Претходно
Феноменален стан на поткровје што ќе ги воодушеви љубителите на индустрискиот стил
Индустрискиот стил на уредување на ентериерот има сè повеќе обожаватели во последниве години и сè поголем број луѓе што ќе одлучат да си го декорираат просторот за живеење во овој интересен, урбан и модерен стил. Добра инспирација за уредување на домот може да биде овој стан на поткровје, што е совршена комбинација на индустриски, винтиџ и модерен стил.
Овој отворен простор освојува на прв поглед, а една од првите работи што паѓаат во очи е импровизираната лежалка во дневната соба, во која ќе можете да уживате по напорниот ден.
„Грубите“ ѕидови од црвени тули и кожената гарнитура би изгледале прилично ладни сами по себе, но со деталите во пастелно тиркизна боја, како теписи, завеси и украсни перници, се создава совршен баланс на поладен индустриски и потопол винтиџ стил.
Просторот е визуелно поголем со преградните ѕидови од стакло и железо, што го прават овој феноменален стан во Варшава уште попривлечен. Секој дел од станот е внимателно украсен, а ќе ве воодушеви и мозаикот на Наполеон на ѕидот од туш-кабината.
Ако сакате да го уредите сопствениот дом во индустриски стил, овој стан може да биде одлична инспирација.
Погледнете го овој волшебен стан во Лондон украсен со најнежните пастелни тонови.
