Претходно
12 знаци на неуреден изглед што ги забележувате кај другите, но не и кај вас самите
Вашата самодоверба може да се подобри ако му додадете неколку детали на вашиот изглед, како што се вашиот омилен кармин или модерна белезица. Но, постојат одредени делови од вашиот изглед што ненамерно ги игнорирате, а може да го направат вашиот труд залуден.
1. Видливи прерамки од градникот
Сега постојат многу модерни градници, но кога станува збор за обичните градници, тие може да бидат несоодветни и да ја уништат вашата комбинација.
Решение: Пробајте различни форми на долна облека и не плашете се од градници без прерамки.
2. Дамки од дезодоранс
Многу често се случува да не ги забележите дамките од дезодоранс кај себе, но тие прават огромна разлика, особено ако носите нешто темно.
Решение: На пазарот има многу дезодоранси што не оставаат дамки, па заменете го обичниот дезодоранс ако има потреба.
3. Премногу долги ракави
Премногу долгите ракави ќе направат да изгледате како дете, плус може да бидат многу непрактични.
Решение: Научете како модерно да ги завратите ракавите. Тоа ќе го подобри вашиот изглед. Друго решение е да најдете добар кројач и да ги скратите ракавите.
4. Пудра што не одговара на вашиот тен
Некои производи што содржат заштитен фактор може да направат да изгледате бело на фотографиите поради нивните заштитни состојки.
Решение: Ако знаете дека ќе бидете фотографирани, одлучете се за хемиски крем за сончање или крем со низок заштитен фактор.
5. Износени додатоци што не се совпаѓаат
Модните додатоци се наменети за да ја комплетираат вашата комбинација и да ве истакнат. За жал, понекогаш тие може да го направат токму спротивното.
Решение: Обрнете внимание на целокупниот изглед на вашите модни додатоци. Избледената боја и старата кожа не изгледаат убаво.
6. Чевли што не одговараат на вашите нозе
Сигурно барем еднаш во животот сте го жртвувале сопствениот комфор за симпатичен пар чевли. За жал, тоа е многу забележливо за луѓето околу вас, а освен тоа, речиси се неподносливи за носење.
Решение: Удобноста е на прво место, тоа е правило, не игнорирајте го. Размислете за тоа како можете да ги носите чевлите во различни временски услови и земете го предвид фактот дали ви отекуваат нозете.
7. Пропуштена јамка за ремен
Ова е мала грешка, но дефинитивно ќе го привлече вниманието.
Решение: Добра идеја е да набавите големо огледало каде што ќе можете да го видите целото телото. На тој начин нема да ги пропуштите овие мали детали.
8. Првут или влакна на облеката
Овде не станува збор само за неуредна облека, туку луѓето може да се посомневаат во вашата хигиена.
Решение: Проверете ја облеката откако ќе ја измиете косата за да ја исчистите од влакната и од првутот. Ролерот за влакна ќе ви помогне во оваа ситуација.
9. Дамки од пудра
Може да биде навистина вознемирувачки да нанесете шминка, па да облечете убава блуза и целосно да ги уништите и двете. Многу е лесно да не ги забележите дамките од пудра кога брзате, но дефинитивно привлекуваат несакано внимание.
Решение: Инвестирајте во добар фиксатор за шминка. Друго решение е да ја покриете главата со парче ткаенина и потоа да ја облечете блузата. Исто така, не треба да нанесувате пудра под вратот.
10. Несредени стапала
Колку често гледате во сопствените стапала? Несредените стапала може да го уништат вашиот изглед ако носите сандали.
Решение: Правете пилинг на стапалата на секои 2 дена и нанесувајте крем секоја вечер пред спиење.
11. Носење ластик за коса како белезица
Ластикот за коса што го носите на вашата рака може да изгледа малку невкусно, па подобро е да ја прескокнете оваа навика.
Решение: Чувајте го ластикот за коса во чантата за да бидете сигурни дека е секогаш тука кога ќе ви затреба.
12. Валкани уши
Не станува збор само за ушните канали, туку и за целото уво. Некои луѓе го прескокнуваат миењето на надворешното уво, но таму се собира исто толку нечистотија колку и во вашите ушни канали.
Решение: Мијте го надворешното уво секојпат кога се туширате или ја миете косата.
Погледнете кои 5 бои кои ја прават зимската гардероба да изгледа многу поскапо.
