Претходно
Погледнете ја оваа мегајахта која ќе чини повеќе од милијарда долари
Италијанскиот производител на бродови и јахти „Italian Sea Group“ на својот сајт ги претстави фотографиите од моделот „Адмирал Екс-Форс 145“ (Admiral X-Force 145), јахта од 145 метри која ќе биде толку луксузна што се проценува дека ќе чини повеќе од милијарда долари.
Сепак, точната информација за цената ќе ја добијат исклучиво сериозните купувачи, но тоа што е дефинитивно потврдено е дека јахтата ќе има внатрешни и надворешни базени, две кино сали, два хелидроми, неколку гаражи и теретани, како и раскошно средени ентериери со кристални лустери и мермерни подови.
Дали оваа јахта ќе биде најскапа во светот зависи од првиот примерок на X-Force 145 кој ќе биде готов до пролетта, 2018 година, бидејќи тогаш би требало да заплови во водите и неговата цена да се зголеми.
Имено, фирмата „4Yacht“ исто така гради „чудовиште“, 222 метри долга јахта која го носи името „Трипл Дјус“ (Triple Deuce) и ќе чини повеќе од милијарда долари. Сепак, информациите за нарачателот на оваа јахта се непознати, но тој за нејзиното годишно одржување ќе треба да одвојува по 20-30 милиони долари.
Откако ќе ја погледнете галеријата, сигурно ќе посакате да запловите во оваа луксузна јахта. Но, да бидеме реални, кој не би сакал?
🙂