КАФЕ ПАУЗА

Tag: освежувач

Од бањата се шири непријатен мирис? Решете го проблемот со само две состојки

Многу луѓе се мачат со непријатниот мирис на тоалетот, а тоа може да се реши со освежувач на просторијата што се прави со само две состојки што секој ги има во својот дом.rnrnrnrnНајпрво, обрнете внимание на местото од каде што се шири непријатниот мирис и обидете се да го решите проблемот. Ако сè уште чувствувате непријатен мирис, обидете се со овој едноставен трик. Процесот е многу лесен и потребно ви е само сода бикарбона и омекнувач за алишта.rnrnВо тегла ставете сода бикарбона и омекнувач за алишта. Теглата треба да ја наполните со сода бикарбона до половина, а потоа да ставите неколку лажици омекнувач. Содата ќе го апсорбира омекнувачот и низ просторијата ќе се шири пријатен мирис.rnrnСтавете ја теглата на највисоката полица во бањата и уживајте во новиот, природен освежувач на воздухот.rnrnПрочитајте како да го отстраните непријатниот мирис и од зимската облека со помош на овој трик.

November 12, 2019
Направете сами едноставен освежувач на воздух и нека вашиот дом замириса на есен
Ако сте подготвени за простор кој мириса на есен, конечно е време да го употребите циметот и лушпата од јаболката што сте ја изеле. Овој природен освежувач во сите простории во вашиот дом ќе создаде убава, опуштена атмосфера која мириса на есен. Бидејќи деновите се пократки, меланхолијата за топлото време е сѐ поголема, па токму затоа е одлично да го подобрите расположение со овој мирис кој ги збогатува просториите, како и вашиот дух.rnrnrn

Потребни состојки:

rn
- Лушпа од јаболко и неговото јадро
- Кора од еден портокал или лимон
- 1 стапче цимет или 1 мала лажичка цимет во прав
- 1 исушено каранфилче
- 1 мала лажичка зачин од тиква
- 1 литар вода
rn

Начин на подготовка:

rnСите состојки ставете ги во мало тенџере и прелијте ги со вода. Вклучете ја ринглата на средна температура и оставете ја течноста пополека да врие. Можете да додавате вода по потреба и така да го продолжите рокот на траење на овој мирис во текот на целиот ден.rnrnНа крајот од денот, мешавината ставете ја во стаклена тегла со капаче или друг сад кој ќе можете добро да го затворите, па утредента можете повторно да направите освежувач. Овие состојки може да се користат во текот на следните три дена, а после тоа е потребно да направите нова смеса за освежување.
September 11, 2017
Изненадувачки начини да внесете свежина во вашиот дом

Верувале или не, постојат многу едноставни начини да се ослободите од лошата миризба во воздухот и да внесете свежина во вашиот дом. Но, наместо притоа дополнително да го труете воздухот, а и себе, со сите оние попатни хемикалии кои ги има во фабрички произведените средства за освежување на воздухот, можеби е добра идеја да ги земете во предвид следниве неколку подобри, поекономични и навистина практични идеи.rnrnrn

Вотка

rnИмајќи во предвид дека етил алкохолот е една од основните состојки во фабрички произведените освежувачи на воздух, а истовремено се наоѓа и во вотката, една од логичните работи кога немате друго решение е истата да ја искористите за да се изборите со застоениот воздух и лошата миризба. Штитејќи се на тој начин и од штетните хемикалии кои можат да се најдат во освежувачите за воздух, вотката е идеално решение за брзо и ефикасно внесување на свежина во вашиот дом.rnrnrn

Песок за мачки

rnОдредени компании кои произведуваат песок за мачки можат да се пофалат со навистина добар состав на истите. А оние кои во својот состав содржат дијатомејска земја, природен минерал, се и совршено решение за вашиот проблем со лошата миризба во воздухот. Зошто? Бидејќи токму овој минерал има таква особина што го апсорбира лошиот мирис во воздухот и влагата, додека истовремено ги убива и сите паразити кои ќе дојдат во допир со него.rnrnrn

