Автор: Моника ТрајковскаrnrnТВ серија за еден несекојдневен детектив…rnrn
Креатор: Харт ХенсонrnГлавни улоги: Џеф Сталтс, Мерцедес Мејсон, Мајкл Кларк Данкан, Меди ХеснrnЖанр: криминалистика, драмаrnЈазик: АнглискиrnПретставена на: 21 април 2011 (во ТВ серијата „Коски“)rnПремиера: 12 јануари 2012rnБрој на сезони: 1 (во тек)rnВреметраење: 43 минутиrnНаша оценка: 9rnВаша оценка: [ratings]rn
rnИмате нешто изгубено? Нешто што премногу ви значи? Нешто без кое можеби не би можеле да живеете? Не грижете се… Волтер ќе го пронајде. Мислите дека тоа е невозможно? Погледнете ја оваа ТВ серија и ќе ви стане јасно за што станува збор.rn
rn
rnПриказна: Волтер Шерман (Џеф Сталтс) е ветеран, кој во војната со Ирак се здобил со оштетување на мозокот од експлозија. Оштетувањето на мозокот предизвикало чудна потреба кај него, потреба да го пронаоѓа она што другите го изгубиле. Волтер гледа конекции кај навидум неповрзани настани, предмети или луѓе. Честопати повторува дека ќе го пронајде тоа што се бара од него или ќе умре барајќи го.
Лео Нокс (Мајкл Кларк Данкан) е неговиот најдобар пријател, легален советник, телохранител, сметководител… Волтер и Лео имаат свој бар кој се вика „Крајот на светот“ во кој работи и Вила Мандеј (Меди Хесн). Таа е на условно поради кражба и доколку ја загуби работата, поради каква било причина, може да се врати повторно во затвор. И покрај нејзиното противење на работата и обидот да избега од таму, таа набрзо ќе го промени своето мислење бидејќи конечно ќе се почувствува дека припаѓа некаде.
Изабел Замбада (Мерцедес Мејсон) е заменик маршал, но навечер таа оди на предавања за да стане правник. Изабел многу често соработува со Волтер со кој има малку специфичен однос, нешто сосема спротивно од она што го гледаме во денешните романтични драми и комедии. Најинтересен момент е тоа што тие имаат детално составен договор за „пријатели со бенефиции“, кој може да се стави на „пауза“ во ситуации кога еден од нив ќе пронајде некој посебен, па другиот ќе мора да го прифати тоа без коментар.
Оштетувањето на мозокот кое му ја активирало оваа посебна дарба на Волтер, во исто време го направило многу параноичен и му влијае на некои други ментални способности. Но и покрај сите психички проблеми, тој сепак одбива да оди на операција, бидејќи се плаши да не ги загуби своите пронаоѓачки способности. Продолжувајќи да живее на малку поинаков начин од останатите, тој секојдневно се обидува максимално да ја искористи дарбата и да им помогне на што поголем број луѓе. Со Лео покрај него, постојано се соочуваат со крадци, мафијаши, убијци и секаков вид други криминалци. Но, тоа претставува најмал проблем за нив. Она што е најважно е да се пронајде изгубеното.
Кога да ја гледате: Совршено време за гледање на оваа ТВ серија е кога ви е потребен краток одмор од секојдневните обврски. Таа ќе ве расположи, насмее и ќе ве натера да се задлабочите во приказната со неверојатните пресврти. А што се однесува до Волтер, тој нема да престане да ве изненадува.rnrn
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.