Претходно
Како антиоксидансите да станат дел од вашата рутина за нега на кожата?
Датум: 15 дек 2021
Коментари: 0
Тагови: акни, антиоксиданси, витамин Е, витамин Ц, коензим Q10, нега на кожа, нега на лице, ниацинамид, полифеноли
Можеби веќе ви е познато дека за кожата нормално да функционира ѝ се потребни антиоксиданси кои се борат против слободните радикали. Тие се и моќно средство особено при намалување на појавата на знаците на стареење како тенки линии и брчки. Во продолжение прочитајте за благотворното дејство на антиоксидансите врз секаков тип на кожа.
За отстранување на темните дамки и производство на колаген: Витамин Ц
Ц витаминот е еден од најпопуларните антиоксиданси. Иако овој витамин може да биде многу ефикасен кога станува збор за негување на кожата, сепак неговата најголема функција е да ја осветли кожата и да ги минимизира темните дамки кои се поврзани со фотостареењето, предизвикано од УВ зраците. Витаминот Ц исто така го стабилизира нивото на природниот колаген. Овој антиоксиданс придонесува за помазен и посјаен тен на кожата.
За формирање заштитна бариера на кожата: Коензим Q10
Доколку се справувате со кожни проблеми, можеби коензимот Q10 би ви била најдобрата опција. Овој коензим е состојка која се наоѓа во сите клетки и има силни антиоксиндантни својства: штити од липидна пероксидација или процесот преку кој слободните радикали ги оштетуваат клеточните мембрани при што се ослабнува функцијата на заштитната кожна бариера. Покрај тоа, овој коензим им помага на клетките да останат млади и здрави.
За сува кожа: Витамин Е
Е витаминот е еден од најраспространетите витамини во кожата кој е растворлив во масти и затоа е неопходен за здрава кожа. Го забрзува процесот на заздравување на кожата, а истовремено и ја навлажнува што го прави одлична состојка во сите видови креми и лосиони.
За борба против акните: Ниацинамид
Познат како витамин Б3, ниацинамидот е моќен антиоксиданс кој ја подобрува текстурата на кожата. Овој витамин е особено добар за луѓе со чувствителна кожа благодарение на неговата способност да ја зајакне бариерата на кожата. Содржи и антиинфламаторни својства кои помагаат во борбата против акните но и го смируваат црвенилото што е вообичаено при појава на акни.
За чувствителна кожа: Полифеноли
Овие антиоксиданси се наоѓаат во зеленчукот, зелениот чај како и одредени видови овошје. Покрај тоа што содржат антиоксидантни својства кои се заштита од оксидативниот стрес, тие исто така се карактеризираат и со антиинфламаторни својства кои помагаат да се намалат знаците на чувствителна кожа како црвенило или иритација. Ресвератрол е одличен полифенол кој има антиинфламаторни, антигабични и антибактериски придобивки. Овој полифенол се наоѓа во лушпата на овошје како грозје и бобинки.
Постојат различни начини како да ги вклучите антиоксидантите во вашата секојдневна рутина. Тоа можете да го направите преку исхрана, серуми, креми и лосиони за лице и тело.
Откако прочитавте кои антиоксиданси се поволни за здравјето на вашата кожа, можеби ќе сакате да откриете и дали е безбедно да користите боракс за вашата кожа.
Извор: mindbodygreen.com
