Tag: бенд

Дупер е скопски бенд кој со себе носи нова енергија и свежина на музичката сцена. Борис, Мартина и Илчо сакаат сите да чујат за нив и да знаат кои се Дупер. Сакаат нивната музика да потсетува на нешто убаво, да асоцира на нив како трио. За нив, бендот значи дружба во пробувалната, менување на инструментите меѓу себе, место каде што нивните идеи и инспирација можат да ги преточат во парче музика од кое сите се задоволни. За нив, Дупер е забава, слобода, среќа. Еве ја нашата виртуелна кафе пауза, проследена со интервју со овој кул, кежуал, спонтан НАШ бенд.rnrnrn

1. Откријте ни нешто за секој од вас? На која возраст сте, што студирате и како се формираше триото Дупер? Како се запознавте и собравте во еден кул бенд?

rnБорис и Мартина имаат 20, а Илчо има 21 година. Тројцата сме студенти, Борис e на економски факултет, Мартина на музичка академија, a Илчо учи психологија. Бендот е оформен во јануари, 2017 година кога Борис спонтано нѐ спои да свириме сите тројца заедно. Тоа беше воедно и првото запознавање на Мартина и Илчо.rnrnrn

2. Со својата прва песна „Не сум твој тип“ успеавте да реализирате над 650.000 прегледи на Јутјуб досега. Дали ќе ја споделите со нас вашата „тајна состојка“ за успешен рецепт?

rnСупер-дупер, едноставно е, треба многу работа, внимание, трпение, дружење, иновирање, стискање палци, стискање заби, жртвување слободно време, одморање, неспиење итн.rnrnhttps://www.youtube.com/watch?v=MfyNsiGjirYrnrnАвтори на текстот, музиката и аранжманот се самите Дупер, а зад снимањето, миксот и мастерот на песната стои Ангел Ќосев од студиото „Подрумот“. Видео записот е во режија на Томи Акимовски.rn

3. Ритамот на вашето првенче „Не сум твој тип“ е заразен, текстот е спонтано-романтичен, а спотот во кул станчето е минималистички, забавен и модерен – полн погодок од одлуки за успешен музички продукт. Дали го очекувавте или планиравте овој успех?

rnТоа што го очекувавме и тоа што се случи се две неспоиви работи. Искрено, мислиме дека не постои стратегија за успех, бидејќи не знаеме ни кога нешто е успешно ниту како да дојдеме до тоа. Едноставно си ја сакаме музиката и многу веруваме во неа. Станот е инаку на наш пријател. Го одбравме бидејќи е минималистички уреден и многу ни одговараше на нашиот концепт за спотот. Идеите секогаш ги дискутираме со режисерот и доаѓаме до некој компромис, којшто на сите ни се допаѓа. Плус, во снимањето внесовме премногу ентузијазам, оптимизам и позитивност.rnrnrn

4. Песната е вистинско освежување на македонското музичко небо. Последнава деценија практично и да немаме домашна музичка сцена. Што мислите дека е причината за овој проблем? Властите? Масовната застапеност на турбо фолк музиката?

rnТоа што фали кај нас е повеќе храброст и истрајност. Факт е, условите не се сјајни, но сепак со работа може да се случат неверојатни нешта. Веруваме во тоа дека во моментов има нов бран на музика во Македонија. Сакаме повеќе млади да се приклучат на бранот и да создаваат. Исто така, треба да се престане со минирање на одредени жанрови на музика. Треба да има најразлична музика за луѓето да одбираат што да слушаат. На крајот на денот, се работи за различни вкусови.rn

5. Ок, млади сте, непознати бевте досега и направите бум со еден хит. Каде продолжувате од тука, па натаму? Во кој жанр планирате да се насочувате? Кои домашни и странски музичари ви се инспирација?

rnПродолжуваме кон многу нова музика, вежбање и концерти! Не сакаме жанровски да се ограничуваме, едноставно го правиме тоа што ни се допаѓа и нема да престанеме да експериментираме со звукот. Нашата нова песна „Тело за на ТВ“ е веќе излезена.rnrnhttps://www.youtube.com/watch?v=TfzGsgj5eRc&feature=youtu.bernrnМузиката, текстот и аранжманот на „Тело за на ТВ“ се на Дупер, снимањето и мастерингот на „XL Студио Момироски“, во режија на Томи Акимовски.rn

rn 011
• rn
  

  Кул! Веќе имате 100.000 прегледи на Јутјуб за само 10-тина дена. You guys are on fire! 😀

  rn

rn

rn

6. Каде го гледате Дупер за 10 години од сега? Дали ќе направите сè за да успеете на нашите простори или во план сте да правите песни и на англиски јазик? Која е вашата животна пасија?

rnНе знаеме и сѐ уште немаме очекувања каде би биле за 10 години од сега. Живееме во моментов и се чувствуваме убаво. Она што може со сигурност да го кажеме е дека сѐ што мислиме, знаеме и сакаме да правиме, го пренесуваме во музиката на Дупер и од тоа нема да се откажеме. Сега за сега, сакаме да пишуваме само на македонски. Можеби во иднина ќе има песни и на англиски јазик, но сѐ во свое време.rn

7. Дали можеме да го очекуваме првиот албум на Дупер во некоја блиска иднина?

rnСпремаме албум. Очекувајте многу нова музика.rnrnrn

8. За крај, кажете ни нешто повеќе за вашите хобија, каде шеткате, со какви профили на луѓе се дружите и зошто сакате да творите во Скопје?

rnЗатоа што Скопје е нашиот омилен град. Сакаме да шетаме и да се дружиме низ Дебар маало, да возиме точаци низ град, да играме фудбаУПЕР и кошарка, да цртаме, дизајнираме, пееме, свириме…rnrnМоже да ве интересира и друга успешна македонска приказна, на Блаже Аризанов – писател и косопственик на успешна компанија во Индија.

