Претходно
Направи сам: Уметност од ролни од тоалетна хартија
За некој тие се само парче ѓубре, додека пак за други претставуваат инспирација за корисни предмети во домаќинството – зборуваме за ролни од тоалетна хартија! Не мора да бидете уметник за да создадете нешто убаво од ова парче хартија, а овде ќе најдете неколку кул предлози.
1. Ѕидна декорација
Ова е навистина едноставен начин да го украсите вашиот ѕид, а не бара некоја посебна вештина при изработката. Неколку ролни и малку лепак – тоа е сè.
2. Пеперутки како украс
Малку украсна хартија, ножици и лепак за хартија, па можете да уживате во овој прекрасен украс или играчка.
3. Организирање на вашите кабли
Прекрасна идеја, зар не?
4. Саксии за садници
Не спаѓа во доменот на креативни изработки, но е секако креативно решение за одгледување градинарски садници.
5. Држач за салфети
Ролните можете да ги обложите со платно и да ги украсите по своја желба. Ваквите држачи за салфети ќе го привлечат вниманието на вашата трпеза.
6. Торбичка за подарок
Вакви торбички за подарок се идеални за која било специјална прилика. Едноставно е: облепете украсна хартија на ролните или нацртајте нешто по своја желба, завијте ги краевите, ставете го подарокот и залепете. Украсете по желба со машнички, бисери и сл.
