Претходно
10 суптилни знаци дека сте остареле
Го знаете чувството на немир кога нема да излезете во сабота навечер? Кога ќе остарете, тоа чувство исчезнува и можете да го поминете викендот дома во мир. Тоа е само еден од јасните знаци дека сте остареле. Прочитајте кои знаци ви откриваат дека сте станале зрела, одговорна личност.
1. Не ви е жал кога во сабота навечер останувате дома
Сфаќате дека нема да пропуштите ништо ако останете дома за време на викендот. Се разбира, излегувањето повремено е дефинитивно добредојдено, но ако пријателите го откажат излегувањето, нема да бидете вознемирени.
2. Не ги трошите парите веднаш
Сфаќате дека вашата плата треба да трае цел месец, научивте да ја цените вредноста на парите и нормално е повеќе да ги цените парите што ги заработувате од оние што ви ги давале вашите родители.
3. Не барате внимание
Сфаќате дека луѓето што не ви обрнуваат внимание не го заслужуваат вашето време. Се чувствувате добро и кога сте сами.
4. Се грижите за своето тело
Конечно го сфативте она што другите ви го кажуваа додека растевте: не секогаш ќе можете да јадете што сакате и да не се здебелите. Но, не се грижите за себе само заради вашиот физички изглед, туку првенствено заради вашето здравје. Научивте дека она што го јадете влијае на вашето здравје и дека вежбањето и физичката активност се најважниот дел од животот.
5. Не се вознемирувате ако не им се допаѓате на некои личности
Знаете да ги препознаете луѓето кои не го заслужуваат вашето време и кои ве искористуваат. Имате неколку пријатели кои ве познаваат и нема потреба да се опкружувате со површни луѓе полни со предрасуди.
6. Имате одговор кога луѓето ве прашуваат што сакате да правите и што ве прави среќни
Во ред е ако ваквите прашања сè уште ви одат на нерви и ако малку преовеличувате кога одговарате (на пример, велите дека сакате да вежбате, а одите на јога двапати месечно). Тоа значи дека сте пронашле начин да дадете зрел одговор на прашањето што не сакате да го слушнете, но е неизбежно.
7. Станувате рано за да стигнете да се средите и да изгледате добро
Порано, доволно беше да станете од кревет 30 минути пред да излезете, да ги облечете најудобните панталони, да направите неуредна пунџа и тоа е тоа. Сега станувате порано за да изгледате пристојно и да стигнете на работа навреме.
8. Не чувствувате потреба постојано да се жалите на секој што сака да ве слуша
Колку сте постари, толку повеќе сфаќате дека проблемите се неизбежни. Исто така, сега знаете дека не сте единствената личност што има проблеми и научивте да не ги оптоварувате другите со нив. Најдобрите луѓе се оние кои најмалку се жалат, кои знаат да се справат со својот товар и кои знаат да ги остават проблемите настрана и да се занимаваат со она што ги прави среќни.
9. Сфаќате дека некои работи едноставно не можете да ги контролирате и дека тоа е во ред
Се помиривте со фактот дека животот ќе ве фрли во ситуации со кои нема да знаете како да се справите. Ќе правите грешки и одвреме-навреме ќе доживеете неуспех, но на крајот ќе си дојдете на себе и ќе продолжите понатаму. Грешките ги сфаќате исклучиво како нешто од кое учите и по кое станувате уште посилни.
10. Знаете колку чинат сметките за вода и за електрична енергија
Доаѓа и тој момент кога едноставно треба да знаете колкави се трошоците за живот. Дури и ако сè уште живеете во домот на родителите, ве интересира колкави се сметките и трошоците за храна и други потреби затоа што и вие придонесувате во семејниот буџет.
Прочитајте ги и овие 33 јасни знаци дека сте остареле.
