Tag: најблиски

Блиските луѓе ги сакаме повеќе отколку оние кои не ги познаваме добро, па би требало тоа да нѐ поттикнува да бидеме потрпеливи и поучтиви со нив. Но, тоа најчесто не е така. Впрочем, почесто се случува она спротивното. Еве зошто сме поучтиви со непознатите отколку со блиските според едно истражување спроведено од професорката по психологија Дебора Саут Ричардсон.rnrnrn

Мислиме дека врската со блиските може да „преживее“ секакво однесување

rnНајчесто, ставаме насмевка на лицето пред останатите за да бидеме културни и да се претставиме во најдобро светло. Но, кога ќе дојдеме дома или кога сме со некој кој ни е близок, веднаш ја симнуваме насмевката бидејќи се опуштаме.rnrnЛуѓето се чувствуваат најудобно кога се со луѓето кои ги сакаат. Но, токму кога ни е удобно ги покажуваме сите наши страни, вклучувајќи ги и оние лошите. Науката вели дека несвесно го исфрламе гневот пред луѓето кои ги сметаме за најблиски бидејќи мислиме дека нашата врска е доволно силна за да го „издржи“ тоа. Колку поблиски се чувствуваме со некого, толку послободни сме да се однесуваме лошо со нив кога имаме лош ден.rn

Се чувствуваме помалку сигурни во себеси кога сме со нови луѓе

rnНе ги покажуваме вистинските карактеристики кога запознаваме нови луѓе. Тие едноставно не ја гледаат нашата вистинска страна на почетокот на врската. Тоа се случува бидејќи луѓето не се опуштени на почетокот на пријателството или врската. Дури и доколку новиот познаник направи нешто со кое што не се согласувате, големи се шансите дека нема да реагирате на тоа бидејќи не знаете што да очекувате од него/неа.rnrnОд друга страна, кога некој близок ќе направи нешто што ве нервира, ништо не ве спречува да му/ѝ го кажете тоа. Затоа, сите се чувствуваме послободни да им дадеме негативни коментари на нашите најблиски.rn

Не ги толерираме негативните карактеристики на луѓето кои ни се најблиски

rnКолку повеќе време поминувате со некого, толку помала толеранција имате кон нив. Ова не се случува со луѓето кои штотуку сте ги запознале, туку со најблиските. Со оние кои не ги познавате добро, не се чувствувате слободни да реагирате искрено бидејќи очекувате да не поминувате многу време со нив.rn

Секогаш може да го спречиме ова однесување

rnКако што гледате, има причина зошто подобро се однесувате со непознатите отколку со најблиските. Но, тоа не значи дека не треба да се обидете да го поправите тоа.rnrnДоколку поминувате многу време со некого и чувствувате дека имате потешкотии да толерирате некои нивни навики или карактеристики, обидете се со мала пауза во вашата комуникација. Кратката пауза може да ви помогне да ја погледнете врската од друг агол и да започнете да ги цените добрите работи кај личноста наместо да се фокусирате на лошите.rnrnОбидете се и со излегување во друштво во кое има блиски и непознати лица. Кога ќе бидете во измешано друштво, ќе бидете поучтиви поради оние кои не ви се толку блиски, а тој однос ќе ја подобри и врската со блиските.rnrnСледно, прочитајте како да го подобрите односот со блиските за само една минута.

