Убавиот мирис во домот веднаш создава попријатна атмосфера, а за тоа не мора секогаш да купувате скапи освежувачи. Со само неколку состојки можете сами да направите едноставен освежувач и да ја изберете аромата што најмногу ви одговара.
Потребни ви се:
- 200 мл вода
- 1 лажица сода бикарбона
- 10 до 15 капки етерично масло по избор
Во шише со распрскувач ставете ја водата и содата бикарбона, а потоа додајте го етеричното масло. Добро протресете додека состојките не се соединат.
Можете да изберете лаванда за понежна и релаксирачка арома, лимон или портокал за чувство на свежина, а цимет или ванила за потопол мирис во домот.
Пред секоја употреба повторно протресете го шишето. Распрснете мала количина во просторијата, избегнувајќи директно прскање врз чувствителни ткаенини, мебел и други површини.
Мал трик: Ставете го освежувачот во убаво декоративно шише и може да стане и симпатичен мал подарок направен дома.