ќе замолчат за момент…rnrn10 причини зошто интровертите молчат понекогашrn

    1. Нивниот мозок одеднаш се исклучува

    rnПонекогаш интровертите не можат да се сетат на соодветен одговор за она што другите им го кажуваат. Тишината прави да се чувствуваат уште полошо, бидејќи непријатноста на целата ситуација ги замрзнува. Тие не можат да сфатат дали мислат нешто или не размислуваат воопшто. Мислите им се плеткаат и не можат да ги разберат убаво за да состават нормална реченица.rn

    2. Преокупирани се со други работи

    rn„Дали поракава прави да изгледам глупаво?“, „Дали да нарачам пица или кинеско за вечера?“ се само дел од мислите што можат да го преокупираат мозокот на интровертите. Кога нешто се случува во нивната глава, тие не можат истовремено да разговараат. Тие се концентрираат на она што им се случува во мозокот. Не можат да следат 2 сосема различни текови на мисли истовремено, бидејќи целосно се посветуваат само на едниот процес. Ако почекате малку, тие ќе размислат и ќе наскоро ќе бидат подготвени да се вклучат во разговорот.rn

    3. Не можат да се справат со премногу луѓе одеднаш

    rnПонекогаш е премногу бучно за интровертите! Кога луѓето си упаѓаат во збор едни на други, интровертите се збунуваат. Не знаат дали и тие треба да зборуваат или да чекаат другиот да одговори. Не сакаат да навредат никого и не сакаат да кажат нешто глупаво. Темите се менуваат премногу брзо и тие не можат да си ги средат мислите. Разговорите завршуваат уште пред да почнат и никој не кажува ништо паметно. Интровертите мразат бесмислени муабети и не сакаат да се вклучуваат во такви дискусии.rn

    4. Размислуваат за нешто многу интересно

    rnИнтровертите се многу тивки и тоа им помага да го набљудуваат сето она што се случува околу нив. Тие обрнуваат внимание на луѓето кои поминуваат покрај нив, начинот на кој разговараат едни со други, енергијата што владее во просторијата и слично. Тие понекогаш се губат во мислите поради сите тие анализи на деталите што успеале да ги забележат. Другите можеби ќе кажат дека интровертите премногу размислуваат, но тоа е нешто што добро им оди од рака. Понекогаш се фокусираат и на негативни работи, но тоа не се случува многу често. Тие едноставно не можат да разговараат кога умот им е зафатен со други работи.rn

    5. Другите не обрнуваат внимание на она што го кажуваат

    rnИнтровертите забележуваат кога некој не ги слуша внимателно. Има моменти кога тие не можат да разговараат за некој проблем, иако би сакале, бидејќи мислат дека на соговорникот не му е грижа. Можеби тие се обиделе да разговараат со истиот човек претходно, но на крајот се чувствувале лошо, бидејќи не го добиле посакуваното внимание. Интровертите не сакаат да се отвораат пред такви луѓе.rnrn10 причини зошто интровертите молчат понекогашrn

    6. Имаат лош ден

    rnИма денови кога луѓето се во право што ги прашуваат интровертите дали е сѐ во ред. Понекогаш тие навистина не се чувствуваат добро. Можеби некој ги изнервирал на работа, се скарале со близок пријател или едноставно мислат дека сѐ околу нив се распаѓа. Истовремено, тие не сакаат да разговараат за нивните проблеми во моментот. Тие мора прво да го анализираат проблемот. Можеби потоа ќе бидат подготвени за разговор.rn

    7. Сакаат да си одат, но луѓето околу нив не го забележуваат тоа

    rnИнтровертите се многу добри слушатели, но навистина не можат да се справат со некои луѓе. Интровертните личности најмногу се нервираат кога некој ги повторува едните исти работи одново и одново. Уште повеќе им пречат луѓето кои постојано се жалат за проблеми што лесно можат да бидат решени ако преземат нешто, наместо да трошат време на жалење. Кога ќе се случи ова, тие даваат сѐ од себе за да испратат суптилни сигнали дека сакаат разговорот да заврши, но понекогаш луѓето не ги разбираат.rn

    8. Немаат енергија

    rnКолку и да звучи клише, понекогаш не е до вас, туку до нив. Можеби работеле премногу долго без да се наспијат доволно. Можеби не им работи мозокот и сета енергија им е потрошена, па затоа само сакаат да легнат и да заспијат.rn

