Претходно
Како пеењето влијае врз човековото тело и психа?
Се чини дека постои одредена магија кога станува збор за влијанието на музиката врз човековото тело и умствените способности. Без разлика дали си ја потпевнувате омилената песна додека возите во автомобилот или пак сте дел од професионален музички хор, пеењето инспирира и буди неверојатни чувства. Всушност, некои луѓе дури ја надминуваат и депресијата благодарејќи токму на музиката и пеењето. Следствено на ова, еве ги најзначителните придобивки од музиката за човековото тело и психа воопшто.
Физички придобивки:
- Ја подобрува функцијата на белите дробови, меѓуребрените мускули и дијафрагмата.
- Позитивно влијае врз спиењето и сонот.
- Ја подобрува работата на срцето и го олеснува дишењето.
- Ја опушта тензијата на мускулите.
- Придонесува за правилно држење на телото.
- Ги отвора синусите и респираторните патишта.
- Може да го намали `рчењето со текот на времето.
- Овозможува лачење на ендорфин.
- Го зајакнува имуниот систем.
- Го враќа физичкиот баланс на луѓето со Паркинсонова болест.
Емотивни придобивки:
- Ја зголемува самодовербата.
- Ги поттикнува пријатните и убави чувства.
- Ја зголемува концентрацијата.
- Го подобрува расположението.
- Ја намалува лутината, стравот и вознемиреноста.
- Ја стимулира креативноста.
- Влева позитивна енергија.
- Ја ублажува осаменоста.
- Ве прави подруштвени и поприфатливи за околината.
- Едноставно прави да зрачите однатре.
Пеењето е пред сè забавно! А, во животот значи кога добро се забавувате и убаво го поминувате слободното време. Кога се чувствувате убаво, умот работи подобро, емоциите се позитивни, комуникацијата со другите луѓе е полесна, телото е повитално… Со еден збор, сите нешта стануваат подобри. Па, не за џабе се вели дека музиката е лек за сè!
