Лошата организираност на зборовите можат тотално да го уништат (или да го направат урнебесен) дури и оној натпис кој настанал со најдобра намера. Токму тоа ни го покажуваат и следниве 22 примери, кои поради ненамерни грешки во растојанието на буквите во зборовите, како и помеѓу самите зборови во комбинација со несоодветен фонт довеле до неочекувани и смешни резултати…rnrn
Италијанскиот дизајнер Клаудио Ското изработил линија на карактеристичен мебел со специјален дизајн инспириран од најчесто употребуваните фонтови од страна на дизајнерите. Со неговата работа, тој ги пренесува овие фонтови од професионалниот во домашниот амбиент.rnrn
rnrnНеговата линија наречена „Decor Type“ ги извлекува карактеристиките на буквите од листот и ги трансформира во функционални елементи за домот.rnrn
rnrnСекое парче мебел содржи една или повеќе букви од фонтовите: Arial, Times New Roman, Garamond и други.rnrnЗа дизајнерите, луѓето кои имаат свој омилен фонт, или оние кои едноставно сакаат да бидат опкружени со букви и зборови, линијата на Ското ќе им овозможи да покажат впечатлив стил во домашното внатрешно уредување.rnrn
rnrn
Кога дизајнирате визит карта, изборот на естетските елементи има многу поголемо влијание од едноставно разубавување на самата картичка. На пример, просторот помеѓу зборовите и боите можат да привлечат позитивно внимание кон вашиот бренд доколку знаете како правилно да ги искористите.rnrn
rn
rnВнимавајте на просторот помеѓу буквите, зборовите и помеѓу редовите. Соодветниот празен простор му овозможува на читателот побрзо да ги обработува информациите.rnrnСовет: Погрижете се висината на празниот простор помеѓу редовите да биде поголема од висината на буквите.rnrn
rnОдлучете дали сакате да употребувате sans-serif или serif фонтови. Sans-serif обично се употребува за заглавја, додека пак другиот вид се поефикасни за останатиот текст.rnrnСовет: Не правете комбинација од различни фонтови од ист тип (на пример, Verdana + Tahoma) во текстот бидејќи ќе остави непрофесионален впечаток.rnrn
rnВерувајте, изборот на фонтот игра огромна улога. Секој фонт има посебна улога и пренесува различно значење. Некои фонтови на пример, се посоодветни за визит карта од областа на бизнис со чоколади и други видови слатки, додека пак истиот тој фонт воопшто не би изгледал добро на визит карта за личност која е вработена во банка.rnrnСовет: Со фонтот што ќе го одберете, искуцајте ги зборовите кои сметате дека го опишуваат. Ако изгледа како да се совпаѓаат со карактерот на фонтот, тогаш отприлика ќе знаете какво влијание ќе има врз оние кои го читаат.rnrn
rnПразниот простор е еден од клучните елементи при дизајнирање на визит картата. Ако имате премногу информации и премалку празен простор, читателот нема да знае на каде да се насочи и да го идентификува она што е најважно…rnrnСовет: Оставањето повеќе празен простор се смета за софистицираност, додека пак визит карта која е пренатрупана со текст може да делува евтино. Употребете многу празен простор за да го истакнете дизајнот на визи картата и да им овозможите на луѓето веднаш да ги лоцираат најважните информации на неа.rnrn
rnБоите можат да ја истакнат вашата визит карта, но исто така можат да пренесат и скриена, емоционална порака. На пример, црвената боја се интерпретира како љубов, енергија и опасност. Жолтата како интелигенција, внимателност и плашливост. А сината пак, како смиреност, самодоверба и искреност.rnrnСовет: И покрај тоа што одредени бои сугерираат одредени значења, сепак тоа не значи дека во вашиот случај не можете да го смените значењето на бојата што ќе ја одберете. Размислете зошто ви се допаѓаат одредени бои и какво значење би можеле да имаат тие за читателите.rnrn
Една од најпопуларните програми, особено во фирмите и образовните институции е Microsoft Word. Ако често се применува и во вашата канцеларија, разубавете го работниот ден и направете мала шега на сметка на колегите, со тоа што малку ќе им ги изместите опциите во оваа апликација. Услов е да имате пристап до компјутерот на оној со кој сакате да се пошегувате, а исто така, морате да знаете и како да ги вратите поставките во првобитната состојба…rnrn