Кафе

rnДали постои човек на светот кој не го обожава мирисот на кафе? Како еден од успешно докажаните будилници наутро, кафето може да се најде и во улога на успешен отстранувач на лошиот мирис и застоен воздух. Она што треба да го направите е да ставите повеќе зрна кафе во некој сад и потоа истиот да го поставите во просторот каде имате потреба од проветрување на воздухот.rnrnrn

Палма

rnПалмите, но оние кои се чуваат во домашни услови, се докажани прочистувачи на воздухот. Позната по тоа што го отстранува формалдехидот како штетна состојка во воздухот, палмата е растение кое во исто време ќе внесе и свежина во вашиот дом. Покрај тоа, лесна е за одржување и го разубавува просторот.rnrnrn

Домашни освежувачи

rnКако и со сите останати проблеми, сечење на истите во корен е секогаш најдоброто решение. Па така, наместо да ги прикривате миризбата и/или застоениот воздух, можеби далеку поефективно решение би било истите целосно да ги отстраните. Редовното проветрување на просториите, секојдневното бришење прашина и слично, можат да ви помогнат во отстранување на основните загадувачи на воздухот, но доколку сакате да спречите тоа да се случува и понатаму, тогаш добро ќе ви се најдат домашните течни комбинации од оцет, лимоново масло и сода бикарбона кои истовремено ќе внесат и убава миризба во вашиот дом.rnrn

March 18, 2016
Внимателно со миризливите свеќи: Еве кои хемикалии можат да предизвикаат здравствени тегоби

Научниците стравуваат поради можноста долготрајното користење на освежувачите за воздух и миризливите свеќи да бидат штетни по здравјето.rnrnrnrnСè започнало кога во магазинот „Daily Mail“ била објавена статија во којашто пишувало дека се пронајдени докази дека миризливите свеќи можат многу лошо да влијаат на здравјето. Но, не само тие, туку и кои било други освежувачи на воздухот и слични миризливи производи.rnrnИмено, тука претставуваат проблем хемикалиите коишто може да се пронајдат и во мирисот и во восокот. Иако се очекуваат и понатамошни истражувања, првите покажале дека подолгото изложување на одредени миризливи производи е толку опасно што може да предизвика појавување на астма, оштетување на белите дробови, па дури и рак. Исто така, едно истражување од 2001 година покажало дека свеќите со повеќе мирис во себе произведуваат повеќе чад, па затоа е потребно да се користат помалку миризливи свеќи или пак свеќи без мирис. rnrnОд друга страна, некои научници стравуваат и поради штетното влијание на освежувачите за воздух. Така, англискиот Центар за јавно здравје открил дека тие производи може да содржат „значајни количини на формалдехид“, иако е назначено дека тоа не би требало да претставува здравствен проблем во простор каде што има нормална вентилација, како и при нивна ретка употреба.rnrnИсто така, со друго истражување направено во 2014 година, е докажана силна врска помеѓу изложеноста на фталати (хемикалии коишто се наоѓаат во освежувачите и често во пластиката) за време на бременоста и зголемените шанси понатаму детето да заболи од астма.rnrn

February 22, 2016
Направете сами: Освежувач за воздух со кој ќе го внесете мирисот на зимата во вашиот дом
Зимското расположение владее низ целиот град. Но, што е со вашиот дом? Доколку ви фали онаа зимска магија во вашиот топол дом, ние имаме брза и одлична идеја со која за само неколку минути ќе го повикате потребното расположение. Уживајте!rnrnrn

Потребни состојки:

rn
- 3 стапчиња цимет
- 1 исечкан портокал
- 30 грама оревчиња
- 30 грама каранфилчиња
- 100 грама брусници
- Гранче рузмарин (по избор)
rn

Подготовка:

rnНаполнете еден сад со 2-3 чаши вода, па ставете ги сите состојки. Истите гответе ги на тивок оган и додавајте вода по потреба, за освежување. Брзо ќе забележите дека целата просторија се исполнува со прекрасна миризба. Уживајте!
January 12, 2016
Не се користи само за облека: 5 алтернативни начини на кои можете да го употребите омекнувачот

Омекнувачите постојат, како што налага и нивното име, за да ѝ дадат на облеката посебна мекост. Покрај тоа, тие на облеката ѝ даваат и прекрасен мирис, а еве уште 5 алтернативни начини на кои можете да ги употребите, а за кои сигурно досега не сте знаеле.rnrn