    9. Изгубени се во мислите

    rnИнтровертите многу сакаат да сонуваат со отворени очи. Тие имаат бујна фантазија и понекогаш ненамерно заглавуваат во неа. Што можат да сторат кога нивниот измислен свет е честопати многу подобар од реалниот? Но, затоа секогаш се извинуваат поради нивното заталкување.rn

    10. Им треба време за себе

    rnПонекогаш интровертите биле опкружени со премногу луѓе. Имале гости цела недела, неколку состаноци на работа, излегувања со пријателите кои не можеле да ги одбегнат и едноставно немале време за себе. Потребно им е да се изолираат малку за да можат да ја обноват енергијата. Потребно им е да си ги средат мислите и да си ги одморат телото и умот. Ќе се вратат во нормала за многу кратко време.rnrnДоколку се пронајдовте во овој текст, сигурно ќе се согласите и со следниве 9 знаци дека сте вистински интроверт.

  • 7 причини зошто секојдневното седење во тишина е исклучително важно за вас

    7 причини зошто секојдневното седење во тишина е исклучително важно за вас

    Сите звуци што нè опкружуваат во денешно време, особено оние во големите градови, премногу го стимулираат нашиот мозок и се причина за насобирање стрес, нервоза, анксиозност, депресија… Иако многу константни звуци и „не ги слушаме“, бидејќи сме навикнати на нив, тие негативно делуваат на нашите мозочни клетки кои всушност никогаш не може да се одморат од постојаното бомбардирање со нив. Научниците велат дека седењето во тишина благотворно делува на луѓето и ја поправа штетата што ја прават големата количина звуци. Еве зошто тишината е исклучително важна и зошто треба да одвојувате барем 2 часа во денот за изолација од штетните звуци…rnrn2-7-prichini-zoshto-sedenjeto-vo-tishina-dva-chasa-dnevno-e-vazhno-www.kafepauza.mk_rn

    1. Тишината нè смирува

    rnКога ќе настапи тишина, мозокот се смирува и почнуваме да се чувствуваме мирно и спокојно. Со забавувањето на мозокот се забавува и нашето дишење. Тишината ни овозможува шанса подобро да се поврземе со самите себе, без ништо друго да го одвлекува нашето внимание.rn

    2. Ги поправа мозочните клетки

    rnТишината има одличен ефект на мозокот, ги поправа неговите клетки и го подмладува. Процесот на поправка на штетата во клетките започнува после 2 часа поминати во тишина. Тоа пак води кон подобро помнење, поголема толеранција на стрес и чувство на добар одмор. Тишината за нашиот мозок е како здравата храна за нашето тело.rn

    3. Овозможува долгорочно задоволство

    rnПаметните телефони, телевизијата и сличната технологија се всушност нужно зло, бидејќи иако имаат корисна секојдневна функција, тие истовремено и како да ја „цицаат“ душата на човекот. Ако го погледнете секојдневието на поголемиот дел луѓе, ретко ќе пронајдете момент да се будни, а да не се под влијание на некој уред. Луѓето всушност во денешно време сѐ помалку се гледаат, бидејќи очите сѐ повеќе им се приковани за екраните. Иако не е лесно да ги избегнете, обидете се сите тие уреди да ги користите што е можно помалку. Таа навика на вашиот мозок ќе му овозможи одмор, а тоа ќе ви даде чувство на задоволство и исполнетост.rn

    4. Тишината ги подобрува останатите сетила

    rnСо седењето во тишина стануваме посвесни за своето опкружување и успеваме да слушнеме звуци за кои можеби и сме заборавиле дека постојат, како на пример, шумот на ветрот, пеењето на птиците, шушкањето на лисјата, пукањето на гранките… Тишината не го подобрува само слухот, туку и сите останати сетила. Нив бучавата ги блокира, а тишината ги деблокира.rn

    5. Го подобрува нашето внимание

    rnВо тишината мозокот има прилика да се фокусира на нешто без напор и сметање. Тоа е еден вид фокусирање кое во тишината го правиме несвесно – му дозволуваме на нашиот ум да лута од една мисла до друга. Тоа води кон побавно темпо на живот и поволно делува на умот и телото. Концентрацијата се подобрува, помнењето работи подобро и слично.rn

