Луксузниот хотел „Мисони“ во Кувајт беше отворен на 1 март 2011 година. Овој хотел е вториот од синџирот хотели, чиј сопственик е корпорацијата Карлсон. 
Сместен во областа Ал Салмија во Персискиот залив, овој хотел ги отвори своите врати по две години од отворањето на првиот хотел „Мисони“ во Единбург, Шкотска, на 8 јуни 2009 година. Предвидено е синџирот хотели„Мисони“ да опфаќа 30 објекти ширум светот. 
Дизајнот на хотелот „Мисони“ во Кувајт е уникатен. Стилот е мешавина од бохо и гламур, додека мебелот е избор на врвните дизајнери Филипе Старк и Ханс Вегнер. Во собите преовладуваат јасни линии кои се одлично искомбинирани со топлите бои и дезени. 
Апартманите во хотелот „Мисони“ се синоним за луксуз во 21-от век. Во секој апартман се забележуваат естетската и динамична употреба на бои и елегантниот суптилен дизајн. Сите соби и апартмани имаат поглед кон Персискиот залив. 
Хотелот располага со два ресторани и еден кафе-бар. Ресторанот „Кучина“ нуди автентична италијанска храна, додека ресторанот „Луна“ е резервиран за љубителите на арапска храна. За оние кои уживаат во неодоливата комбинација на кафе и чоколадо, барот „Чоко кафе“ е вистинскиот избор. 
Базенот и спа-центарот се вистински рај за посетителите. Спа-центарот „Шест сетила“ вклучува 11 соби за третмани, 2 амама и 2 спортски сали. 
rnrn
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.