rn
rnНаједноставниот трик со кој ќе го збуните вашиот колега е да ја смените бојата на фонтот во бела. На овој начин буквите нема да се читаат на мониторот. Ако вашиот колега работи на нов документ, најпрво зачувајте резервна копија од него, па потоа променете ја бојата. Тоа ќе го сторите ако кликнете на делот за менување на фонтот (Font), па ја селектирате белата боја и на крајот изберете Set as Default.rnrnОва за кусо ќе го избезуми вашиот колега, бидејќи што и да пишува, документот ќе изгледа празен. Буквите воопшто нема да се забележуваат. Кога ќе завршите со шегата, повторете ја истата процедура, но овој пат, вратете ја црната боја. 🙂 За да го изведете ова побрзо и полесно, следете ги нашите упатства на фотографиите.rnrn
rn
rnДруга шега која можете да ја направите во Word е преку прилагодување на опцијата AutoCorrect. Познато ви е дека програмата може автоматски да ги менува зборовите во нивната правилна форма, па затоа ако често грешите еден ист збор, таа може да игра улога на ваш личен коректор при пишувањето.rnrnНа овој начин можете да направите и одреден збор да се претвора во сосема друг. Идеално за шега, нели? Тоа ќе го сторите доколку одите во File –> Options –> Proofing –> AutoCorrect Options.rnrn
rnrnВо AutoCorrect напишете го зборот кој сакате да се претвори во некој друг. За да ви успее шегата, тоа треба да биде најчесто применуваниот збор од страна на вашиот колега. Кога конечно ќе го изберете и напишете, кликнете Add, па OK.rnrnВо нашиот пример, секој пат кога колегата ќе испише „Соопштение“ и ќе стисне SPACE, зборот ќе се претвори во „Јас сум магаре!“. :)rnrn
rnrnКога шегата ќе биде готова и ќе сакате да вратите сè по старо, повторно одете во прилагодувањата, пронајдете го зборот кој сте го замениле и кликнете на Delete.rnrn
rnrnПредупредување: Немојте да избирате збор кој вашиот колега би го пишувал во иднина, бидејќи можно е да заборавите на промената која сте ја направиле и да предизвикате сериозни проблеми.rnrn rnrn
Хозе Ернесто Родригез со неговите раце создава нови фонтови и интересни облици на бројки и знаци, сето тоа на машина за фотокопирање. Погледнете… 
rn———————————————————————————————————————————————————————
rnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Секако дека не зборуваме за масички кои станале писмени од многу читање. Зборуваме за колекцијата алфанумерички кафе-масички на дизајнерите Алесандро Канепа и Андреја Пауличели, кои претставуваат револуција во уредувањето. Колекцијата е оригинално наречена Фонтејбл (Fontable), што значи фонт-масичка.
Колекцијата ја сочинуваат сите големи и мали букви од англиското писмо, како и бројките од 0 до 9. Површината на масичките е лакирана со црна, бела или црвена боја, па така може да се создадат безброј комбинации, шарени или еднобојни, кои гледани како целина можат да испишат зборови со одредено значење. Висината на ногарките е прилагодлива, па ова им дава дополнителна флексибилност на масичките, за преклопување на последователно поставените знаци.
Идејата е неверојатна, а ваквиот начин на уредување може особено да биде интересен за кафе-баровите, иако одлично би изгледал и во модерно уредени дневни соби.
Заинтересираните може да побараат и масички во друга боја по нарачка. Една буква чини 190 евра, но колку повеќе нарачате, толку поповолно ви доаѓаат останатите масички, па така две ќе добиете за 350, а пет за 775 евра.
Зависно колку е долго она што сакате да го кажете и колку можни комбинации сакате да имате со буквите што би ги избрале, уредувањето на просторот со овие масички може да ве чини мало богатство. Но, не заборавајте дека не купувате една масичка, туку купувате зборови од масички и дека со Фонтејбл можете да кажете многу за себе, без воопшто да проговорите.
rn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.