1. Го освежува просторот

rnОмекнувачот може да биде и освежувач на просторот. Земете едно шишенце со распрскувач и наполнете го со вода и омекнувач (разредете го со водата во однос 1:3). Со таа течност напрскајте ги завесите, тепихот и другите ткаенини на кои сакате да им дадете поубав мирис. Исто така, со ваквиот раствор можете да ја освежите и внатрешноста на автомобилот.rn

2. Го отстранува статичкиот електрицитет

rnЗа да спречите прашината да се насобира на телевизорот или на другите пластични површини во домот, ставете на крпата за бришење неколку капки неразреден омекнувач и со неа избришете ги предметите. Со тоа ќе го спречите создавањето електрицитет кој ја привлекува прашината, а притоа ќе им дадете на предметите пријатен мирис.rn

3. Дава сјај на мазните површини

rnАко не можете да пронајдете средство кое дава сјај на мазните површини, омекнувачот може многу да ви помогне. Подгответе го ова средство на следниот начин: Помешајте чаша омекнувач со 4 чаши вода и ставете ја смесата во шише со распрскувач. Напрскајте ја крпата за прашина со средството и потоа со неа избришете ги стаклените површини, туш кабината или некои други мазни површини. Чистењето завршете го со сува крпа.rn

4. Отстранување на старите тапети

rnСо омекнувачот можете да ги отстраните и старите тапети на ѕидот. Направете мешавина од еден полн сад со омекнувач и 4 чаши вода. Потопете го сунѓерот во смесата и оставете го во неа 30 минути. Тапетите ќе ги отстраните без никакви тешкотии.rn

5. Ги омекнува четките за бојадисување на косата

rnЧетките за бојадисување на косата ќе ја здржат својата мекост, доколку после нивната употреба ги измиете во вода во која претходно сте ставиле неколку капки омекнувач.

January 10, 2016
Направете сами миризливи потпури: Природен и декоративен освежувач за домот
Не само што ќе го освежите вашиот дом, туку и визуелно ќе го разубавите

rnrn

Потребни состојки:

rn
- Кора од портокал
- Кора од лимон
- Неколку листови од миризливо растение (рузмарин, босилек, темјан…)
- Етерично масло
- Цимет
rn

Начин на подготовка:

rnСè што треба да направите е да ги исушите корите од портокалот и лимонот, па да им додадете неколку миризливи листови од растение по ваш избор и да ставите неколку капки етерично масло, повторно со миризба по ваш избор. Додајте и цимет. Ако сакате можете да додадете и некој друг плод чија миризба ви се допаѓа.rnrnОваа комбинација од состојки можете да ја ставите во филтер кесички за чај или декоративни платнени кесички кои потоа можете да ги наредите во шкаф, на полици или под вашата перница за пријатно миризливо изненадување.
November 30, 2015
11 одлични начини да го отстраните мирисот од загорената храна во вашиот дом

Вечерата само што не е готова, а вас ви заѕвони телефонот. После подолгиот разговор со пријателката се сетивте на вечерата. Ја отворивте рерната и го почувствувавте познатиот, непријатен мирис на изгорена храна, провлекувајќи се со брзина на светлината во секој ќош од вашиот дом. За среќа, постојат повеќе брзи и едноставни начини да го отстраните. Еве како…rnrnrn

1. Отстранете го остатокот од храната што е можно побрзо

rnВо никој случај не фрлајте ги остатоците од храната во кантата за ѓубре и потоа да заборавите на нив, бидејќи нивниот непријатен мирис и понатаму ќе се шири низ вашиот дом. Наместо тоа, ставете ги во пластична кеса, заврзете ги и веднаш фрлете ги надвор.rn

2. Отворете ги прозорците и вратите

rnЕден од најбрзите и најлесните начини да се ослободите од неудобниот мирис е да ги отворите прозорците и вратите за да навлезе свеж воздух и да ја неутрализира миризбата.rn

3. Вклучете вентилатор

rnЗа свежиот воздух побрзо да го исполни вашиот дом, веднаш покрај прозорците или вратите ставете вентилатор (или повеќе ако имате) и вклучете го на најјака брзина. Ако имате аспиратор во кујната, вклучете го и него.rn

