Претходно
16 зачудувачки факти за Јапонија, кои ќе ги восхитат оние коишто никогаш не ја посетиле
Начинот на којшто се живее животот во Јапонија, е дефинитивно многу различен од животот во Европа или САД. Фактите коишто ќе ги прочитате во продолжение, дефинитивно ќе ве изненадат и ќе ви ги потенцираат тие необични разлики.
1. Јапонците имаат паметни тоалети, коишто можат да ви направат анализа на крвниот притисок, урината, мастите, протеините и телесната тежина, со само едно седнување
Во Јапонија, непотребните посети на доктор, веќе се дел од минатото. Згора на тоа, со овие тоалети можете да ја следите состојбата на вашето здравје и да преземете нешто, кога тоа е навистина неопходно.
2. Јапонците имаат импресивна мода!
Доколку се прошетате околу областа Акихабара, ќе се почувствувате како да сте „слетале“ на некоја друга планета. Луѓето шетаат облечени како да се дел од некој футуристички, ретро и научно-фантастичен филм. Без разлика дали преферирате да се облекувате панкерски или како слугинки, тука е буквално сè прифатливо како мода.
3. Немојте да купувате овошје во Јапонија, освен ако не сакате да платите цело богатство!
Оваа коцкеста лубеница, чини неверојатни 212 долари. Тоа чини многу, дури и да станува збор за највкусната лубеница во светот.
4. Јапонците разменуваат пари со огромна почит
Трговците во Јапонија, ги користат двете раце кога ви враќаат кусур или пак ќе ви го подадат уредно, на послужавник.
5. Удобноста е од особено значење во Јапонија
Дури и во киносалите во Јапонија, удобноста на посетителите е на врвно ниво. Во градот Токоразава, неодамна се отворило кино, во коешто ќе се почувствувате како да гледате филм во домашна атмосфера, благодарение на масите „kotatsu“, под коишто има греајчи, коишто ќе ве топлат во студените денови.
6. Многу сопственици на дуќани во Јапонија, прикажуваат две цени за еден ист продукт
За разлика од останатите држави во светот, каде што цените прикажани на продуктите се со вклучен данок, Јапонците сметаат дека двете цени треба да бидат поединечно истакнати.
7. Кога работниците во Јапонија штрајкуваат, останатиот народ има придобивки од тоа
Шоферите на автобусите во јапонскиот град Окајама, неодамна протестирале. Но, наместо да не работат ништо, тие решиле да си продолжат регуларно со работа, но да не им наплаќаат пари на патниците за билети. На овој начин, тие ја принудиле автобуската компанија да ги покрие трошоците, а не народот.
8. Гужвата во железничките станици во Јапонија изгледа поинаку
Наместо луѓето да трчаат и да се буткаат едни со други, каков што е случајот со повеќето железнички станици ширум светот, патниците во Јапонија се подредуваат во совршени и културни редици. Сигурно е убаво чувството да не сте изгазени, додека си го чекате вашиот воз!
9. Јапонците се многу сериозни кога станува збор за храната
Што и да нарачате во ресторан во Јапонија, ќе изгледа буквално исто како што сте го виделе на менито.
10. Улиците во градовите изгледаат совршено убаво и чисто
Навистина е права реткост, да видите фрлено хартивче или какво било ѓубре, низ улиците во Јапонија. Овој народ е воспитан, да ја почитува средината и да не го остава своето ѓубре зад себе.
11. Кога се расипал еден ескалатор во трговски центар во Сапоро, Јапонија, проблемот бил веднаш адресиран
Пред ескалаторот била поставена ограда, а дури и работник стоел пред него цел ден, само за да ги предупреди посетителите дека тој не функционира во моментов.
12. Чадорите за една употреба, се многу популарни во Јапонија
Поради екстремните временски услови, чадорите на Јапонците многу често се кршат. Поради ова, луѓето честопати купуваат евтини чадори, за една употреба, за да не фрлаат пречесто многу пари.
13. Услужувањето на клиентите во јапонските хотели, е на многу напредно ниво
Хотелот со 5 ѕвездички Хен-на, во префектурата Нагасаки, решил да направи нешто поинакво за своите клиенти. Така, јапонските гости, наместо на рецепција да се поздравени од човечко суштество, нив ги пречекува хуманоиден робот. Од друга страна, гостите коишто разбираат само Англиски јазик, се пречекувани од страна на роботски диносаурус.
14. Конкурентите во Јапонија, знаат да си дадат меѓусебна поддршка во тешки времиња
Кога на ресортот Кусатсу, бизнисот му одел многу лошо поради земјотрес, јапонскиот термален ресорт Бепу, спровел кампања, со којашто го поддржал својот конкурент. Тие ставиле знак, на којшто пишувало: „Наместо во Бепу, сега треба да одите во Кусатсу“. Од Бепу велат, дека тие ќе продолжат да си конкурираат меѓу себе, откако Кусатсу ќе застане повторно на нозе, но до тогаш ќе се борат со заеднички сили.
15. Јапонците ги обожуваат лајтшоуата
Забавниот парк „Huis Ten Bosch“ во Нагасаки, е едно од многуте места во Јапонија, коишто прават спектакуларно лајтшоу во зимскиот период. Таму има милиони светилки во разни бои, па дури и неонски брод, со којшто луѓето може да отидат на тура.
16. Со расцветувањето на црешовите дрвја, пролетта во Јапонија дефинитивно е сезона којашто остава без здив
Зависно од климатските услови, црешовите дрвја во Токио и Кјото, започнуваат да цветаат некаде во периодот меѓу март и април. Ова се совпаѓа со популарната празнична недела во Јапонија, т.н. „Golden week“.
Може да ве интересираат и овие 17 луди работи што се сосема нормални во Јапонија.