    6. Заради молчењето сме поискрени

    rnДодека седиме во тишина не можеме да побегнеме од длабоките мисли. Тогаш стануваме целосно отворени кон своите чувства, желби, мисли и слично. Луѓето во тишина се гледаат со поразлични очи и стануваат поискрени кон себе, и некои работи им стануваат појасни. Тогаш е полесно да ги лоцирате проблемите и да најдете начин како да ги решите – со ладна глава.rn

    7. Го забавува брзиот ритам на живот

    rnВо денешно време сите како да трчаат и да брзаат некаде. Имаме многу обврски, а малку време. Затоа е исклучително важно да забавите и да го искусите сегашниот момент во целост. Тишината нè смирува и нè забавува, а со самото тоа ни дава можност да се ослободиме од насобраниот стрес. Тишината ни ги отвора очите и всушност ни помага да сфатиме колку е сегашниот момент навистина важен.rnrnВреме е да дознаете и зошто тишината може да биде корисна.

  • Мудроста на Карлос Кастанеда: Како да мислите без зборови?

    Мудроста на Карлос Кастанеда: Како да мислите без зборови?

    Карлос Кастанеда е американски писател кој докторирал во областа на антропологијата. По неговата прва книга „Учењето на Дон Жуан“ (The Teachings of Don Juan), тој напишал голем број дела посветени на традиционалниот шаманизам. Постојат поделени мислења за овој контроверзен писател и неговите техники за подигнување на свеста. Без разлика дали ќе се согласите со него или не, вреди да прочитате дел од неговото предавање во кое Кастанеда тврди дека клучот на духовноста е тишината…rnrnМудроста на Карлос Кастанеда: Како да мислите без зборови?rnrn[message_box title=”” color=”yellow”]rnrnТишината е премин помеѓу световите. Кога нашиот ум е замолчен, незамисливи аспекти од нашето битие испливуваат на површина. Од тој момент, личноста почнува да ги пренесува сопствените намери и нејзиното делување создава моќ.rnrnЗа време на моето учење, учителот ми покажуваше необјасниви подвизи кои ме плашеа, но истовремено ја поттикнуваа мојата амбиција да бидам исто толку моќен колку него. Често го прашував како да ги научам неговите трикови, но тој само ќе ставеше прст на уста и ќе зјапаше во мене.rnrnМи требаа години за да почнам да ја ценам величествената лекција на неговиот одговор: Клучот на мистиката и духовност лежи во тишината. Ако се прашувате дали овој концепт може да се дефинира, одговорот е не, не може да се дефинира.rnrnКога го вежбате, тогаш го перципирате. Ако се обидете да го разберете, ќе го блокирате. Немојте да го гледате како нешто комплицирано или тешко, бидејќи тоа не е нешто од некоја друга планета. Тоа е само замолчување на вашиот ум.rnrnБи можел да ви кажам дека тишината е како пристаниште во кое мируваат бродовите. Но, ако пристаништето е зафатено, нема да има место за ништо ново! Така би изгледала мојата визуелна претстава, но вистината е дека јас не знам како да зборувам за тоа.rnrnВнатрешната тишина не е само недостаток на мисли. Станува збор за прекин на пресудите, за сведочење без интерпретација. Внатрешната тишина може да се објасни на контрадикторен начин како „мислење без зборови“.rnrnЗа многумина од вас, ова што го зборувам нема никаква смисла, бидејќи навикнати сте да се консултирате со вашиот ум за сѐ и сешто. Иронично е тоа што нашите мисли воопшто не се наши. Тие излегуваат од нас во звучна форма, но тоа е нешто сосема друго. Со оглед на тоа што нашите мисли се присутни уште од моментот кога сме почнале да го користиме разумот, сите ние сме стекнале навика да живееме во присуство на нашите мисли.rnrnЈас не ви советувам да се обидете да го докажувате она што е мистично и духовно, бидејќи вашиот ум ќе ви нареди да се скриете зад цврстиот ѕид на интерпретацијата. Доколку сакате можност за духовен развој, постои само еден начин да стигнете до тоа: Исклучете го умот!rnrn[/message_box]rnrnПрочитајте ги и овие 10 навистина важни мудрости на Махатма Ганди кои ќе ви го променат животот.