4. Рерна

rnЗагрејте ја рерната на 100 степени. Дното на тепсијата покријте го со алуминиумска фолија и на неа ставете лажичка путер, малку цимет и шеќер. Ставете ја тепсијата во рерната и исклучете ја. После три часа извадете ја тепсијата. Непријатниот мирис ќе исчезне, а домот ќе мириса како штотуку да сте испекле некој вкусен колач.rn

5. Освежувач за воздух во спреј

rnАко ниеден од членовите на вашето семејство не е алергичен, тогаш во кујната напрскајте малку освежувач за воздух. Водете сметка да не претерате, бидејќи поголемата количина може да го засили непријатниот мирис.rnrnrn

6. Лимон

rnВо зовриена вода додадете лимон кој ќе биде исечен на парчиња. Намалете ја температурата и оставете да врие 30 минути.rn

7. Каранфилче

rnВо зовриена вода додадете една рака каранфилчиња. Намалете ја температурата и оставете да врие 20 минути.rn

8. Кромид

rnИсечкајте една главица кромид и ставете ги парчињата во зовриена вода. Тргнете го тенџерето од шпоретот и течноста сипете ја во повеќе пластични сада. Потоа садовите распоредете ги насекаде низ домот. Оставете ги така преку ноќ. Непријатниот мирис ќе исчезне до утрото.rn

9. Оцет и леб

rnСтавете вода во тенџере, па додајте две шолји оцет. Оставете да зоврие, намалете ја температурата, па оставете да се вари уште 15 минути. Натопете неколку парчиња бел леб од оваа течност и поставете ги на различни места низ вашиот дом.rn

10. Сода бикарбона

rnРаспоредете половина шолја сода бикарбона во неколку сада и поставете ги на местата каде што мирисот најмногу се чувствува. Оставете да делува преку ноќ.rn

11. Направите природен освежувач за воздух

rnВо шише со распрскувач ставете еднаква количина лимонов сок и вода. Распрскајте ја течноста насекаде низ кујната и неудобниот мирис набрзина ќе исчезне.

October 4, 2015
7 интересни начини на кои можете да го користите чајот

Доколку сте љубители на чај, тогаш дефинитивно би требало да ги погледнете овие алтернативни употреби. Започнувајќи од лек за уморни очи и справување со белите влакна во косата, па сè до освежувач на просторијата, чајот на многу начини природно може да ви помогне во вашето секојдневие.rnrnrn

1. Лек за уморни очи

rn„Ноќните птици“ многу често се будат со темни кругови околу нивните очи и внесуваат поголемо количество кофеин во текот на денот со цел да не заспијат. Доколку и вие имате вакви денови, наместо да се предозирате со кафе, потопете 2 кесички со чај во топла вода и поставете ги врз вашите очи на околу 20 минути. Најпрепорачливо е да се користи црн чај бидејќи кофеинот кој го содржи ја затегнува кожата околу очите. Но, можете да го користите кој било чај.rn

2. Лек против белите влакна во косата

rnОние кои имаат темна коса и почнуваат да забележуваат бели влакна кои сè уште не се подготвени да ги прифатат, можат да ја вратат нивната оригинална боја со помош на чајот. Ставете 3 кесички чај во 230 милилитри зовриена вода и додајте 1 супена лажица рузмарин и жалфија (свежи или суви) и потоа оставете ги цела ноќ да стојат. Наредниот ден, прво измијте ја вашата коса со обичен шампон, а потоа нанесете ја оваа течност врз неа и измасирајте ја вашата глава. Внимавајте да не направите дамки врз вашата облека. Замотајте ја косата во пешкир и не ја плакнете. Потребни се неколку третмани за да ги постигнете посакуваните резултати.rn

3. Создадете „античка“ мода

rnНаправете вашата облека да изгледа винтиџ, така што ќе ја обоите со црн чај. Во еден сад со 500 милилитри зовриена вода додајте 3 кесички црн чај и мешајте 20-тина минути. Дозволете му на чајот да се олади неколку минути пред да го потопите материјалот. Колку подолго ја потопувате вашата облека, толку потемна нијанса ќе добиете.rn

