Претходно
Рецепт за торта од палачинки и пире од костени
Дали сакате палачинки и костени? Тогаш сега е вистинското време да ги комбинирате овие два омилени десерти во вкусна торта.
Бидејќи сезоната на костенот е во полн ек, направете пире од костени, а покрај тоа, ќе ви требаат и уште неколку палачинки за подготовка на одличен есенски десерт.
Потребни состојки:
- 8 до 10 подебели палачинки
- 400 г пире од костени
- 200 милилитри слатка павлака
- сок од 2 средни портокали (околу 150 милилитри)
Начин на подготовка:
- Направете ги палачинките според рецепт кој веќе сте го испробале.
- Миксирајте ја слатката павлака додека не добиете цврст шлаг. Ставете го во фрижидер. Истурете го сокот од портокал во пирето од костени и мешајте додека не се соедини. Доколку е потребно, додадете малку повеќе сок или одземете ако сметате дека смесата е премногу водена. Потоа лесно промешајте со шлагот.
- Ставете една палачинка на чинијата на која ќе ја сервирате тортата и премачкајте ја со подебел слој од кремот. Потоа ставете друга палачинка врз неа и направете го истото.
СОВЕТ:
Ако не сакате портокали, можете да го замените сокот со млеко. На крајот можете да изрендате малку црно чоколадо или да украсите по избор.
Можеби ќе сакате да го пробате и најдобриот рецепт за пире од костени.
