Претходно
„Best in Test“ сертификат за квалитет за мобилната мрежа на Македонски Телеком
Македонски Телеком обезбедува најдобри резултати за мобилни податочни услуги и најдобри резултати за говорни услуги меѓу мрежите во Македонија, потврди тестирањето на компанијата P3 Communications, која на Македонски Телеком му додели P3 „Best in Test“ сертификат, што претставува меѓународно признат доказ за квалитетoт на мобилната мрежа.
P3 Communications го спроведе тестирањето во периодот од 28 мај до 8 јуни годинава. Во текот на тестирањето, мрежата на Македонски Телеком постигна 740 од можни 1000 бодови, многу повеќе од директната конкуренција.
Независното истражување потврди дека мобилната мрежа на Македонски Телеком ги има најдобрите резултати преку симулирање на корисничко искуство. Севкупното тестирање покажа дека во Македонија мрежата на Македонски Телеком има највисок рејтинг за податочни услуги, односно за преземање (download) и поставување (upload) на содржини, како и највисока оценка за говорни услуги.
Македoнски Телеком неколку години по ред го добива престижното признание од P3 Communications, што претставува резултат на заложбата на компанијата преку модернизација и постојани инвестиции во најновите технологии да обезбеди најдобро корисничко искуство, овозможувајќи им иновативни, софистицирани и персонализирани услуги на граѓаните, согласно нивните потреби и можности.
Компанијата „P3 Communications“ е водечка компанија за услуги за консалтинг, инженеринг и тестирање во телеком индустријата. Една од главните дејности на компанијата е вршење компаративни мерења на квалитетот на мобилните мрежи, кои ги спроведува во над 50 земји низ целиот свет. P3 сертификатот е широко прифатен како независен и репрезентативен резултат од тестирањето на мобилните мрежи, бидејќи се базира на реална споредба на конкурентите на одреден пазар.
