Претходно
Дознајте која песна од 2017 година најдобро го опишува вашиот хороскопски знак
Која е вашата омилена песна од 2017 година? Дали некогаш сте помислиле дека некоја песна ви се допаднала поради тоа што одговара на вашиот карактер? Доколку верувате во астрологија, сигурно се согласувате дека вашиот карактер во голема мера зависи од вашиот хороскопски знак.
Па, според ова, лесно може да се одреди која песна од 2017 година најдобро ве опишува според вашиот хороскопски знак. Подготвени сте да дознаете? Продолжете со читање…
ОВЕН
„Bodak Yellow“ — Cardi B
Во оваа песна се работи за преземање акција, заработување пари и брзо темпо на живот, а тоа одлично ги опишува Овните. Припадниците на овој знак сакаат да му покажат на светот дека можат да добијат сѐ што ќе посакаат благодарение на нивната огромна самодоверба и напорна работа.
БИК
„Redbone“ — Childish Gambino
Биковите се уникатни исто како и оваа песна. Тие не се плашат да го изразат своето мислење и да прават што сакаат, дури и да не им се допаѓа тоа на другите. Ритамот е сензуален и заводлив, што совршено ги опишува Биковите. Припадниците на овој знак сакаат да остават силен впечаток на сите луѓе што ќе ги запознаат и да останат во нивно сеќавање, а оваа песна дефинитивно нема да ви излезе од глава откако ќе ја слушнете еднаш.
БЛИЗНАЦИ
„Young Dumb & Broke“ — Khalid
Близнаците знаат колку е тешко да се биде возрасен и токму затоа оваа песна е совршената химна за нив. Тие само сакаат да се забавуваат, подоцна ќе се погрижат за нивните обврски. Близнаците обожуваат да се дружат со пријателите, да уживаат во животот и да не се грижат за ништо на светот. Оваа песна ќе ги потсети Близнаците дека сѐ уште се млади и дека имаат време да прават глупости, бидејќи кога ќе остарат, тоа ќе бидат нивните најдрагоцени сеќавања.
РАК
„Feels“ — Calvin Harris
Оваа песна совршено ги опишува Раковите, бидејќи е љубовна, но има добар ритам и интересен текст. Станува збор за лесна песна што ќе ве натера да станете и да танцувате. Токму затоа, оваа химна одговара на сите ситуации во животот на Раковите. Без разлика дали се подготвуваат за излегување, се возат во автомобил или се излежуваат по дома, припадниците на овој знак секогаш ќе уживаат во оваа песна.
ЛАВ
„Rockstar“ — Post Malone
Оваа песна ги отсликува соништата на Лавовите. Таа ќе ги потсети дека ако работат напорно, ќе можат да живеат како вистински рок ѕвезди. Лавовите знаат дека ако сакаат да бидат познати, ќе мора да вложат многу труд. Припадниците на овој знак го обожуваат луксузниот живот на богатите и славните и посакуваат и тие да имаат таква иднина.
ДЕВИЦА
„Green Light“— Lorde
Девиците не се плашат да го кажуваат тоа што го мислат, исто како и Лорд. Во оваа песна се работи за личниот развој и учењето, животот и љубовта, а тоа се најважните нешта за Девицата. Припадниците на овој знак секогаш пробуваат нови работи и знаат да ги ценат и добрите и лошите искуства, бидејќи тие им помагаат да созреат и да напредуваат.
Продолжете на следната страница за останатите песни…