  • Најголемиот „убиец“ на љубовните врски за кого никој не се осмелува да зборува

    Најголемиот „убиец“ на љубовните врски за кого никој не се осмелува да зборува

    Експертите досега имаат откриено кои типови на однесување ги уништуваат врските. На пример, сите знаеме постојаните критики, заземањето одбранбен став и презирот можат да предизвикаат крај на врската. Сите знаеме дека доколку партнерите не научат да комуницираат, не преземаат одговорност за нивните грешки и не соработуваат меѓусебно, нема да можат да ја одржат хармонијата во врската. Од друга страна, пак, партнерите кои се емоционално поврзани и знаат како да ги решат проблемите успеваат во љубовта.rnrnНајголемиот „убиец“ на љубовните врски за кого никој не се осмелува да зборуваrnrnСепак, постои еден „убиец“ на врските на кого не му се посветува толку внимание. Тој е многу опасен бидејќи полека ја уништува основата на врската и завладува со нејзиниот понатамошен развој. Станува збор за тишината. Тишината е деструктивна.rnrnСигурно познавате некој пар кој делува совршено, партнерите никогаш не се караат и нивната врска се чини одлична. Понекогаш тоа навистина е така. Но, можеби овие партнери престанале да разговараат кога се повредени, лути и разочарани. Можеби мислат дека би требало да бидат среќни, бидејќи сѐ се одвива како што треба. Можеби не сакаат да го разбрануваат морето или и двајцата се обидуваат да одбегнуваат конфликти. Тие се тивки. А тишината убива.rnrnОвие парови се изложени на најголем ризик од раскинување, бидејќи ги кријат раните. Нивната комуникација не е отворена и искрена и на тој начин тие полека ја уништуваат интимноста и емоционалната сигурност во врската. Освен тоа, истражувањата покажале дека 80% од брачните парови се развеле бидејќи партнерите полека почнале да се оддалечуваат и ја изгубиле блискоста поради што се чувствувале несакано и неценето.rnrnОвие парови ја прифаќаат ситуацијата таква каква што е. Едниот од нив или и двајцата решаваат дека врската е доволно добра и не се трудат да ја подобрат. Можеби не ни знаат како да се потрудат, па така тишината и понатаму продолжува да владее.rnrnНајголемиот „убиец“ на љубовните врски за кого никој не се осмелува да зборуваrnrnСо текот на времето, недостатокот на поврзаност почнува да предизвикува болни чувства, но партнерите молчат во врска со тоа. Станува збор за внатрешно искуство што не се споделува со партнерот. Како последица на тоа, тие се чувствуваат осамени дури и кога се заедно. Тие се свесни дека љубовта исчезнала, но не можат да сфатат зошто тоа се случило. Овој проблем најчесто е присутен кај паровите кои делуваат совршени. Но, како што сите знаеме, изгледот знае да лаже.rnrnДолгите и здрави врски се резултат на постојаните разговори. Треба да разговарате не само за работите што ви пречат, туку и за работите што ви се допаѓаат кај партнерот. Врските треба редовно да се негуваат за да преживеат. Дури и ако мислите дека ви оди добро, не прогледувајте низ прсти за вашите неисполнети потреби или за нештата што ве повредиле. Во спротивно не само што ќе почнете да чувствувате презир кон партнерот, туку и полека ќе ја убиете врската.rnrnНе плашете се да разговарате. Почнете од малите нешта. Ќе ви биде непријатно да ја прекинете тишината во врската, но вреди да го направите тоа за емоционалната поврзаност што ќе следува.rnrnДоколку не сте сигурни како да започнете искрен разговор со партнерот, побарајте помош од експерти. Тука нема ништо срамно, напротив тоа е доказ дека сте подготвени да се борите и да направите сѐ за да ја распламтите љубовта пред сосема да згасне.rnrnАко сте загрижени за вашиот однос со партнерот, дознајте кои 4 начини на однесување го предвидуваат крајот на врската и бракот.