The Planktons се надежни музичари од Скопје кои многу ветуваат! Можеби сте чуле за нив, а можеби сте биле на некоја нивна свирка. Во саботата на 15 јули настапија и на познатиот Д Фестивал во Дојран.rnrnrnrnБендот постои веќе 2 години, а го сочинуваат Марко Трендафиловски на тапани, Кристијан Караџовски на гитара и Дарко Поповски на бас гитара. Тие се опишуваат како сурф рок бенд. Се збунивте? Станува збор за инструментален рокенрол кој се појавил во 60-тите години. Но, ќе им дозволиме на членовите од бендот да ни објаснат повеќе за овој музички правец во краткото интервју што следува…rnrnrnrn1. Да почнеме со најактуелните случувања, а тоа е вашиот настап на Д Фестивал. Како би го опишале целото искуство со неколку збора?rnrnД фест е ептен супер настан. Супер си поминавме. Го поздравуваме Филип Попов кој е најзаслужен за нашиот настап на Д фестивал. Без него немаше да свириме таму. Нашиот првичен гитарист Кристијан Караџовски беше болен тој период и мораше да му најдеме замена, па затоа капа долу и почит за Филип Попов.rnrn 2. Драго ни е што на македонската музичка сцена секојдневно се појавуваат нови рок бендови со квалитетни и оригинални звуци. Кажете ни повеќе за музиката што ја создавате. Што е тоа сурф рок и на кој начин е застапен во вашите песни?rnrnПред сѐ, свириме инструментална музика која се создава благодарение на различната инспирација што спонтано ни доаѓа. Сурф рок е само еден од епитетите со коишто се карактеризира овој правец во рок музиката, со други зборови, карактерот на „планктонот“, т.е. првичните звуци на бендот. Сурфот не нѐ става во рамка, не ни ги ограничува размислувањата и пристапот кон музиката што ја правиме. Додека трае – среќни сме, после тоа – пак сме среќни.rnrnrnrn3. Месецов ја издадовте и вашата најнова песна „Сон“ со минималистичко музичко видео и 2 реченици од кои едната гласи „Разликата помеѓу мене и градот е тоа што тој никогаш не спие“. Можете ли да ни објасните од каде потекнува идејата за оваа песна и како ја поврзувате со необичното музичко видео?rnrnТака ни дојде. Спотот е креација на нашата несекојдневна инспирација.rnrn4. Можеме слободно да кажеме дека ви претстои блескава иднина, бидејќи очигледно е дека се работи за талентирани музичари со интересни идеи. Кои се вашите планови за понатаму и каде можат да ве најдат луѓето на кои им се допаѓа вашата музика?rnrnНашите планови за понатаму се само да свириме, да работиме на случајот. Сите оние на коишто им се допаѓа нашата музика можат да нѐ слушаат на Јутјуб, да нѐ следат на Фејсбук на нашата фан страна и да се дружиме на нашите концерти, а за истите ќе бидете благовремено известени.rnrnrnrn5. Покрај вашиот необичен музички стил, бендот може да се пофали и со необично име. Зошто Планктонс или The Planktons?rnrnФала ви на комплиментот за тоа дека нашето име е необично, ние сме скромни дечки. А како дојде до тоа, имавме групен разговор и се одлучивме за тоа име. Планктони се стара жива форма која се јавува во водни средини, во најразлични облици и форми, исто како и нашата музика.rnrn6. За крај, од кои бендови добивате инспирација? Кои песни би им ги препорачале на нашите љубопитни читатели?rnrnИнспирација добиваме од најразлични музички изведувачи од целиот свет. Ја почитуваме македонската сцена и она што би им го препорачале на вашите љубопитни читатели е да ја слушаат, следат и почитуваат прво својата сцена, а потоа светската. За гравче запршка, за македонски бендови поддршка! Благодариме.rn

1. Кристо Роџевски – „Кадифе“

rnhttps://www.youtube.com/watch?v=SJpThNnvPPwrn

2. The John – „Тешка категорија“

rnhttps://www.youtube.com/watch?v=SDzh3hDG3Xkrn

3. Bela Fleck & The Flecktones – „Sex In A Pan“

rnhttps://www.youtube.com/watch?v=lzovIJKSYbIrn

4. Soren Reiff – „Funky Mama“

rnhttps://www.youtube.com/watch?v=piSe6Ezkn_8rn

5. Aydio – „Blue Smoke“

rnhttps://www.youtube.com/watch?v=OdzftH4LDekrnrnТоа беше музичкиот избор на Планктонс, а нашиот музички избор за денес е најновата песна на Планктонс која ќе ве опушти и ве одведе во некоја друга димензија. Уживајте!rnrnhttps://www.youtube.com/watch?v=_8LmuwEno5Y