Одново и одново уметниците ја користат својата креативност за да ја покренат свеста за важни општествени прашања. Овој пат темата е тековната светска криза претставена преку имагинацијата на шпанскиот уметник Пејас. Тој дошол до идеја да изработи скулптура на мало дете во елек за спасување. Скулптурата е поставена високо на црквата на Светиот Крст во берлинската населба Кројцберг. Детето на скулптурата е претставено како со едната рака се држи за крстот на врвот од куполата, а во другата испружена рака држи светилник. Јасно може да се прочита пораката за помош пред неизбежната опасност.rnrn
rnrnИнсталацијата е насловена како „Без земја“ и е поставена на врвот од берлинската црква со нејзина дозвола. Има за цел да им остави до знаење на гледачите за тешкотиите и предизвиците на бегалците од сите возрасти. Во текот на изградбата, нејзиниот скулптор соработувал со Sea-watch (германска невладина организација која спроведува хуманитарни мисии за спасување мигранти на Медитеранот) и DOJO Cares (агенција со канцеларии во црквата).rnrn
rnrnСпроти црквата е поставен двоглед што им овозможува на гледачите да го погледнат делото одблизу. Двогледот им овозможува на гледачите на метафоричен начин да го премостат растојанието и да престанат да ги ословуваат бегалците како „тие“. Со оглед на тоа дека до крајот на 2020 година биле раселени околу 82 милиони луѓе поради прогон, насилство и кршење на човечките права, повеќе од јасно е дека овој проблем нè засега сите. Посетителите исто така имаат можност и да скенираат QR-код што ќе ги однесе до веб-страница каде можат да дознаат повеќе информации за добротворната кампања на црквата и организацијата Sea-watch.rnrnОткако прочитавте за оваа неверојатна скулптура со моќна порака, можеби ќе сакате да прочитате и за импресивната скулптура во Венеција што испраќа порака за единство.rnrnИзвор: mymodernmet.com
Tag: скулптура
-
Моќна скулптура на врвот на берлинска црква како потсетник за глобалната бегалска криза
-
Дали ова е најголемата скулптура во светот?
Големиот Буда во Лешан е џиновска скулптура запишана од УНЕСКО на својата листа на светско наследство во Азија и Океанија во 1996 година. Направена е помеѓу 713 и 803 година за време на владеењето на династијата Танг, а илјадници работници учествуваа во процесот.rnrn
rnrnОва чудо е врежано во карпа на планината Емеи во близина на градот Лешан во кинеската провинција Сечуан. Со висина од 71 метар, се смета за најголема предмодерна скулптура во светот. Рамената на Буда се широки околу 24 метри, секое уво е околу седум метри, а горниот дел од стапалото е околу 9 метри, што е доволно за да собере 100 луѓе.rnrnПоради обилните дождови и силниот ветер во областа, скулптурата претрпела огромни штети низ вековите. Кинеската влада одлучила да ја реновира во 1963 година и оттогаш стана голема туристичка атракција за многу посетители во тој дел од најнаселената земја во светот.rnrnВо Кина се организираат туристички тури со бродови, а искусни експерти велат дека Големиот Буда најдобро се гледа во пролет или есен, бидејќи во летото во оваа област има голема количина на врнежи.rnrn
rnrn
rnrn
rnrnПрочитајте и кои се 5-те опасни чуда на природата што секој треба да ги посети. -
Нова импресивна скулптура во Венеција испраќа порака за единство
Како продолжение на неговата импресивна скулптура „Поддршка“ во 2017, Лоренцо Квин се враќа во Венеција со уште една феноменална изработка. Овој пат Квин создаде шест пара раце кои сакаат да се допрат преку историскиот Арсенал. Висока скоро 15 метри и широка 20 метри, „Градење мостови“ е уметничко парче кое го слави единството и изгледа прекрасно во градот каде што се одржува 58. издание на Фестивалот на уметноста – Венеција.rnrn
rn„Мојата работа во Венеција не заврши со ‘Поддршка’, мојата претходна скулптура. Всушност, ова ќе биде трилогија. ‘Поддршка’ беше наменета за да ни ги отвори очите, ‘Градење мостови’ е за преземање акција и за спојување на културите за заедничко добро, а третото парче… Добро, ќе треба да почекате и да видите, но можам да ви кажам дека нема да има никакви раце“, вели Лоренцо Квин.