4. Бања исполнета со антиоксиданси

rnВеќе е добро познато дека чајот е полн со многу антиоксиданси. Токму затоа додајте една лажица хербален чај во вашата бања или пак поставете неколку кесички со чај на тушот и пуштете ја водата да тече низ нив. Доколку сакате да се опуштите, чајот од камилица е одличен избор.rn

5. Освежувач на песокот за мачки

rnЕден од природните начини на кои можете да ја елиминирате миризбата што ја оставаат мачките кога вршат нужда е доколку ставите една лажица сув зелен чај во нивниот песок. Лисјата од чајот многу брзо ја освежуваат кутијата и го задушуваат лошиот мирис.rn

6. Природен освежувач за просторија

rnПонекогаш освежувачите кои можете да ги најдете во маркетите имаат интензивна миризба која повеќе пречи отколку што помага. Токму затоа билките и цветовите кои се наоѓаат во чајот можат да бидат одлична замена за нив. Состојките на секоја искористена кесичка чај можат да бидат исушени и потоа собрани на едно место во улога на освежувач на воздухот.rn

7. Прекрасен сапун

rnИма многу начини на кои можете да направите домашен и природен сапун, но доколку сакате да го направите со природна миризба, тогаш користете лисја од чај. Тие се одличен додаток за секој домашно подготвен сапун и не само што ќе направат тој да мириса подобро туку и ќе биде поефикасен при одржување на вашата лична хигиена.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

February 25, 2015
Направете сами: природен освежувач за воздухот во вашиот дом
Кој не сака добра миризба? Нашите домови мирисаат специфично, но бидејќи живееме во нив, се навикнуваме на миризбата и често не забележуваме дека воопшто ја имаат. Во маркетите се продаваат различни освежувачи за воздух, некои во вид на спреј, други во вид на миризливи свеќи, некогаш се со свежи, пријатни мириси, други пак имаат јаки, па дури и задушливи мирисни нијанси. Згора на сè, не се евтини.rnrnНо, добра вест е што вакви освежувачи можете да си направите дома, многу лесно, по ваш вкус и со малку пари.rnrnrn

1. Освежувач за воздух во тегла

rn

Потребно ви е:

rn
- Тегла
- Тенџере
- Вода
- Овошје, тревки и зачини по избор
rn

Начин на подготовка:

rnИсечете го саканото овошје и ставете го во тегла со вода. Додадете ги и зачините и тревките што ги избравте. Вака подготвената тегла чувајте ја во фрижидер или во замрзнувач максимум 2 недели.rnrnrnrnПред употреба, префрлете ја смесата во тенџерче и оставете ја да зоврие. Кога ќе зоврие, намалете ја температурата и оставете ја да вари на тивко. Миризбата ќе се рашири насекаде низ вашиот дом.rnrnrnrnМожете да подготвите повеќе различни тегли и да ги чувате во фрижидер за да ги имате секогаш кога ќе сакате да го размирисате домот. По употреба можете да ги вратите состојките заедно сосе водата во тегла и да го реупотребите миксот уште 2-3 пати. Водата малку ќе се замати, но помирисајте секогаш пред употреба, и ако е во ред, употребете го повторно истиот освежувач. Додавајте вода според потребите за да не добиете спротивен ефект на мирис на загорено.rnrnrn

Што можете да употребите?

rnПпортокали, лимони, лимета, ананас, пеперминт, розмарин, екстракт од кокос, стапчиња цимет, ѓумбир, ванила, екстракт од бадем, каранфилче, нане, мајчина душица.rnrnrn

2. Освежувач за воздух во спреј

rn

Потребно ви е:

rn
- 1 чисто шишенце со спреј
- 1 лажица сода бикарбона
- 500 мл дестилирана вода
- Есенцијално масло или мирис по ваш избор (10 капки)
rn

Начин на подготовка:

rnСтавете ја содата во сад и додадете го есенцијалното масло. Измешајте ги состојките со виљушка. Со инка пресипете ја смесата во шишенцето и потопете ја со дестилираната вода. Истресете го шишето секојпат пред употреба.rnrnrnrnОвие домашни освежувачи за воздух се одлични за да ја одржувате пријатната миризба во домот и не само што нема да ве чинат многу пари, туку и ќе бидете сигурни дека не распрскувате хемикалии кои може да бидат штетни по вашето здравје.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
September 8, 2013