Претходно
Домашни лекови од цитруси за чисто лице, прекрасна коса и заштита од кашлица
Цитрусите содржат неверојатно високо количество на здрави материи што ја разбиваат монотонијата на едноличната зимска исхрана и ни овозможуваат полесно да ги совладаме предизвиците на ладните денови со цел да ги зачуваме здравјето и расположението. Во продолжение следуваат неколку рецепти што едноставно морате да ги пробате. Верувајте ни, ќе бидете воодушевени од ефектот.
1. Прочистувачка маска од портокали
Потребни состојки:
- Свежо исцеден сок од половина портокал
- Неколку лажички интегрално брашно
Начин на подготовка и употреба:
Почнете да додавате брашно во сокот, притоа мешајќи. Застанете кога ќе добиете густа смеса што веќе не може да се меша. Нанесете ја на чисто лице и оставете ја делува околу 20 минути, па темелно измијте со топла вода.
2. Бања од лимони и сурутка
Потребни состојки:
- 5 лимона
- 8 капки лимоново масло
- 2 литра сурутка
Начин на подготовка и употреба:
Исцедете го лимонот, па заедно со лимоновото масло измешајте го во сурутката. Наполнете ја кадата со топла вода, околу 34-36 степени Целзиусови, и сипете ја смесата внатре. Потопете се околу 15-20 минути и потоа само исплакнете се.
3. Пакување за сјајна коса
Потребни состојки:
- Свежо исцеден сок од 1 лимон
- 2 лажички маслиново масло
- 500 милилитри вода
Начин на подготовка и употреба:
Измешајте го лимоновиот сок со водата, а потоа додајте го и маслиновото масло. Загрејте ја мешавината на телесна температура, па измасирајте ја косата со него. Замотајте ја со пешкир и оставете да делува околу 30-45 минути, а потоа измијте ја.
4. Прашок за заби со портокал и ментол
Потребни состојки:
- 40 грама кора од портокал
- 30 грама суви листови од нане
- 10 грама морска солта
Начин на подготовка и употреба:
Измијте ја и изрендајте ја кората од портокал и оставете ја преку ноќ да се исуши. Следниот ден со прсти изронете ги листовите нане, па помешајте ги со кората од портокалот и солта. Ставете ја мешавината во тегла што добро се затвора. Кога ќе ги миете забите, ставете малку прашок на влажна четка. Таа делува антибактериски, дезинфицира и го освежува здивот.
5. Мешавина против кашлица од лимонови лисја и мајчина душичка
Потребни состојки:
- 20 грама мајчина душичка
- 30 грама лимонови лисја
- 1 литар вода
Начин на подготовка и употреба:
Загрејте ја водата до вриење, и потоа прелијте ги билките со неа, па оставете да отстојат додека водата не стане млака и исцедете. Пијте по три пати во текот на денот.
