КАФЕ ПАУЗА

Tag: мини здолништа

Стилски грешки: Облека којашто никако не смеете да ја комбинирате со штикли

Можеби сте голем љубител на удобни патики и рамни чевли, но сигурно не можете да ја игнорирате ниту моќта на убавите штикли, во комбинација со привлечен и интересен стил. Имајте на ум, дека штиклите изгледаат убаво, само доколку се носат на правилен начин и добро искомбинирани со останата облека. Затоа, решивме на едно место да ги склопиме советите од разните модни стручњаци, кои советуваат која облека никако не смее да се комбинира со високи потпетици или чевли на платформа. Никако немојте да ги прекршувате овие модни правила, ако сакате да имате добар стил.rnrnrn

1. Тексас шорцеви и високи потпетици

rnДоколку имате долги и тенки нозе, сигурно сметате дека во тексас шорцеви и високи потпетици, изгледате како позната холивудска ѕвезда. Но, доколку сакате да се истакнете од толпата, на женствен и елегантен начин, најдобро би било шорцевите да ги комбинирате со рамни сандали со каивчиња или со плитки патики. Доколку пак, сте пониски и сакате да додадете малку висина, тоа сторете го со сандали на платформа, во комбинација со поширока, лелеава маичка.rnrnrn

2. Мини здолниште и чевли на платформа

rnОпшто познато правило, е дека кратките здолништа, е тешко да ги задржите на место, бидејќи тие постојано се поткреваат и се изместуваат од страните. Доколку пак на тоа, додадете и неколку сантиметри висина коишто ќе ве направат нестабилни во чекорењето, многу непријатни ситуации можат да ви се случат. Затоа, секогаш имајте го ова правило на ум – со мини здолниште носите само рамни чевли, а со миди и макси здолниште, слободно носете и штикли.rnrnrn

3. Ѕвонарки и чевли со отворени прсти

rnИако пантолоните со широки ногавици, во комбинација со штикли, визуелно ќе ви ги издолжат нозете, сепак со овој аутфит морате да бидете внимателни. Чевлите на платформа со каивчиња или рамни чевли, се најдобрата опција за со ѕвонести пантолони, бидејќи ќе ја урамнотежат ширината на ногавицата. Од друга страна, носењето чевли со отворени прсти, во комбинација со вакви пантолони, изгледа неубаво и одамна не е во мода.rnrnrn

4. Хеланки или тренерки и сите типови чевли на штикла или платформа

rnДоколку долниот дел од вашиот стајлинг изгледа како штотуку да сте излегле од салата за вежбање, тогаш дефинитивно не треба со сила да правите да изгледате, како да сте се подготвиле за вечерно излегување. Можеби спортскиот стајлинг е „ин“, но доколку немате чувство за мода, оваа комбинација може да изгледа многу невкусно.rnrnrnrnЗа крај, она што е најбитно, е да не носите чевли кои не ви се удобни. Колку и да ви се допаѓаат, неудобните чевли само ќе ви ја уништат вечерта, а со тек на време и стапалата.rnrnМоже да ве интересираат и овие непростливи модни прекршоци: 4 најголеми грешки во облекувањето кои ги прават жените.

May 17, 2018
Омилено зимско дуо: Мини здолниште и голем, топол џемпер

Кога низ прозорецот од собата ќе видите дождливи капки и дрвја кои се нишаат на силниот ветар, мини здолништето сигурно не е првото парче облека кое ќе ви падне на памет. Но, кога е времето нешто поблаго кон нас, тогаш тоа е идеална алатка за креирање сексапилна модна комбинација во која одличен баланс ќе направат големиот, топол џемпер и дебелите хулахопки. Со оглед на тоа дека хулахопките со принт станаа еден од најомилените трендови на секоја дама со стил, ова здолниште е идеален начин за и вие да ја покажете вашата интерпретација на овој тренд.rnrnrnrnКога зборуваме за популарни модели на здолништа, оваа сезона изобилуваат кожните и моделите на преклоп, изработени од твид. Карираните модели исто така се во тренд, а светкавите здолништа одлично ќе се вклопат во празничната еуфорија. Носете ги во комбинација со омилените модели на чизми, без разлика дали ќе изберете чизми до глужд или чизми над колена.rnrn rnrnПродолжете на следната страница за повеќе фотографии…rn

