Секој збор си има свое значење, но реалноста честопати покажува дека имаат и некое друго кое е поверодостојно од она што е запишано во лексиконите. Овие неколку зборови се пример за тоа.
Ракоплескање – Кога сам си правиш „да пукне“ за нешто кое некој друг го постигнал.
Сиромаштија – Кога ти останал уште голем дел од месецот на крајот од парите.
Калории – Мали штетници кои живеат во орманот и ја стеснуваат облеката секоја вечер додека спиеш.
Учење – Уметноста на сурфање на интернет, гледање телевизија и јадење додека ти е отворен учебникот.
Стапала – Дел од телото кој служи за пронаоѓање ситни предметчиња во темнината.
Годишнина од матура – Кога за 20 секунди сфаќаш зошто не си се видел со некој во последните 20 години.
Иронија – Кога на хартија црташ дрвја.
Мрза – Ризик да ти падне сè што носиш в раце само за да не се вратиш два пати.
Лате – „Плати превисока цена за тоа кафе“ на италијански јазик.
Професор – Човек кој ти помага да решиш проблем кој не би го имал без него.
Мобилен телефон – Направа која служи да не изгледаш осамен на јавно место каде што има многу луѓе.
Сингл маж – Човек кој вели дека жената е за во кујна.
Тимска работа – Можност да се релаксираш и да ги гледаш другите како работат.
Пријател – Еден од многуте странци на Фејсбук.
Домашно милениче – Некој кој на моменти е единствениот член од твоето семејство кој вистински го сакаш.
Хипстер – Некој кој е мејнстрим во овој момент.
Утре – Најдобриот момент да го сработиш она што треба да го сработиш денес.
Веб-сајт за здравје – Нешто кое настинката ќе ја претвори во смртоносна болест која ќе те убие за 24 часа.
Тинејџер – Возраст на која си премногу млад за да направиш половина од работите кои сакаш да ги направиш и премногу стар за другата половина од нив.