Претходно
6 едноставни трикови како да се справите со арогантните луѓе
Ароганцијата е особина според која некој е непријатно горд и се однесува како да е поважен и како да знае повеќе од другите. Сите познаваат по некој таков, но постои „лек“ и за таквите луѓе.
1. Бидете сочувствителни, но не обидувајте се да ја смените личноста
Потребата за супериорност е длабоко вкоренета кај луѓето и потекнува од ниската самодоверба, од желбата за пофалби и од недостатокот на емпатија кон оние што се помалку успешни. Ако наидете на арогантна личност која има потреба да ја покаже својата супериорност кон сите, внимавајте каде е коренот на таквото однесување и пронајдете место во вашето срце за сочувство затоа што можно е на тој начин да го спречите арогантното однесување.
2. Прифатете го фактот дека некои луѓе навистина се чувствуваат супериорно
Тоа што вие ќе го направите не е причината зошто некој е арогантен. Најважно е да разберете дека прифаќањето на чувството на супериорност кај другата личност не значи дека вие мора да се чувствувате инфериорно. Гледајте на тоа како игра што можете да одбиете да ја играте.
3. Комуницирајте директно
Понекогаш е препорачливо да ѝ кажете на другата личност каков впечаток остава. Добро е да ја потсетите арогантната личност дека никој не знае сè и дека никој не може да ја тврди апсолутната вистина. Не мора да се воздржувате и користете реченици како: „Простете ми што ве прекинав, но …“ или „Можеби не сакавте да звучите арогантно / да ги повредите моите чувства / да оставите впечаток дека сте 100 проценти во право, но…“.
4. Користете посредник
Понекогаш, директната комуникација може да има негативни последици, што може да бара од вас да вклучите трета личност за да ја смирите ситуацијата. Без одмазда, залагајте се за себе со поддршката на некој друг. Побарајте помош ако ви треба. Понекогаш можеби ќе треба да најдете сојузници и да застанете заедно против арогантната личност.
5. Поставете граници и намалете ги штетите
Не можете секогаш да изберете со кого ќе работите и со кого ќе се соочите, но можете да поставите граници. Пред да се сретнете со арогантна личност, одлучете колку време ќе поминете заедно и за кои теми ќе разговарате или за кои нема да разговарате. Ако не успеете да ја задржите оддалеченоста и покрај веќе воспоставениот план, можеби е време да размислите да ја отстраните таквата личност од вашиот живот. Никој не смее да молчи и да толерира злоупотреба, без разлика дали станува збор за личниот или за професионалниот живот.
6. Бидете внимателни
Што и да одлучите да сторите, сторете го тоа намерно, размислено и со колку што е можно повеќе љубов. Арогантните луѓе ги предизвикуваат другите да ја загубат контролата врз себе и да станат најлошата верзија од себе. Набљудувајте ги вашите реакции и секогаш останете верни на самите себеси.
Прочитајте кои се најарогантните хороскопски знаци.
