Претходно
Неколку идеи како да ја истакнете убавината на мимозите
Во многу култури, мимозата ги симболизира жената, слободата, еманципацијата и чувствителноста, а со самото тоа што цвета во ладни и ледени услови, ги покажува силата и еластичноста што ги поседуваат жените.
Гранчињата мимоза полни со нежни жолти цвеќиња може да бидат убава декорација во домот, а нивната убавина ќе се истакне уште повеќе ако ги украсите со други жолти цвеќиња, како што се нежните и моќни нарциси. За да живеат што подолго во вазната и да бидат убави, добро е да ги отстраните оштетените лисја долж стеблото, а потоа да го исплакнете гранчето под млаз вода пред да го ставите во вазна со вода.
При изборот на вазна, панделка или некоја друга декорација за вашите мимози, можеби ќе ви се допадне комбинацијата со тиркизна боја. Покрај тоа што е пријатна за окото, комбинацијата на жолта и тиркизна боја го буди позитивното и потсетува на сончеви, топли денови кои сите со нетрпение ги очекуваме.
Мимозата е позната и по својата интересна карактеристика на собирање и затворање на лисјата кога ѝ пречи нешто од околината. Ќе остане така дваесетина минути, а потоа лисјата повторно ќе почнат да се отвораат. Оваа карактеристика на овој нежен цвет е причината зошто чувствителните луѓе честопати се нарекуваат мимози.
Во продолжение ќе пронајдете идеи како да ја истакнете целата убавина на мимозата.
Прочитајте кои се најголемите грешки што ги правите при одгледувањето кактуси и други сукуленти.
