Претходно
Како да ја зајакнете самоконтролата и да најдете волја за работа?
Во „магичната формула“ за постигнување животни цели, една од состојките е дефинитивно волјата. Но, иако волјата не е доволна за постигнување на посакуваните резултати, таа сепак е на врвот на скалата кога станува збор за алатките за остварување на соништата.
Покрај волјата, важно е да ги препознаете потребата за промена и можните пречки и да направите план, да го следите напредокот, да работите на промените и да се справите со можните пречки. Значи, волјата е многу важна во животните промени, но таа не е единствениот фактор. Сепак, волјата е еден од најголемите проблеми со кои се соочуваат луѓето на патот кон (само)реализација. Добрата вест е дека волјата е нешто што може да се научи и да се практикува.
Што е волјата?
Луѓето најчесто ја споредуваат или ја изедначуваат волјата со самоконтролата. Но, што е всушност волјата?
- Волјата подразбира спротивставување на хедонистичките пориви со цел да можете да се фокусирате на нешто чии резултати ќе ги почувствувате подоцна и на долг рок.
- Волјата подразбира долгорочен труд и вложување емоционална и когнитивна сила во процесот што води кон целта.
- Волјата подразбира спротивставување и борба против искушението со различни методи на самоконтрола.
Различни истражувања покажаа дека самодисциплината игра поголема улога од интелигенцијата во постигнувањето на целите и во академскиот успех. Едно истражување во кое учествувале деца, кои можеле да изберат помеѓу еден десерт што ќе го добијат веднаш или два десерта што треба да ги почекаат некое време, покажа дека децата кои решиле да се контролираат и да чекаат имале подобри оценки и резултати на училиште. Друго истражување покажа дека студентите кои имаат поголема самоконтрола, и покрај тоа што имаат понизок коефициент на интелигенција од оние кои имаат проблем со самоконтролата, полесно положуваат испити, имаат подобри оценки и поголема редовност на предавањата.
Што можете да направите за да ја зголемите вашата волја за работа?
За среќа, силата на волјата е способност што може да се научи и да се практикува. Истражувањата покажаа дека следните три работи се најважни при стекнување волја.
Користете ја, но не претерувајте
Истражувањата во кои биле вклучени луѓе кои морале да се воздржат од три активности покажале дека оние лица кои нерамномерно ја дистрибуирале моќта на самоконтролата, ги покажале најлошите резултати на глобално ниво. Заклучокот на ова истражување е дека волјата треба да се користи мудро. На пример, ако треба да правите пет задачи на ден, не вложувајте го целиот свој труд во првата, туку направете распоред земајќи го предвид фактот дека за некои задачи ви треба помалку, а за некои повеќе напор. Не користете ги сите сили на една задача, а потоа да ги оставите другите недовршени.
Одвлечете си го внимание
Она што најчесто ја „одзема“ вашата волја се разните искушенија. Но, во моментот на искушението, одвлечете си го вниманието со нешто друго. Без разлика дали станува збор за искушение поврзано со храна, пијалак, трошење пари или излегување – оттргнете ги мислите од тоа искушение и фокусирајте се на нешто друго. Истражувањата покажаа дека обичното покривање на очите со рацете, кај децата на кои им е дадена задача да се воздржат од слатки за да добијат поголема награда, е ефикасно и води кон целта.
Работете на волјата како да градите мускули
Многу експерти советуваат да ја гледате волјата како мускул кој ќе зајакне со труд и работа. Бидете упорни и не предавајте се. Истражувањата покажаа дека учесниците кои се придржувале кон редовно вежбање во период од два месеци покажале напредок во многу други области од животот. Тие ги намалиле пиењето алкохол и пушење цигари, се хранеле поздраво и покажале повисоко ниво на самоконтрола од оние учесници кои не вежбале редовно.
Заклучокот од овие истражувања е дека навистина можете да ја изградите волјата и дека редовната работа, без разлика дали станува збор за вежбање, водење дневник, учење или некој друг начин на одржување самодисциплина, води кон поуреден живот. Затоа, не предавајте се, распоредете ја силата рамномерно и во моментот на искушение пронајдете нешто што ќе ви го одвлече внимание и ќе ве врати на вистинскиот пат.
Прочитајте како да ја претворите зависта во мотивација.
