Претходно
Рецепт за вкусни тестенини со сос од сирење и спанаќ
Горгонѕола сирење, павлака, ореви и спанаќ е сè што ви е потребно за брз кремаст сос кој можете да го послужите со тестенини или њоки. Наместо спанаќ можете да додадете блитва или рукола. Прочитајте го во продолжение нашиот рецепт за вкусни тестенини со сос од сирење и спанаќ.
Потребни состојки:
- 250 грама тестенини
- 20 грама путер
- 1 среден кромид
- 200 милилитри павлака
- 100 грама млад спанаќ
- 80 грама горгонѕола сирење
- 30 грама пармезан
- 30 грама ореви
- сол и бибер
Начин на подготовка:
1. Сварете ги тестенините според упатствата на пакувањето. Пред да ги исцедите, префрлете во чаша дел од водата во која се вареле тестенините.
2. Растопете го путерот и пржете го кромидот на средна температура додека не омекне. Додадете ја павлаката и мешајте одвреме-навреме.
3. Во друга тава пропржете ги оревите на тивок оган. Додадете малку од водата од тестенините во тавата со кромидот, додадете го спанаќот и гответе додека не омекне. На крајот додадете го сирењето и измешајте ги убаво состојките за да се соединат.
4. Кога сосот ќе зоврие, додадете го во тестенините, а на крајот додадете ги оревите и пармезанот. Зачинете по желба и веднаш послужете. На здравје!
Откако го прочитавте нашиот денешен рецепт, можеби ќе сакате да го прочитате и рецептот за мусака со тестенини.
Извор: punkufer.dnevnik.hr