Луѓето за кои се грижите секогаш треба да ви бидат на прво место, не само во среќните, туку и во тешките моменти. Ако се грижите за некого, исполнете си го ветувањето и бидете тука за него. Бидете тука за најблиските кога најмалку го заслужуваат тоа, бидејќи токму тогаш најмногу им треба вашата помош и поддршка. Бидете со нив не затоа што морате, туку затоа што сакате.rnrnrnrnНајлесните нешта во животот немаат тежина. Лесно е да ги сакате луѓето кога се совршени, кога се среќни и задоволни од животот. Но, вашата љубов има најголема вредност кога им ја давате на луѓето кои имаат недостатоци, кои се повредени и поминуваат низ тежок период во животот. Во таквите моменти, мора да бидете тука за нив.rnrnЗаборавете на телефонот кога сте со луѓето кои ви значат. Гледајте ги во очи и слушајте ги внимателно. Нурнете заедно со нив во длабоки разговори и заборавете на светот околу вас. Поврзете се. Не дозволувајте вашето внимание да биде одвлечено во ваквите моменти. Немојте да разговарате за времето и за животната монотонија. Прашајте ги што сонувале претходната вечер. Дебатирајте. Научете ги на нешто ново. Смејте се и изгубете чувство за време. Бидете присутни не само со вашето тело, туку и со вашиот ум. Бидете тука со нив.rnrnДајте им до знаење на луѓето колку ви значат. Секогаш потсетувајте ги на тоа дека ги цените и сакате. Потсетувајте ги дека сакате да ги заштитите. Но, не правете го ова само со зборови. Зборовите се лесни, едноставни и површни. Немојте да им ја полните главата со накитена поезија, немојте да нижите самогласки и согласки само за да им угодите. Покажете им колку ви значат, преземете нешто и поддржете ги вашите зборови со дела.rnrnБидете добри со луѓето кои ви значат. Многу луѓе непромислено земаат туѓи срца во свои раце и не успеваат да ги заштитат и да се грижат за нив. Многу луѓе се навикнуваат на пријателствата и врските и почнуваат да ги земаат здраво за готово. Земаат и земаат, но забораваат да дадат. Забораваат дека љубовта не смее да се дава во минимални количини.rnrnЗаштитете ги луѓето кои ви значат. Бидете искрени со нив. Грижете се за нив секој можен ден, а ако не можете да го сторите тоа, пуштете ги да си одат. Пуштете ги, затоа што луѓето кои навистина ве сакаат никогаш нема да престанат да се трудат и нема да можат да си заминат. Ако не можете да им возвратите на истиот начин, ослободете ги. Дозволете им да ја дадат љубовта на човек кој ќе има место во градите за да ја прифати. Треба да сфатите што сакате пред да се обидете да го отворите срцето на личноста за која знаете дека е подготвена да ви го даде целиот свет.rnrnДоколку се согласувате дека секогаш треба да бидете тука за вашите најблиски, прочитајте ги и овие 10 причини зошто пријателите се многу важен дел од нашиот живот.

Сите го прославуваат доаѓањето на новата година. Тој ден ни дава можност да направиме ретроспектива на целата измината година, да се заблагодариме за сите убави моменти, да се сетиме на целиот напредок и успех што сме го постигнале, како и да ги согледаме нашите грешки и да научиме нешто од нив. Новата година означува нов почеток кога сите правиме планови за тоа какви промени сакаме да внесеме во животот и кои цели би сакале да ги оствариме во претстојната година. Но, иако Нова година е синоним за луда и незаборавна забава, понекогаш знае да биде и малку депресивна.rnrnrn

„Уште една година помина, а вие што направивте?“, праша Џон Ленон во една од неговите песни.

rnОвој стих би требало да ве инспирира и да ве поттикне да размислите за тоа каков придонес сте дале за општеството. Наместо тоа, веројатно размислувате за вашиот љубовен живот, особено ако сте сингл. Се прашувате кого ќе бакнете кога часовникот ќе отчука 12:00?rnrnТоа не значи дека не можете да си поминете убаво за Нова година. Ако и минатите новогодишни прослави сте се чувствувале лошо поради тоа што сте биле сингл, тоа било така затоа што ви недостасувала личноста со која сте сакале да ја поминете таа ноќ. И покрај тоа, вие навистина можете да си поминете убаво ако сте опкружени со луѓето што најмногу ви значат. Ништо не е поважно од најблиските.rnrnКога ќе ви се случи нешто убаво или лошо, со кого најпрво ги споделувате вестите? Нема сомнеж дека тоа се најзначајните луѓе во вашиот живот на кои секогаш можете да сметате и кои ве прават среќни. Кога конечно ќе дојде новогодишната ноќ, тоа се луѓето со кои треба да бидете. Тоа се луѓето со кои треба да уживате и да ја славите вашата љубов, пријателство и спомени. Со нив треба да ги пречекате сите убавини кои ви ги носи новата година.rnrnСекако дека и ноќта помината во преполн локал со скапа влезница може да биде забавна, но нема ништо лошо во тоа доколку се соберете со вашите најдобри пријатели кај некого дома, нарачате пица и уживате во омилените песни и алкохол. Што се однесува до љубовните парови, зошто да не си прославите сами во интимна атмосфера?rnrnrnrnПразниците се многу важен период од годината кои се засноваат на љубов и благодарност. Целата новогодишна атмосфера не би имала смисла без најважните луѓе во нашиот живот кои ни носат радост и среќа. Вашите најблиски се тие кои секогаш ќе бидат тука за вас. Ќе бидат тука кога ќе ја добиете вашата работа од соништата и кога конечно ќе пронајдете вистинска љубов. Тие ќе ве бодрат и ќе се радуваат на секој ваш успех како да е нивен.rnrnПразниците како што е Нова година се одличен потсетник на тоа дека треба да бидеме благодарни за луѓето кои ни го исполнуваат животот со љубов. Покажете им ја вашата љубов на тие луѓе и секој ден давајте им до знаење колку многу ги цените.rnrnБез оглед дали ќе танцувате во дискотека до раните утрински часови на први јануари, ќе јадете руска салата и кифлички или ќе заспиете пред полноќ, нема да погрешите доколку го направите тоа опкружени со луѓето што ги сакате.