January 1, 2018
Најдобрите начини за комбинирање мини здолништа

Дојде летото, а со него и времето за носење слатки и привлечни мини здолништа. Како и секогаш, тие и кратките шорцеви се најомилените парчиња облека на девојките во текот на топлите денови. Понекогаш навистина е тешко да пронајдете вистински баланс во носењето на овие здолништа, а тие да изгледаат пристојно, модерно, но и привлечно. Можеби токму овие идеи ќе ви помогнат во тоа. Па затоа, пронајдете го вашето мини здолниште и комбинирајте го на најдобриот начин.rnrnrnrn1. Краткото здолниште можете да го носите со краток топ. Најважно е да не носите некој впечатлив накит, бидејќи премногу ќе ја нагласите комбинацијата, но исто така, добро е да ги избегнете и високите потпетици. Изберете спортски патики или балетанки.rnrnrnrn2. Лелеавото мини здолниште можете да го комбинирате со едноставна блуза и оксфордки, кои ќе бидат доста занимливи во оваа модна комбинација. На овој начин ќе добиете модерна, впечатлива модна комбинација која исто така е сосема пристојна, но и која ќе привлече внимание.rnrnrnrn3. Кендал Џенер умее совршено да го комбинира ова парче облека. Едноставна блуза, со помала чанта и чизми до глуждовите, е една од нејзините омилени комбинации во која секогаш изгледа одлично.rnrnrnrn4. И Ријана има одличен моден вкус за ова парче облека. Таа сака класични споеви во секојдневните улични модни комбинации, па така мини тексас здолништето го комбинира со поширока, бела кошула која благо е вовлечена во самото здолниште. На овој начин ќе добиете прикладен, но и сосема сексапилен изглед.rnrnrnrnПродолжете на следната страница за да ги погледнете останатите начини за комбинирање мини здолништата.rn

June 27, 2017
Мини здолништата не ја напуштат сцената: Еве како да ги носите оваа сезона!

Доколку оваа сезона во работната, секојдневната или во некоја друга варијанта облечете мини здолниште, ќе го направите најдобриот моден избор. Токму мини здолништето е дневното парче кое на улиците на светските метрополи го облекоа многу трендсетерки, чиј стил служи како наша инспирација. Па затоа, погледнете на кои начини можете да го искомбинирате мини здолништето оваа сезона и „украдете“ некои од највпечатливите трикови.rnrnrnrnЦрното кожно мини здолниште е идеално за комбинирање со дневни парчиња со различни кроеви и бои, а ние ви предлагаме да го облечете со интересен, разнобоен џемпер и плитки чизми од превртена кожа.rnrnrnrnКомбинацијата на крем и кафеава варијанта секогаш претставува совршен избор. Токму оваа дневна комбинација е идеална за вашиот работен стил, па не пропуштајте да ја испробате оваа сезона.rnrnrnrnЗошто оваа сезона мини здолништето не би го облекле со интересент XXL џемпер, исто како што тоа го направи Кјара Ферањи?rnrnrnrnМини здолништето со висок струк во интересна комбинација од бои, одлично би стоело со темно жолта ролка и длабоки кафеави чизми. Направете ваква комбинација оваа сезона во работна или во која било друга варијанта и дефинитивно нема да погрешите.rnrnrnrnИдеална кежул варијанта за оваа сезона е токму комбинацијата на мини здолниште, удобен џемпер и стилски рамни чизми.rnrnrnrnУште една одлична работна варијанта која го привлече нашето внимание е токму оваа комбинација: блејзер со два реда копчиња, мини здолниште со А крој и класични аксесоари.rnrnrnrnБидете забележани на секој чекор, а најдобар начин за да го постигнете тоа е оваа сезона да направите една ваква дневна модна комбинација. Ние се заљубивме во овој модел на мини здолниште, а вие?rnrn

December 3, 2015
14 модни пролетни транзиции

Автор: Софија СионоваrnrnЗошто да се мачите да планирате и дневен и вечерен изглед кога постојат 14 докажани и едноставни комбинации кои ја опфаќаат дневната комоција и ноќната мистерија.rnrn
1. Кожна јакна + кожни пантолони
rnrn
2. Џемпер во силна боја + мини здолниште
rnrn

rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

May 1, 2014
Нов моден тренд: мини здолништа со јазол

Сите ние имаме некаков вид здолништа кои ни се омилени, но што мислите за оние со јазол? Оваа сезона здолништата со јазол изгледа како да можат секаде да се забележат. И колку повеќе се испреплетени, толку се поинтересни и оставаат поголем впечаток. Доколку целта ви е да бидете забележани, овие сукњи без проблем ќе ви помогнат да ја постигнете.rnrnrnrnАко сте расположени за експериментирање, ви препорачуваме да им дадете шанса на овој вид здолништа. Тие одлично стојат на сите градби на тело бидејќи со својот дизајн ги обликуваат колковите во совршено заоблена форма. Погледнете и самите…rnrn
rnrnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 30, 2014
Како да носите црно во лето, а да не изгледате депресивно?