rn
rn„Човечките раце ме инспирираат бидејќи преку нив јас можам да испратам многу директни, универзални пораки. Плус, јас сум Италијанец, а ние зборуваме со нашите раце.“
rn
rn„’Градење мостови’ е составена од 6 индивидуални мостови: мудрост, надеж, помош, верба, пријателство и љубов.“
rn
rn„Сакав мостовите да ги претставуваат петте континенти, а последниот мост – љубов, да ги спои сите нив заедно.“
rn
rn„Во нумерологијата, шест е бројот на љубовта.“
rn
rn„Градењето беше лудо. Имавме многу малку време за да ги адаптираме дизајните на новата локација, која ни ја дадоа само 5 недели пред претставувањето на делото. Но, ние успеавме благодарение на одличниот тим.“
rn
rnrnЛокацијата на скулптурата „Градење мостови“ е посебна, иако не е првичниот избор на Лоренцо. Сепак, уметникот вели дека сѐ испаднало онака како што требало да биде.rn„Интересно е тоа што во Венецијанскиот Арсенал се изградени бродовите кои го имаат пропатувано светот и ја имаат отворено трговијата меѓу Венеција и Далечниот Исток, на тој начин премостувајќи ги културите.“
rnПогледнете ја убавината на Венеција, претставена преку цртежи насликани со водени бои.
-
Неверојатна скулптура што ја прикажува нашата опсесија со технологијата
Замислете си тројца луѓе седнати на клупа, целосно внесени во нивните телефони игнорирајќи го нивното меѓусебно присуство. Ова е честа глетка, но овој пат не станува збор за реално искуство, туку за навистина паметна уметничка инсталација. Како дел од Фестивалот на светлината во Амстердам, агенцијата за дизајн „Design Bridge“ ја направила инсталацијата наречена „Апсорбирани од светлината“.rnrn
rnrnСкулптурата била инспирирана од изолирањето што го предизвикува модерната технологија и е идеја на дизајнерката Гали Лукас.rn„Во зима, кога порано се стемнува, можете да видите луѓе низ целиот град кои се осветлени од светлината на нивните телефони. Во паркови, кафетерии, па дури и на нивните велосипеди. Навистина е морничаво. Оваа светлина која владее со нашите животи понекогаш ни е единствената поврзаност, а сепак целосно нè изолира. Не оттргнува од реалниот свет.“
rn
rnrnЗа да ја оживее нејзината визија, Лукас соработувала со скулпторката од Берлин, Каролин Хинц. Штом скулптурата била однесена и склопена во Амстердам, навистина оживела. Ова дело испраќа моќна порака и нè тера да размислиме за нашите навики.rnrn
rnrnСамото дело е неутрално и не предизвикува позитивен или негативен поглед на ситуацијата. Едноставно, само ја отсликува реалната сцена на којашто секојдневно сведочиме. Останува на нас, гледачите, да ја интерпретираме на свој начин. Лукас се надева дека ќе ги натера луѓето да разговараат за улогата на технологијата во нашата социјална интеракција.rn„Не се обидувам да испратам конкретна порака за да го променам однесувањето на луѓето. Само се надевам дека тие објективно ќе размислуваат за белата светлина на технологијата и за нејзината улога во нашите животи. Повеќе е како набљудување и се надевам дека ќе ги натера луѓето да разговараат.“
rn
rnrn
rnrn
rnrn
rnrn
-
Како да претворите парче дрво во кутија полна со пари?
За жал, вакво нешто не е возможно, барем не на начин како што помисливте. Сепак, скулпторот Рендал Розентал изработува неверојатни уметнички дела од дрво, кои создаваат илузија како да се вистински. Таков е и овој проект кој го нарекол „Cold Hard Cash“ кој изгледа како картонска кутија полна со пари, а всушност се работи за импресивна дрвена скулптура во која се инкорпорирани купчиња пари, потоа внимателно бојадисани до степен на неверојатна совршеност.rnrnПогледнете го процесот на изработката низ слики.rnrn
rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук. -
Бесконечните скалила до рајот во Австралија
„Diminish and Ascend“ е скулптура креирана од страна на артистот Дејвид Мекракен која доколку се набљудува од одредени перспективи изгледа како бескрајни скалила кои водат до небото. Како дел од настанот познат под името „Скулптура покрај морето“ во Бонди, Австралија, овие скалила се една од најфасцинантните глетки кои можат да се забележат на овогодишните надворешни изложби. Тие едноставно му овозможуваат на вашиот мозок да скита и да замислува надреално бегство.rnrnНо, и покрај тоа што изгледа дека има долго искачување кон небото кое води надвор од Земјината атмосфера, не станува збор за ништо повеќе од обична, но истовремено и брилијантна оптичка илузија. Оваа одлично изработена скулптура си игра со перспективите така што ги зема предвид визуелните ефекти кои се поврзани со симулирање на далечина. Мекракен конструирал модифицирана верзија на скалила кои се намалуваат како што стануваат најоддалечени од човечкото око, така создавајќи илузија дека тие немаат крај и исчезнуваат во височините.rnrn
rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук. -
Најголемата тастатура во светот
Рускиот артист Анатолиј Вујаткин инсталирал огромна копија на кирилската QWERTY тастатура во земја, изработена од 86 камени тули, а од кои секоја тежи по 453 кг. Споменикот-тастатура, кој во некои кругови го нарекуваат и „Клаудија“, претставува трајна надворешна скулптура, лоцирана во Екатеринбург, Русија, каде воедно претставува и значајна туристичка атракција.
