Филм: Оргазам (The Little Death)

Необичните сексуални животи на четири парови надополнети со добра доза хумор

rnРежија: Џош ЛосонrnrnУлоги: Бојана Новаковиќ, Дејмон Хериман, Џош ЛосонrnrnВреметраење: 96 минутиrnrnЈазик: англискиrnrnПремиера: 25 септември 2014rnrnЖанр: комедијаrnrnНаша оценка: 9/10rnrnВаша оценка: [ratings]rnrnrnrnКонечно комедија за возрасни која е навистина смешна и забавна за гледање. Се работи за прво сценарио и режија на австралискиот актер Џош Лосон. Иако критичарите не ја фалат многу неговата дебитантска работа, би рекле дека сепак се работи за добро прво остварување, кое нуди лесна приказна, прецизна структура, забавно дејство и интересен пресврт кон крајот кој е заслужен за добриот впечаток со кој ќе ги дочекате имињата на крајот од филмот.rnrnrnrnThe Little Death е всушност фраза која значи оргазам. Ова јасно ни е ставено до знаење на почетокот на филмот, а потоа веднаш почнуваме да се запознаваме со необичните сексуални фетиши и фантазии на 4 млади и средовечни парови.rnrnМејв има желба да биде силувана, и тоа од непознат силувач со цел да може да почувствува како се чувствуваат жените кои поминуваат низ тоа ужасно искуство. Во една прилика тоа ќе го побара од нејзиниот партнер Пол, кој има нескротлива потреба да ги задоволи сите нејзини желби.rnrnrnrnФил и Морин ја изгубиле конекцијата која некогаш ја имале, а тоа секако се одразува и на нивниот сексуален живот. Проблемот е во тоа што Фил сака да биде интимен со својата сопруга додека таа спие, што на Морин воопшто не ѝ доаѓа ни на крај памет да прифати.rnrn rnrnРовена сфаќа дека се возбудува секогаш која нејзиниот маж ќе пушти солза и се обидува на секој можен начин да го одржи тажен, додека Иви и Дејн, по советувањето што го посетуваат со цел да го подобрат својот брак, почнуваат да се занимаваат со играње улоги, секако во сексот. Проблемот настанува во моментот кога Дејн почнува да се гледа себеси како вистински актер и заборава која е целта на тие сцени кои самиот ги пишува.rnrnrnrnСите нив ги поврзува еден чуден сосед, кој е всушност федерален престапник обвинет за силување, а иако сосема ненаметливо и споредно, се запознаваме со уште еден пар кој комуницира преку сервис за превод на глуви, кој воедно и го носи најубавиот пресврт во филмот.rnrn rnrnВо „Оргазам“ се обработуваат сексот, врските, бракот, пријателствата, фантазиите, фетишите, фобиите и табуата. „Дознаваме“ колку е нормално да се посакуваат „чудни“ нешта во сексот, но и какви последици носи секоја таква фантазија.rnrnИако на моменти предвидлив, филмот е одлично забавно пакување од 96 минути кое особено ќе им се допадне на паровите. По малку едукативен, тематски добро насочен и со хумор кој навистина тера на смеење, „Оргазам“ е нашата „жешка“ препорака за овој викенд.