За повеќето девојки летото е период кога се вадат најшарените, најдречливите и највпечатливите парчиња од гардероберите, кои со душа чекаат да ги вклопат во откачени комбинации. Сепак, има девојки кои не сакаат да ја напуштат црната боја за време на најтоплиот период од годината. Еве како да го задржите вашиот стил – избирајте и комбинирајте ја црната облека во согласност со летниот амбиент.rnrnrnrnКратки пантолончиња и мини здолништа – Ограничете се на црна облека за надолу, која нема да ви ги покрива целосно нозете. Краток шорц или сукњичка е доволно за да бидете задоволни дека ја носите вашата омилена боја, додека истовремено ќе им овозможите на вашите нозе да апсорбираат витамин Д.rnrnrnrnПроѕирни парчиња облека – Носете црно во лесна варијанта, од проѕирни материјали, како овој плетен фустан. Материјалите кои изгледаат како да дишат, веднаш асоцираат на лето, дури и кога се во потемни нијанси.rnrn rnrnПокажете кожа – Ако сакате да носите црно од глава до пети, тогаш треба да избирате модели на облека со отсечоци. Така, иако се црни, овие целосни пантолони со отворен грб и „V“ отвор се одличен избор за летните излегувања.rnrn rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

August 13, 2013
9 видови здолништа без кои не треба да го поминете ова лето

Во летниот период е навистина важно гардероберот да ви е полн со разни модерни здолништа, од кои секогаш ќе можете да одберете нешто, за секоја пригода. Носејќи го вистинското здолниште за вашето тело, можете да изгледате исклучително женствено и елегантно. Доколку сакате сите очи да бидат вперени кон вас, погледнете кои типови здолништа се „ин“ за лето 2013.rn

1. Здолниште со набори

rnЗдолништата со набори, особено оние изработени од меки материјали во пастелни бои, се едни од најмодерните за ова лето. Овој тип здолниште ќе направи да изгледате многу женствено и сензуално. Можете да го комбинирате со свилена блуза или маичка и немојте да заборавите да облечете и високи потпетици, особено доколку сте пониски. Ваквото парче гардероба е прикладно и за дневна и за ноќна шема.rnrnrn

2. Кратко здолниште

rnМини-здолништата направија голем „камбек“ и се застапени на сите модни шоуа оваа сезона, и покрај тоа што може да се каже дека тие никогаш не ни излегле од мода. Тие се јавуваат во различни облици: класични, ретро, асиметрични, направени од светкави и металик материјали, со реси, дури и со пепла. Можете да ги комбинирате со поширока блуза за да постигнете контраст или доколку имате здолниште со висок струк, можете да го комбинирате со топ со должина до над папокот.rnrnrn

3. Здолниште со ластик

rnОва стилско здолниште исто така брзо стана хит на модните писти ова лето. Доколку се решите за ваков модел во повеќе бои, треба да бидете многу внимателни со изборот на блузата, бидејќи е тешко за комбинирање. Во вакво здолниште ќе се истакнете помеѓу гужвата. За да привлечете уште поголемо внимание, можете да искомбинирате црно здолниште со ластик, со неонска блуза и еден пар високи потпетици.rnrnrn

4. Здолниште со тантела

rnДруго најпродавано здолниште на модните шоуа оваа сезона, се прекрасните здолништа со деликатна тантела. Можете да направите комбинација од црно здолниште со тантела и блуза широка во рамената или со рамена дотерани со панделки, врвки или ракави со монистри. Дефинитивно сите погледи ќе бидат вперени кон вас. Ваквите здолништа доаѓаат во сите облици и должини, па доколку сте во потрага по интелигентен и шик изглед, можете да изберете класично здолниште со тантела, но доколку сакате да се чувствувате кул и удобно, треба да одберете здолниште со тантела на ластик.rnrnrn

