Претходно
Што ќе се промени со завршувањето на ретроградната фаза на Марс на 12 јануари?
Марс е во ретроградна фаза од 30 октомври 2022 година до 12 јануари 2023 година, а кога ќе престане неговото ретроградно движење, многу работи можат да се променат. Ретроградниот Марс донесе одложувања, фрустрации и конфузија.
Кога ќе заврши ретроградната фаза на Марс, ќе можеме полесно да ги надминеме пречките на патот до успехот. Ако не сте успеале да започнете проект или јасно да се изразите пред партнерот или пријателот, планетата воин ќе ви покаже како да го направите тоа.
Дознајте како Марс ќе му влијае на секој хороскопски знак почнувајќи од 12 јануари:
Овен
Полека ќе почнат да се решаваат долгогодишните проблеми со кои се соочувавте, конфликтите со членовите на семејството и работите поврзани со финансиите. Сепак, треба да бидете свесни за вашите навики во исхраната и физичкото здравје.
Бик
Со нетрпение очекувате да ги решите прашањата поврзани со имотот; но, бидејќи Марс е и господар на дванаесеттата куќа која ги претставува трошоците и загубите, може да направите одредени трошоци во ова време. Сепак, мора да бидете внимателни за време на договорот. Од друга страна, овој период ќе биде погоден за оние кои бараат сродна душа, но треба да преземат иницијатива за да ја најдат вистинската личност за себе.
Близнаци
Близнаците кои се соочуваат со проблеми во нивниот професионален живот ќе почувствуваат олеснување кога Марс ќе транзитира во Бик. Освен тоа, Марс ќе влијае и врз вашата седма куќа, куќата на партнерствата и бракот. Така, поради вашата доминантна природа, може да дојде до некои непотребни судири кои би можеле да ја попречат вашата комуникација со партнерот.
Рак
Конечно ќе им дојде крајот на проблемите со кои се соочувавте долго време како финансиски проблеми, проблеми и конфликти на работното место, доцнење во напредувањето и зголемување на приходите. Студентите ќе можат подобро да се концентрираат на нивните студии.
Лав
Ќе им ставите крај на проблемите и конфликтите со шефовите, постарите колеги и менторите на вашето работно место и ќе наидете на големи придобивки во професионалниот живот. Животот ќе ви биде исполнет со нови можности.
Девица
Марс ќе ви помогне да ги подобрите односите со постарите членови на семејството, но и со авторитетите на работа. Во сиот тој процес ќе имате поддршка од останатите членови на семејството.
Вага
Во периодот што доаѓа, Марс ќе ви помогне да се ослободите од непријатното чувство на неизвесност, но нема целосно да бидат решени финансиските проблеми. Астролозите ви препорачуваат да бидете внимателни со говорот и изборот на зборови, особено кога работите со авторитети и постари лица.
Скорпија
Директното движење на Марс ќе го ублажи конфликтот во брачниот живот, но тој нема да биде целосно решен. Само вие можете целосно да го решите конфликтот преку вашата самоконтрола. Затоа, посветете дополнително внимание на вашиот брачен живот.
Стрелец
Во следниот период ве очекуваат решенија на одредени проблеми и помирување со одредени луѓе. Сега е важно да научите како да простувате. Од друга страна, избегнувајте ги штетните навики и внимавајте на вашето здравје.
Јарец
Овој период ќе биде одличен да им се посветите на студиите со максимална енергија и концентрација без да чувствувате немир или паника. Периодот ќе биде поволен и за сите оние кои сакаат да ги подобрат своите вештини и да научат нови работи. Освен тоа, директното движење на Марс ќе ви помогне да ги решите конфликтите во семејниот живот.
Водолија
Марс ќе ви помогне да ги решите сите проблеми поврзани со семејството, домот и имотот. Ако, пак, долго време размислувавте да продадете или купите имот, или да го смените возилото, тоа може да го направите сега.
Риби
Сега конечно ќе можете да ги решите проблемите со блиските луѓе, со оглед на тоа дека ќе најдете подобар начин за комуникација и за пренесување на вашите идеи. Во однос на здравјето, вашата издржливост и енергија ќе бидат одлични во овој период. Сепак, обидете се да поминувате повеќе време со најблиските.
Откако прочитавте како ќе ни влијае Марс во следниот период, можеби ќе сакате да прочитате и на кој начин можете најдобро да ја искористите енергијата на полната Месечина.
Извор: atma.hr
