Претходно
Трик со кој ќе ја исчистите рерната подобро отколку со сода бикарбона и оцет
Што и да користите за чистење на рерната, веруваме дека ќе сакате да го испробате и овој метод за кој многумина тврдат дека е поефикасен и од сода бикарбона и оцет. Со овој трик веднаш ќе ги отстраните мрснотиите и нечистотијата од вратата на рерната, од стаклениот дел и од металната рамка на вратата.
Сè што ви треба за овој трик е таблета за миење садови (или две) и сад со топла вода. Користете само таблети во прав, а не гел таблети.
Потопете ја таблетата во водата и држете ја доволно долго за да апсорбира малку вода, но не премногу долго за да не почне да се распаѓа. Потоа едноставно тријте ја од рерната, а сунѓер не ви е потребен. Правете кружни движења за да ги отстраните дамките и мрснотиите.
Ако таблетата почне да се суши, натопете ја повторно. Кога ќе завршите, избришете ги остатоците од таблетата и нечистотијата со влажна крпа.
Таблетите за миење садови ги отстрануваат дури и најтврдокорните дамки и ги оставаат садовите сјајни. Овие моќни состојки дејствуваат и на дамките од мрснотии и печена храна што остануваат во рерната. Покрај тоа, таблетите имаат абразивна површина што ги чисти и најтврдокорните дамки, но се доволно нежни за да не го изгребат стаклото на вратата на рерната.
Погледнете како да ја отстраните досадната прашина што останува откако ќе ја исчистите куќата со метла и ѓубралник.
