Претходно
Самоук кинески фотограф со неверојатно око за фаќање чудни моменти низ објективот
Датум: 05 јан 2015
Коментари: 0
Тао Лиу е самоук кинески фотограф кој не бил отсекогаш познат како што е денес. До неодамна бил само читач на водомерите во градот Хефеи со голем интерес за фотографијата. Во 2011 година купил добар фотоапарат и почнал да слика околу себе. Неговите фотографии сепак не се исти како оние на сите други фотографи-аматери, затоа што Тао има неверојатно око за фаќање на некои необични моменти низ својот објектив.
Овие фотографии почнал да ги прави за време на паузите за ручек или додека се враќал дома од работа. Ги објавувал на интернет и кон крајот на 2014 година веќе почнало да доаѓа и вниманието од јавноста. Неговите необични слики станале многу популарни на кинеските социјални мрежи, а подоцна и на некои телевизии. Вели дека нивната цел е „да ги потсети луѓето за важните моменти во животот“. Неговите дела се неверојатно добри, имајќи предвид дека сè што знае за фотографијата го има научено самиот преку интернет, книги и списанија.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
