Претходно
Хималаите се видливи за првпат по 30 години и уште 14 настани што се случуваат многу ретко
Понекогаш природата ви нуди посебни ефекти, а кога тоа ќе се случи, треба да знаете дека имате среќа бидејќи мора да се создадат голем број услови за да се појават одредени ретки појави. Овие појави може да ве натераат да се запрашате дали живеете на друга планета или во заплетот на некоја бајка.
1. Кометата Хејл-Боп беше забележана над Стоунхенџ
Кометата Хејл-Боп го обиколи сонцето во 1997 година и стана една од најсветлите комети во историјата. Тоа беше долготраен подарок што минуваше низ небото бидејќи можеше да се види со голо око повеќе од 18 месеци (тоа е рекорд).
2. Круг што се отвора на небото
Замислете дека е ладно и хоризонтот е полн со густи облаци. Одеднаш, гледате голема дупка низ која можете да го видите небото. Ова не е најава за пристигнување на НЛО, туку појава што настанува кога голем број ситни кристали на мраз се пробиваат во слојот на облаците предизвикувајќи испарување на капките. Сето тоа е физика, но изгледа магично.
3. Лак од магла што личи на албино виножито
Кога ќе го видите ова виножито, можеби ќе помислите дека сте ја изгубиле способноста да разликувате бои. Останете смирени и уживајте, лакот од магла е како брат на виножитото. Наместо да се прави од капки вода, тој е составен од ситни честички магла. Бидејќи се помали, тие ја рефлектираат само белата боја која создава мистериозна слика.
4. Лава на плажа на Хаваи
Во мај 2018 година, вулканот Килауеа на Хаваите експлозивно еруптира. Почна да фрла пепел во воздухот и густа лава што стигна до Тихиот Океан. Исто така, го уништи најголемото природно слатководно езеро на Хаваите.
5. Кометата „Вест“ во близина на Сонцето во 1976 година
Кометата „Вест“ беше опишана како една од најсветлите комети што треба да помине низ внатрешноста на Сончевиот систем во 1976 година. Нејзиното јадро беше поделено на 4 фрагменти овозможувајќи спектакуларна слика на нејзината долга опашка. Во тоа време, тоа беше едно од ретките распаѓања на кометите што можеше да биде забележано.
6. Пирокластичен проток што создава вулканска молња
Кога вулканот еруптира, исфрла пирокластичен проток, топол гас и пепел. Понекогаш, јачината со која ги фрла овие елементи, во комбинација со екстремно високите температури создава зачудувачка светлина.
7. Водопад виножито во Националниот парк „Јосемит“
Ова е зачудувачки пример за ситуација кога сончевата светлина се одразува на капките вода под специфични околности.
8. Замрзнати бранови беа забележани на брегот на Хрватска
Во 2012 година, кога температурите беа под нулата, морскиот брег на Сењ, Хрватска беше покриен со цврсти слоеви мраз што личеа на шлаг.
9. Пустина која се враќа во живот
Цутењето во Калифорнија обично се случува еднаш на секои 10 години. Потребни се совршени временски услови: дожд, топло време и слаб ветер. Пустината се претвора во разнобоен пејзаж затоа што илјадници диви цвеќиња цветаат приближно во исто време.
10. Сончеви столбови над морскиот мраз на Чукотското Море
Одразот на светлината на ситните кристали на мразот може да создаде сончеви столбови. Ако светлината доаѓа од зајдисонце, оваа глетка е уште поубава.
11. „Супер сина крвава месечина“ зад храмот „Партенон“ во 2018 година
Целосните лунарни затемнувања на супер месечините се релативно ретки. Во 21 век, постојат вкупно 87 лунарни затемнувања, од кои само 28 се на супер месечината.
12. Иридесцентни облаци
Ако видите дека на небото лебдат огромни меури од сапун, не значи дека халуцинирате, туку дека сте сведоци на необични облаци. Овој ефект се појавува кога капките вода ја прекршуваат сончевата светлина.
13. Хималаите се појавија за првпат по 30 години
Во април 2020 година, драстичното намалување на нивото на загадување на воздухот го врати погледот кон раскошниот планински венец Дауладхар. Овој планински венец е дел од Хималаите што сега можат да се забележат дури и од Јаландхар, оддалечен 230 километри.
14. Снежни врнежи во пролет во Токио
Снегот во Токио не е нешто невообичаено, но она што е навистина изненадувачко е што се случи во април додека цветаа црешите. Ова беше првиот пролетен снег по 32 години.
15. Одраз на полноќното зајдисонце на водопад во Исланд
За време на летните месеци на Исланд, сонцето останува видливо на полноќ по локално време, а можете да бидете сведок и на зајдисонце во 01:30 часот по полноќ.
Прочитајте ги научните објаснувања за 10-те најчести натприродни појави.