  • Прочитајте ја оваа потполно поинаква новогодишна желба

    Прочитајте ја оваа потполно поинаква новогодишна желба

    Сите имаме желби и цели кои посакуваме да ги оствариме во новата година. Обично тие подразбираат пронаоѓање љубов, успех во кариерата и личен напредок. Но, оваа новогодишна желба е сосема поинаква од останатите. Таа ќе ги разбуди вашите позитивни мисли и ќе ви послужи како патоказ до светот во кој би сакале да живеете. Прочитајте ја оваа необична новогодишна желба од анонимен автор и доколку ви се допаѓа, споделете ја и со вашите најблиски…rnrnПрочитајте ја оваа потполно поинаква новогодишна желбаrnrn[message_box title=”” color=”yellow”]rnrnНема да ви посакам среќа, бидејќи луѓето имаат различно мислење за среќата. Наместо тоа ќе ви посакам тишина, бидејќи тишината е местото каде што се создава среќата. Посакувам вашите сопствени желби да ве доведат до тишината во длабочините на вашата свест. Таму ќе го најдете она што ви е потребно за да бидете среќни.rnrnБи можел да ви посакам мир (и тоа од срце ви го посакувам), но како ќе го постигнете ако не ја препознаете тишината што се наоѓа во вас? Поради тоа, ви посакувам средба со неа. Нека годината што е пред нас ви донесе тишина во животот. Мирот ја следи тишината, како што утрото го следи сонцето.rnrnКога мојата желба би можела да ви даде сила да ги совладате сите пречки и неволји што ве очекуваат, силно би ви го посакал токму тоа! Но, силата никој не може да ви ја даде, ако не ја пронајдете самите. И таа се наоѓа на тивко место во вашата душа, местото што упорно го одбегнувате. Ви посакувам оваа година да го пронајдете тоа место. Кога ќе го сторите тоа, ќе бидете непобедливи.rnrnНе ми ни паѓа на памет да ви посакам многу пари, бидејќи тие никого не го направиле среќен. Наместо тоа, посакувам да ве обвие тишина, бидејќи тишината е местото каде што сѐ друго се раѓа. Целиот универзум е создаден од тишина. Барајте го тивкиот извор во вас самите и потоа сѐ друго само ќе си дојде.rnrnБи можел да ви посакам мудрост, бидејќи тоа сигурно ви е потребно. Но, ни тоа нема да го направам, бидејќи вашата мудрост доаѓа од тивкото место што го носите во себе. Невозможно е да се биде мудар, а да не се познава таа тишина. Барајте ја неа, а вашата потрага сама по себе ќе биде знак дека мудроста ве пронашла вас.rnrnПосакувате смеа и радост? Ако го пресечете овошјето, каква радост можете да очекувате во неговите цветови и плодови? Тишината во вас е вашиот корен. Ви посакувам никогаш да не се одвоите од него. Ви посакувам жива тишина. Негувајте ја секој ден, па и вашите плодови ќе запеат песна на радоста.rnrnБи било убаво да ви посакам здравје, но тоа е празна желба ако вие самите не разберете од каде тоа доаѓа. Доаѓа од истиот корен на тишината кој ги храни вашите достигнувања, ви носи радост и го храни и одржува вашето тело. Не правете си го на себеси тоа што коренот никогаш не би им го направил на гранките од неговото дрво. Слушајте го вашето тело, бидејќи тоа постојано ви ги шепоти зборовите на здравјето. Ви посакувам доволно тишина за да го чуете тој шепот.rnrnИ најпосле ви ја посакувам најголемата желба од сите желби на светот: Ви посакувам во вашето срце да заживее љубовта.rnrnМожеби не забележавте, можеби ве збунив, но токму тоа ви го зборувам цело време! Што е љубовта ако не нашиот најдлабок корен? Љубовта продира длабоко, длабоко до самиот извор кој ги поврзува сите луѓе и сите живи битија на овој свет. За да сакате чисто, искрено и вистински, мора да ја познавате тишината на сопственото срце. Од длабочината на човечката душа настануваат среќата, мирот, силата, мудроста, радоста и здравјето. Тој извор, таа тишина, тоа е љубовта чие име сѐ уште е непознато.rnrnЗапаметете дека љубовта исто како и вистината, љубовта и сочувството немаат имиња, род, пол, раса или националност. Љубовта е сила која најдобро нѐ поврзува во тишина.rnrnОд сѐ срце ви го посакувам токму тоа: Тишина. Ако доволно ја познавате, од неа ќе никне живот каков што отсекогаш сте посакувале.rnrn[/message_box]

