ЉУБОВ НА ИЛИНДЕНСКИОТ МАРШ: Иван клекна пред Вероника, а таа кажа „да“
Годинешното поаѓање на Илинденскиот коњички марш од Горно Лисиче беше одбележано со посебен и емотивен момент – запросување пред голем број присутни граѓани.
Во дворот на црквата „Св. Петар и Павле“, младиот Иван, еден од учесниците во коњаницата, клекна пред својата девојка Вероника и ја побара за сопруга.
Вероника, која исто така е дел од коњаницата, со радост кажа „да“.
Запросувањето се случи пред поаѓањето на околу 40 коњаници кон Крушево, каде што ќе пристигнат во чест на Илинден и македонските херои.
Така, годинешниот Илинденски марш, покрај пораките за единство, слобода и почитување на историското наследство, ќе остане запаметен и по почетокот на една нова љубовна приказна.
На Иван и Вероника им посакуваме многу љубов, среќа и заеднички моменти!
Погледнете во прилог:
