Вчера беше одбележан Светскиот ден на дијабетес со едукативно – натпреварувачки настан т.н Дијаменијада, во спортскиот центар „Борис Трајковски“, во организација на здруженијата „БалансМК“- асоцијација за детски дијабет на Македонија и „Алегрија“- здружение на лица со дијабет.
Настанот беше организиран во рамките на кампањата за недискриминација на децата со дијабетес и превенција на оваа состојба од епидемолошки размери. На овој настан, учениците од 10те школи кои беа опфатени со едукативниот караван и кампањата за подигање свесност за дијабетесот, се натпреваруваа во знаење за здрава храна и спортски дисциплини. Недискриминација на лицата со дијабетес, превенција на состојбата со здрав начин на исхрана и физичка активност, беа главните пораки на проектот.
Оваа кампања, прва од ваков вид во Македонија е поддржана од Фондот за здравство на Р.Македонија, а финансиски е помогната од компанијата „Ново Нордиск“.
rn
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.