  • Недопрена природа и неверојатна убавина: 9 најинтимни плажи во светот

    Недопрена природа и неверојатна убавина: 9 најинтимни плажи во светот

    Луѓето имаат различни вкусови кога станува збор за летните одмори и плажите. Некои повеќе сакаат плажи полни со луѓе, додека други избираат поинтимни места, каде што можат да се одморат во мир и тишина, слушајќи ги единствено брановите кои лесно удираат во брегот. Доколку сакате мирни плажи, ние ви нудиме листа од девет најотсечени плажи во светот, каде постојат само песокот, морето и вие, доколку се одлучите да заминете на некоја од нив.rn

    rn1. Плажа Салема (Португалија)

    rn

    (1) Недопрена природа и неверојатна убавина: 9 најинтимни плажи во светот

    rnСалема е неоткриена скапоценост во јужна Португалија. За да стигнете до неа, треба да поминете низ мал рибарски град со бели куќи и диви цвеќиња. Возејќи низ гратчето ќе стигнете до прекрасната мала плажа, со недопрен песок во златна боја во кој удираат брановите на Атлантскиот Океан.rn

    2. Плажа Баи Даи (Виетнам)

    rn(2) Недопрена природа и неверојатна убавина: 9 најинтимни плажи во светотrnrnОколу 70 проценти од малиот остров Фу Куок, кој има облик на солза, е заштитен како национален парк, што го зачувува од брз туристички развој и големи гужви. Една од најинтимните плажи на островот, Баи Даи е откриена на западната страна од островот, каде што кристално чистата вода ќе ве остави без здив.rn

    3. Плажата на љубовниците (Невис)

    rn(3) Недопрена природа и неверојатна убавина: 9 најинтимни плажи во светотrnrnПетминутно пешачење по правлив, необележан пат ќе ве донесе до интимна плажа со кадифен песок на карипскиот остров Невис, на неговото северно крајбрежје. Покрај неверојатните мир и тишина, плажата нуди и прекрасен поглед кон островот Сент Китс, што го надополнува впечатокот за плажата.rn

    4. Баиа до Санчо (Бразил)

    rn(4) Недопрена природа и неверојатна убавина: 9 најинтимни плажи во светотrnrnСте слушнале ли за Фернандо де Нороња? Тоа е архипелаг во Атлантскиот Океан, со прекрасни острови, каде што туризмот не е развиен. Овој архипелаг од брегот на Бразил е оддалечен околу 350 километри. Но, за да стигнете до неверојатната плажа Баиа до Санчо, потребно е околу 20-минутно пешачење по правлива патека со опасни камени препреки, но крајната цел ќе ве остави без зборови.rn

    5. Плажа Грејт Рок Бајт (Мартас Винјард)

    rn(5) Недопрена природа и неверојатна убавина: 9 најинтимни плажи во светотrnrnОваа плажа е една од најдобро чуваните тајни на островот Мартас Винјард, кој се наоѓа во Атлантскиот Океан во рамки на Масачусетс, веднаш под полуостровот Кејп Код. Покрај неверојатниот песок, чиста вода и мир, плажата има и големи карпи, кои можат да се користат за скок во водата, секако за оние најхрабрите.rn

    6. Плажа Брава (Уругвај)

    rn(6) Недопрена природа и неверојатна убавина: 9 најинтимни плажи во светотrnrnОваа плажа е неверојатно тивка, освен во периодот на божиќните празници. Доколку сакате да се опуштите само со звукот на брановите и песочните дини, плажата Брава е прекрасно место за вас. Таа нуди неверојатен спој со природата.rn

    7. Плажа Факистра (Грција)

    rn(7) Недопрена природа и неверојатна убавина: 9 најинтимни плажи во светотrnrnПлажата Факистра се наоѓа под планината Пелион во централна Грција и нуди сосема различно искуство од повеќето плажи во оваа развиена туристичка земја. Додека повеќето плажи во Грција се уредени со лежалки и барови, Факистра е лоцирана до малото село Цагарада и нуди мир, тишина и хармонија со природата.rn

    8. Полихејл Стејт Парк (Хаваи)

    rn(8) Недопрена природа и неверојатна убавина: 9 најинтимни плажи во светотrnrnОваа неверојатна плажа се протега на западниот брег, во дел кој е практично напуштен. На оваа плажа освен во мирот, можете да уживате во песочните дини, кактуси, како и да го доживеете најубавото зајдисонце на светот. Недопрената убавина е надополнета со силен ветер и големи бранови.rn

    9. Ко Аданг (Тајланд)

    rn(9) Недопрена природа и неверојатна убавина: 9 најинтимни плажи во светотrnrnНедопрена природа која излегува на Андаманското Море. Наместо луѓе, друштво може да ви прават мајмуни. Ќе наидете на неверојатни водопади и шума, а белиот ситен песок и кристалната вода се единствени.