5. Неонско здолниште

rnОсвојте го најдречливиот тренд оваа сезона и купете си неонско здолниште. Притоа, треба да обрнете многу внимание на начинот на кој ќе го искомбинирате. Блузата треба да биде во неутрална, па дури и во црна боја. Затоа, можете да си играте со разни аксесоари кои ќе ги носите во разни прилики. Одлучете се за неколку дреч алки и крупна, доминантна огрлица.rnrnrn

6. Миди-здолниште со висок струк

rnОва лето, миди-здолништата со висок струк, се поелегантната алтернатива на основното мини-здолниште. Овој вид здолниште убаво прилега на речиси секоја фигура и можете да го носите за на работа или за вечерно излегување, а воедно да се чувствувате многу удобно. Можете да го комбинирате со краток горен дел за секси изглед или со малку поширока блуза со асиметричен раб, доколку сакате да изгледате поелегантно и сакате да ја истакнете вашата сензуалност.rnrnrn

7. Макси-здолниште

rnМакси-здолништата се едни од омилените типови здолништа кај жените во текот на жешката сезона, особено во текот на летните одмори, бидејќи овозможуваат одлична удобност. Големите модни брендови како Шанел и Луј Витон, ја вратија модата на овие здолништа, експериментирајќи со различни материјали и висок струк. Ваквиот тип здолниште може да се комбинира во многу различни стилови. Можете да се одлучите за асиметрично макси-здолниште (кусо однапред, долго до земја одзади) или симетрично ретро макси-здолниште, па дури и со набори, за додатна елеганција.rnrnrn

8. Асиметрично здолниште

rnАсиметричните здолништа се апсолутен хит во светот, но и во нашата држава, оваа и минатата година. Колку е поголема разликата во висината на предната и задната страна и колку се полелеави, толку подобро! Честопати се нарекувани и долго-кратки здолништа, па дури и водопад-здолништа. Комбинирајте ги со тесна блузичка вметната внатре во здолништето или со кратка маичка над папок. Не заборавајте да се накитите и со специфичен, разигран накит.rnrnrn

9. Здолниште со пепла

rnОвој тип здолниште ги истакнува облините на женското тело и создава визуелен ефект дека половината ви е потенка, а бутините позаоблени. Стои добро на голем број девојки, создава една мистериозна сензуалност и може да се комбинира со различни маици, топови и блузи. Станаа тренд минатата година, а се носат и оваа сезона.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

July 27, 2013
Летни парчиња облека кои мажите ги сакаат

Секоја девојка се труди да биде секси и да остави некаков впечаток, особено ако има посебна личност од чија страна треба да биде забележана. Ова се неколку летни парчиња облека и комбинации, кои мажите ги сметаат за секси. Мини здолништа, тесни фармерки, но и спортски и лежерен изглед често знае да им ја разбуди фантазијата, особено во лето.rn
rn

Ританки

rnДелуваат природно, опуштено и оставаат впечаток дека не сте се труделе премногу околу својот изглед. Мажите го сакаат тоа.rn

Мини здолништа

rnТие се слатки и секси, плус ги нагласуваат струкот и задникот… кое машко не го сака тоа?rn

Тесни фармерки

rn Тесните фармерки најдобро ги нагласуваат облините на женското тело. Делуваат спортски и лежерно, а со соодветни потпетици, одговараат на повеќе различни пригоди. Тесните фармерки се само уште еден доказ дека не мора да биде разголено за да биде секси.rn

Горен дел без прерамки

rn Се гледаат рамениците и дел од грбот, затоа ваквиот изглед мами воздишки.rn

Рамни обувки

rn Слатки се и женствени. Покажуваат дека личноста која ги носи е слободна, полна со самодоверба и не е опседната со својот изглед.rn

Летни фустанчиња

rnСекси, лежерно, лелеаво… летно! Буди фантазија кај мажите.rn

Кратки шорцеви и обувки на висока плута

rnКратките шорцеви во комбинација со сандали на висока плута, се одличен летен, кежуал избор. Момците ја сакаат оваа комбинација, бидејќи сандалите на висока плута, ненападно ги истакнуваат женските нозе, а кратките шорцеви ги нагласуваат колковите.
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

