Дали сте човек кој сака да организира, да создава, да комуницира со луѓе или најдобро функционира кога има целосна слобода? Понекогаш начинот на кој размислуваме и реагираме може да открие многу за тоа каква работа би ни одговарала.
Одберете по еден одговор на секое прашање, запишете ги буквите и на крај проверете која буква најмногу ви се повторува.
1. Кога добивате нова задача, прво…
А) Правам план и организирам сè по ред.
Б) Веднаш размислувам за некоја креативна идеја.
В) Размислувам со кого можам да соработувам.
Г) Сакам прво сам/а да истражам и да разберам сè.
2. Кој работен ден ви звучи најинтересно?
А) Ден исполнет со состаноци, задачи и организација.
Б) Ден во кој создавате нешто ново – текст, дизајн, видео или идеја.
В) Ден со многу луѓе, разговори и нови контакти.
Г) Мирен ден во кој можете да се концентрирате на конкретен проблем.
3. Кога имате проблем…
А) Барам практично и брзо решение.
Б) Се обидувам да пристапам на необичен начин.
В) Се консултирам со некого и слушам различни мислења.
Г) Ги анализирам сите детали пред да донесам одлука.
4. Што најмногу ве мотивира?
А) Успехот и постигнувањето цели.
Б) Можноста да бидам креативен/на.
В) Добрата атмосфера и работата со луѓе.
Г) Учењето и решавањето сложени задачи.
5. Кога треба да презентирате нешто пред повеќе луѓе…
А) Добро се подготвувам и преземам контрола.
Б) Сакам презентацијата да биде интересна и поинаква.
В) Уживам во комуникацијата со публиката.
Г) Најважно ми е сите информации да бидат точни.
6. Кое од овие најмногу ве опишува?
А) Организиран/а и амбициозен/на.
Б) Креативен/на и љубопитен/на.
В) Комуникативен/на и отворен/а.
Г) Аналитичен/на и внимателен/на.
7. Ако добиете слободен викенд, што би избрале?
А) Да испланирам некоја активност или патување.
Б) Да снимам, фотографирам, цртам или создадам нешто.
В) Да се дружам со што повеќе луѓе.
Г) Да гледам документарец, читам или истражувам нешто што ме интересира.
РЕЗУЛТАТИ
Најмногу одговори А – Организатор/менаџер
Ви одговараат професии во кои има одговорност, организација и поставување цели. Можете да се пронајдете во менаџмент, претприемништво, проектна координација, администрација или продажба.
Најмногу одговори Б – Креативец
Вашата силна страна е идејата и начинот на кој гледате на работите. Можеби би уживале во маркетинг, дизајн, фотографија, пишување, креирање содржина, мода или други креативни професии.
Најмногу одговори В – Комуникатор
Луѓето и комуникацијата ви се природна средина. Професии поврзани со односи со јавност, продажба, човечки ресурси, настани, медиуми или работа со клиенти може да ви бидат интересни.
Најмногу одговори Г – Аналитичар
Сакате да разбирате како функционираат работите и не носите одлуки без добро да размислите. Може да ви одговараат области како аналитика, финансии, истражување, ИТ, програмирање или работа со податоци.
Ако имате изедначен број одговори…
Тоа може да значи дека имате комбинација од различни интереси и вештини. На пример, ако имате најмногу А и Б, можеби би ви одговарал маркетинг или водење сопствен креативен бизнис – професија во која се потребни и организација и креативност.