Белата позадина на Гугл Хром кога отворате ново јазиче, односно нов таб станува здодевна, а овие десет екстензии го прават прелистувачот поинтересен. Ако најдете некоја што многу ви се допаѓа, клик на поднасловот ќе ве однесе до линк од каде што можете да ја инсталирате на вашиот компјутер.rn
1. Momentum
rnMomentum ќе ве поздрави, ќе ви прикаже некоја убава слика и ќе ве мотивира со некој мотивациски цитат. Покрај тоа ќе ве информира за времето и температурата на локацијата на која се наоѓате.
rn
2. Currently
rnКај оваа екстензија сами си ги подесувате позадината и бојата на фонтот. Минималистичка е, со информации за часот и времето.
rn
3. Dayboard
rnDayboard ја стимулира продуктивноста. Овде можете да си креирате листа на работи кои треба да ги завршите во тековниот ден и со секое отворање на ново јазиче ве потсетува уште што ви останало да довршите. Ако нешто ви останало од вчера, тоа се префрла за денес.
rn
4. Dream Afar
rnDream Afar е билетот до која било локација во светот преку фантастичните слики кои се прикажуваат при секое отворање. Тие се менуваат со секое ново јазиче. Покрај тоа оваа екстензија ви дава информации за часот и времето, а на дното е листата од сајтовите кои најчесто ги посетувате.
rn
5. Google Maps Earth View
rnСекое ново јазиче значи и поглед врз сателитска снимка од нашата убава планета. Оваа екстензија може да ве однесе на екскурзија насекаде низ светот. Во долниот десен агол има информација за локацијата која ви се прикажува, а има и копче кое овозможува сликата да ја споделите на социјалните мрежи.
rn
6. Pinterest Tab
rnКорисниците на Пинтерест можат да ја инсталираат оваа екстензија и со секое отворање на ново јазиче да кликнат на темата која ги интересира, па потоа на Start My Day и да нурнат во инспиративниот свет на оваа социјална мрежа.
rn
7. iOS 7 New Tab
rnАко сте љубител на оперативниот систем iOS 7 и особено ви се допаѓа неговиот изглед, оваа екстензија тој изглед ќе го префрли и на вашиот компјутер. Можете да изберете позадина и кои апликации сакате да ви се појавуваат на секое ново јазиче. Може дури и да прикажете ваши сопствени икони кои ќе ги ставите таму за да личат.
rn
8. Card Board
rnСо Card Board добивате можност да ја уредите страницата за ново јазиче онака како што вам ви одговара. За жал не можете да го менувате дизајнот, но можете да ги видите фајловите кои сте ги симнале неодамна, апликациите и да пребарувате на Гугл директно од таму.
rn
9. Awesome
rnВо новото јазиче Awesome ќе ви се прикажат виџети од апликациите кои најчесто ги користите. Можете да ја менувате позадината колку што сакате, па дури и да додадете сопствена фотографија.
rn
10. Home
rnHome собира сè што е важно на едно место, тука ќе ги видите сите апликации, ќе добивате нотификации за новите мејлови, итн. Можете и да го менувате дизајнот.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.