August 14, 2012
10 докази дека модата потекнува од 60-тите

Периодот на 60-тите години од 20 век е познат по многу револуционерни настани кои го промениле светот на секое поле. Модата, како пропратен дел од секојдневието, воопшто не изостанала од тие случувања. Напротив, модните дизајнери во овој период креирале модни парчиња кои се претворија во безвременски модни трендови. Познатите „ѕвонарки“, дезените со леопард, женските одела се само дел од многуте креации кои сè уште инспирираат врвни модни дизајнери. Погледнете ги 10-те модни трендови кои се толку популарни што се присутни и ден денес.rnrnrn

Мини здолниште

rnМини здолништата за првпат им биле претставени на Французите во 1964 година, но биле отфрлени како чудно и необично парче облека. За разлика од нив, Британците биле тие кои храбро го прифатиле овој моден додаток. Британската дизајнерка Мери Квант, нарекувајќи ја по својот омилен автомобил „мини“, е одговорна за овој моден тренд да стане толку популарен и познат.rnrnrn

Леопард дезен

rnОвој моден тренд се поврзува со модната икона и првата дама на САД од 60-тите, Жаклин Кенеди Оназис. Со своите инвентивни идеи, поддржани од личниот дизајнер,секогаш изгледала модерно, уникатно и пред своето време. Доколку сакате да изгледате прекрасно и истовремено жестоко, одберете парче облека со дезен на леопард.rnrnrn

Ѕвонарки

rnПанталоните со широки ногавици се инспирирани од времето на хипи движењето. Комотни и лежерни, ѕвонарките совршено им прилегале на хипи девојките, кои во овој период сè почесто носеле панталони. Овој моден тренд сè повеќе се навраќа на модните писти и е главна инспирација за многу дизајнери.rnrnrn

Високите тесни чизми

rnОвие чизми биле измислени на почетокот на 20 век, пред сè од практични причини. Но, својата популарност во модата ја добиваат во 60-тите, дизајнирани од страна на Бет Левин. Ги носела Ненси Синатра на снимањето на песната „These Boots Are Made For Walkin’“, со што ја зголемила нивната побарувачка на модниот пазар.rnrnrn

„Кралскиот“ фустан

rnФустанот кој се стеснува над половината е креација на Британката Ема, позната како дамата Хамилтон, која живеела за време на владеењето на Наполеон. Периодот на 60-тите години од 20 век биле вистинскиот момент овој дизајн на фустан да ја доживее својата слава и да стане безвременски моден тренд.rnrnrn

Краткиот широк фустан

rnОвој интересен фустан во форма на трапез е инспириран од забрзаниот напредок во полето на вселената во 60-тите години, како и од идеите за облека кои би се носеле во иднината. Доколку сакате да изгледате модерно и опуштено, изберете го овој моден тренд.rnrnrn

„Смокинг“ палто за жени

rnПознатиот дизајнер Ив Сент Лорен направил револуционерен чекор дизајнирајќи палто за жени, кое се носело исклучиво само од мажите. Ова палто креирано во 1966 година, поставува нови стандарди во модата, каде жените може да се чувствуваат секси и женствено носејќи машки парчиња облека.rnrnrn

Женско одело

rnЗаедно со „смокинг“ палтото за жени, Ив Сент Лорен во 1966 година ги лансира класичните панталони, кои во тој период исклучиво биле наменети само за мажите. На тој начин било создадено женското одело, кое низ годините предизвикувало различни мислења за тоа колку е пригодно жените да носат „машка“ облека. Благодарение на 60-тите, денес жените може слободно да носат одело и да се чувствуваат женствено како никогаш порано.rnrnrn

Војнички стил

rnВојничкиот стил на облека исто така е креативно решение на 60-тите. Најголемо влијание за формирањето на овој моден тренд имале хипстерите, кои купувале веќе носена облека од продавници специјализирани за таа намена. Помеѓу различните носени парчиња, откриле и стари војнички палта. Преку овој стил тие го искажувале својот револт кон владејачките структури. Пејачот на групата „Ролинг Стоунс“, Мик Џегер, е познат по тоа што носи облека токму во овој моден тренд.rnrnrn

Дезенирани хулахопки

rnПо пронајдокот на мини здолништето, девојките морале со нешто да ги покријат своите нозе. Така бил измислен овој моден додаток, кој стилски се вклопува со малото здолниште. Тие се толку популарни, што секоја девојка мора да има во својот плакар барем еден пар дезенирани хулахопки.rnrn
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 5, 2012