Претходно
8 ваши чудни навики кои мажите ги обожаваат
Автор: Зорица Тодорова
Момците ценат некои необични работи кај девојките. Можеби не би помислиле на овие нешта кога би сакале да ги затоплите вашите односи, но доколку почнете да ги применувате, ќе се уверите дека ќе бидат добро прифатени.
1. Кога го гледате натпреварот заедно со него
Вистинската девојка си дозволува да изгледа еден фудбалски натпревар со својот партнер и покрај тоа што можеби не е најголемиот фан на Манчестер Јунајтед или фудбалот воопшто. Верувајте, тоа ќе му ја разубави вечерта.
2. Кога му ставате храна во уста
Мажите обожаваат кога нивните партнерки се грижат за нив, како на пример кога ги храните затоа што заборавиле да јадат гледајќи фудбал на телевизија или играјќи видео игри со другарите.
3. Деловна преку ден, забавна преку ноќ
Девојка која се држи пристојно во текот на денот, но знае да се опушти на вечерно излегување е многу секси. Секој почитува девојка која сака да се забавува со пријателките после долг и напорен ден.
4. Кога ја преземате контролата во кревет
Мажите не сакаат жени кои чекаат на нив и за кои сексот претставува обврска. Тие сакаат кога ги преземате работите во свои раце и ги заменувате улогите со нив, покажувајќи им што сакате.
5. Вашите облини
Вие можеби си имате зацртано да направите стомачни мускули, но мажите напротив сакаат меки женски облини. Ништо не е посекси од девојка со висока самодоверба која го сака своето тело. Токму за тоа пее Меган Трејнор во All About That Bass.
6. Кога не порачувате типични женски пијалаци
Кога сакате да импресионирате некого, заборавете на коктелите или на вотка-мартини. Секој маж обожава да види жена со чаша виски во рака, секако доколку ужива во тоа.
7. Кога се враќате дома испотена од вежбање
За мажите се многу секси девојките кои си доаѓаат дома испотени и несредени после добар и напорен тренинг, уште повеќе што знаат дека водите грижа за своето тело и сакате да изгледате добро за нив.
8. Кога се будите со размачкана шминка
Понекогаш заборавате да ја измиете маскарата и другата шминка пред спиење и наутро се случува да се разбудите со потечени „ракун-очи“, како да сте плачеле. Токму тогаш сте им најубави и најженствени.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