Споменикот, којшто бил дизајниран со цел да се вметне дел од технологијата во природниот пејзаж, има идеја да ги натера минувачите на интеракција со него. Пешаците кога ќе се најдат во близина на џиновската тастатура, честопати потскокнуваат од едно на друго „копче“, и покрај тоа што нивното „притискање“ не му дава команди на ниеден компјутер. 
Инсталацијата претставува една своевидна форма на уметност, која го отсликува денешниот начин на живеење. Ќе биде интересно да се види како идните генерации ќе го перципираат овој споменик, кога тастатурите веќе нема да се користат и технологијата ќе биде далеку понапредна.
rnrn
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук. -
Белата куќа во САД, изградена само од песок
„Sanding Ovations“ е компанија која има околу 40 години разновидно искуство во изработка на скулптури од песок. Нејзини сопственици се Ден Даблдеј и Мередит Корсон, кои заедно го шетаат светот и градат песочни скулптури за стотици клиенти секоја година. Тие заеднички имаат освоено 15 медали на светски шампионати и имаат победено во секој натпревар на којшто учествувале. Нивните скулптури се прецизно изработени до секој детаљ, во себе кријат емоции, изгледаат неверојатно реално и совршено, а сепак и едноставно.
Неодамна, тие изградија неверојатно убава скулптура на Белата куќа во САД, која се наоѓа во одморалиштето Bilmar Beach, во Трежр Ајленд, Флорида. Импресивната скулптура е изработена од 40 тона песок, а биле потребни 6 дена за да се заврши целата работа. Скулптурата ќе биде изложена во Флорида, до 3 септември.
rn
rn„Вратата од Белата куќа ја оставивме отворена, бидејќи не знаеме кој ќе ја преземе работата од јануари, после изборите“ – вели Мередит.
rn
rnrn
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук. -
Скулптури изработени од автомобилски делови
Сите овие метални скулптури кои ќе ги видите на сликите се дело на швајцарскиот артист Том Самуи, а се целосно изработени од рециклирани делови од автомобили и мотори. Откако ќе ги собере потребните материјали од локалниот отпад, Самуи ги чисти и сортира сите парчиња, за потоа да ги реупотреби.
Ниту еден дел од автомобил или мотор кој претходно бил земен не се фрла, туку се употребува во некоја скулптура. Откако сите делови ќе се спојат заедно, скулптурата се полира и се прекрива со лак против кородирање на металот. Целиот процес за изработка на едно дело може да трае и до 400 часа. Секоја скулптура е изработена со многу внимание, а тоа може да се забележи по прецизноста и деталите.
rn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук. -
Еден човек, 35 години и 100.000 чепкалки за заби
Пред околу 35 години, артистот Скот Вивер започнал да работи на оваа неверојатно комплексна скулптура, која ја нарекол „Тркалање низ заливот“ (Rolling through the Bay). Тој и до ден денеска, сè уште продолжува да ја надградува и проширува.
Оваа скулптура ги претставува знаменитостите и историските локации на Сан Франциско, а за целосно да се разгледа, Скот смислил генијален начин за презентација. Бидејќи ова грандиозно здание е комплексно и се состои од голем број скулптури, тој користи пинг-понг топчиња со кои прави тури низ „градот“. Според проценките, досега тој има потрошено околу 100.000 чепкалки за заби, собрани од сите краишта на светот, а за изградбата потрошил повеќе од 3.000 часа.rnrn.rn
rn
„Сум употребувал повеќе брендови на чепкалки, зависно од тоа што сум градел. Многу мои пријатели и роднини ми собираат чепкалки кога се заминати некаде на патување. Како за пример, дрвјата од паркот Голден Гејт се изработени од чепкалки донесени од Кенија, Мароко, Шпанија, Германија и Италија.“rn
