Во Хрватска е направен голем тест на пелени и откриено е кои најдобро впиваат

Хрватскиот портал 24 sata.hr објави вест за тестирање на пелени кои се наоѓаат на нивниот пазар, па Ви ги претставуваме резултатите од истражувањето.rnrnrnrnНа хрватскиот пазар се продаваат десетина видови пелени за еднократна употреба по цена од 30 до 100 куни по пакување (од 249 до 830 денари), зависно од бројот на парчиња во пакувањето, а хрватската издавачка куќа „24 sata“ спроведе интересен тест, за од прва рака да утврди кои од пелените се најсигурни.rnrnСо тестот се опфатени 10 трговски марки на пелени, од кои најголем број се произведуваат во Европската унија.rnrnВо конкуренција на адутите од светските произведувачи и дистрибутери, како што се Pampers, Interspar, Muller, dm, Kaufland, Lidl, Baby Love и други, најдобри резултати на тестот покажале пелените произведени во Херцеговина!rnrnИмено, пелените на Violeta покажале поголема способност на апсорбирање течности од сите тестирани пелени и биле единствени кои и по седум децилитри впиена течност биле суви на допир, а течноста не излегувала од внатрешноста дури ни на притисок.rnrnРезултатите од овој неофицијален тест уште еднаш потврдуваат дека компанијата, со седиште во Груде, има квалитет потребен за освојување на европските и светските пазари.rnrnДа потсетиме, според извештајот на Euromonitor, минатата година Violeta го престигна дотогашниот лидер на пазарот на пелени во БиХ, светскиот гигант Procter & Gamble, освојувајќи 49 проценти од пазарот во однос на 38 проценти кои ги држел главниот конкурент.rnrnВо април, со договорот со Spar, влезе на австрискиот пазар и така стана првиот бренд од овие подрачја во непрехрамбената категорија на австрискиот пазар.