Дечињата имаат бујна фантазија благодарение на која постојано создаваат фантастични универзуми од најобични секојдневни предмети. Така, стапчето станува меч, железните огради стануваат автопати, а фалтите од облеката од нивните родители се користат за да се создадат планини, ридови или бранови на бурно море.
Британскиот фотограф Џозеф Форд, со помош од уметничката режисерка Стефани Бјусре и стилистите Марио Фаундес и Алмут Вогел, креирале фантастична модна фотосерија инспирирана од детската имагинација, соединувајќи одбрани парчиња облека, со пејзажни фотографии направени од птичја перспектива.
И покрај тоа што пејзажните фотографии направени од вешти пилоти биле доста предизвикувачки, сепак фотографиите од облеката направени во студио, му одземале многу повеќе време на Форд, а за некои му биле потребни дури 12 часа работа.
Фотографиите од пејзажите се направени на разни локации во Сицилија, Мароко, Сардинија и Маврициус.
Фотосеријата е наградена од страна на британската Асоцијација за награди за фотографи и од страна на Интернационалните награди за фотографија.rn
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn