Претходно
Сладолед на стапче од оризов пудинг и цимет
Леден десерт на стапче со силен мирис и вкус 
Потребни состојки:
- 800 мл млеко
- 200 мл кондензирано млеко
- 1 стапче цимет (или ½ лажичка цимет во прав)
- Парче кора од лимон
- 1 гравче ванила (или 1 лажичка ванила)
- 150 г ориз
- 150 г шеќер
- 150 мл слатка павлака
Начин на подготовка: Ставете ги во тенџере млекото, кондензираното млеко, ванилата и лушпата од лимон. Пуштете ги да се варат на средна температура. Штом смесата зоврие, тргнете го тенџерето од огин.
Потоа додајте го оризот и варете 15 минути на ниска до средна температура, промешувајќи на секои 2-3 минути.
Додајте ги шеќерот и слатката павлака, промешајте и оставете да се варат 10 минути со константно мешање, додека оризот не омекне.
На крајот извадете ја кората од лимон (и стапчето цимет и гравчето ванила доколку ги користевте состојките во овој облик). Оставете ја смесата да се олади 5 минути и потоа ставете ја во модли за сладолед. Брцнете ги стапчињата и ставете ги модлите во замрзнувач. Треба да стојат 6 часа. Пред јадење, сладоледот пропрскајте го со малку цимет.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
